野性呼喚: 第九十四章 ： 視頻

Van仔不停要我除衫俾佢睇。

呢輪同佢已紅好多親蜜接觸，我嘅身體佢唔會再陌生。

感覺上佢只係無聊即興，係想試吓佢有無能力說服我，又或者想知道我對佢嘅服從性。

我直覺van仔仍然當我係一支佢幾乎唔可以得到嘅波板糖，不過佢再唔係吮一兩啖就滿足。

佢要將呢支糖據為己有，不過唔會扐出嚟公開，佢會私人收藏，佢幾時鍾意，就扐出嚟吮幾啖，咬幾口。



......................................

無論點都好，佢無考慮過Gigi同佢喺同一間酒店房間，萬一俾Gigi見到，van仔佢點樣解釋，我唔想喺咁嘅環境下除衫俾佢睇。

不過van仔遊說我，佢話Gigi每次沖涼前，除所處理私人衛生，佢仲有一連串嘅嘢要做。

佢要佢阿媽傾一輪，Gigi媽咪一向歧視van仔，Gigi夾喺中間，佢要兩邊講好說話。

更重要嘅，Gigi要應酬佢啲男客戶，呢班客戶對Gigi不安好心，Gigi為咗籠絡佢哋，少不免要同佢哋flirt一吓，呢啲調情說話，佢只可以匿埋喺van仔聽到都嘅地方講。



仲未計佢做facial呢啲經常做嘅工夫，所以前前後後要喺浴室裡面動輒要個幾鐘頭。

....................................

“唔好啦，過幾日你返香港先啦。”

我始終都係怕。

不過我無為意，咁講即係變相應承佢，背住Gigi，繼續同佢嘅性關係。



尤其Gigi對我有好大成見，自問亦都好難怪佢。

我只怪自己抵受唔到內心嘅誘惑，雖然對Gigi有歉疚，但仍然同van仔交往。

“咁係咪返到香港之後可以約你先？”

“如果你打算日後在唔見我，咁咪算囉！”

我自信van仔亦都唔會捨棄我。

“哈哈，我分分鐘都想同你一齊啦。”

聽佢咁講，我唔知點答佢好，不過心裡面有一絲絲甜意。

“我依家心情就好似嗰晚同你喺浴室偷聽珠女同佢條咁緊張。”



佢見我無回應，佢返番去澳門發生嘅事上面。

“車，嗰晚你係鬼緊張，你偷聽人偷情，係鹹濕就真，哈哈！”

佢嗰晚無意中期到隔離珠女同男友調情，佢拉埋我入去浴室偷聽，我仲記得當時佢好似發現新大陸咁開心，而唔係緊張。

“我當然唔緊張珠女啦！”

我同佢係由聽到珠女情慾地話而挑起。

“嗰晚我親手拖你入浴室，親手同你除低條腰鏈，除你個bra.....”

“你仲除埋我條褲添啦，鹹濕鬼！”



我衝口而出。

“係呀，嗰時我係好緊張，有好high。”

“你估淨係你咩，我咪仲緊張。”

同van仔游水之後，相隔一段長時間，我再次背叛男友，當時我真係好緊張。

呢一刻，我竟然怕van仔真係可以穿過個mon，伸隻手嚟除我啲衫。

“你想幫我慳錢，租少間房，咁造就個機會俾我。”

因為van仔堅持要出埋我喺澳門所有消費，我為咗減輕其負擔，我淨係book兩間房，一開始，我打算男仔一間房，我同珠女另一間房。

我喺之前都講過，珠女同男友過澳門除咗遊覽，仲有其他目的。



當時我一半係迫於無奈，答應俾珠女同男友一間房。

但坦白啲講，我當時亦有一啲衝動，想同van仔一齊，重溫我同佢經歷過嘅親密，又或者當係身處外地嘅一種放縱。

“咁都要我喜歡你啦，唔通阿豬阿狗我都會同佢一間房咩！”

我坦白向van仔承認對佢嘅好感。

“哈哈，咁你喜歡我邊一忽先？我條嘢，哈哈。”

雖然隔著螢幕，van仔眼神好咄咄迫人，想我講一啲情慾說話。

“唔知呀！”



我有啲難為情。