野性呼喚: 第七十九章 ： 同Julie戀情曝光
仲有幾日又係重陽節，自從喺農曆年同男友行花市，四圍去拜年，吃喝玩樂幾日之後，中間呢九個月過得好沉悶，同佢見面越嚟越少，見親佢，佢都好沉默，我哋之間隔膜似乎越嚟越大。
況且再過多一個月，男友就正式借調去總公司，係嗰邊逗留最少九個月，或甚至一年。
如果我唔再爭取多啲機會，可能要一年後，先可以多啲時間同佢相聚。
聽佢講，嚟緊連續嗰三至四個星期日，佢都唔會喺香港，自從中秋節後，我已經幾個星期無見佢，如果再唔喺平日搵佢，都唔知幾時先可以再見到佢。
"今晚有無時間陪我食餐飯？"
我過咗下午茶時間先傳訊俾佢，因為太早搵佢，佢都未必可以即時回覆我得定唔得。
"我諗可以嘅。"
接近六點，佢回覆我。
一餐好平淡嘅晚飯，再唔似以前嘻嘻哈哈，我同佢少咗好多說話，大部分時間都係靜默耷低頭食嘢，不過可以見下佢，我都好滿足。
"我抽時間同你執吓行李？"
"嗯........好吖。"
佢近來都係咁講嘢，滿懷心事咁。
"係咪有心事？"
我真係好想知佢近來諗緊乜，唔通佢真係想同Julie復合番？
因為Julie喺facebook沉默咗一段時間，兩三個月前，佢又活躍番，似乎好開心，有啲嘢想公開咁。
"嗯......無嘢呀！"
我關心佢，但嘅然佢咁講，我只好接受，當佢真係無嘢算啦。
"今晚上你度，好唔好？"
我拋開女仔嘅矜持，主動同佢要求。
我好掛住佢，好想佢攬吓我，愛吓我，我同佢無親熱好耐，唔通佢無需要，定係有其他渠道發洩。
"唔得就算啦！"
見佢好猶疑，我有啲唔開心。
"唔係呀，只不過........."
我突然想起Gigi，佢掛住啲家務，連做愛都唔專心，唔通男友又係咁，掛住啲工作？
..................................
"係呀，揸緊車，好吖........嗯......係呀..........."
男友未同我講完，佢手機響，佢平日習慣用短訊，但係揸緊車，回覆唔到，對方可能搵得佢好急，等住佢回應。
"前面放低我，我自己上你度，如果你唔方便嘅，我第二日先再上去啦！"
我見男友講電話講得吞吞吐吐，隱隱悔悔咁，又不時眼尾望吓我，好明顯佢唔想我聽到佢講咩。
我拍吓佢手臂，叫佢喺前面路邊放低我。
"一陣再搵你！"
男友同對方講一句，匆匆忙忙掛線。
我有不祥預感，對方可能係Julie。
"對唔住呀，我唔想阻住你講電話！"
男友仲未停定架車，我搶先同佢講，我好辛苦忍住眼淚。
"唔好咁啦！"
男友唔俾我落車，繼續車我去佢屋企。
"我好快返嚟，等我。"
佢陪我入咗屋，叫我等佢，佢從來未試過咁樣拋低我，自己走咗出去，莫非對方真係咁重要。
我第一時間衝入浴室，坐喺浴缸邊飲泣。
我好想搵人傾吓，皓皓？van仔？佢哋會明白我而家處境？
我逼自己平復心情，男友可能只係落街覆個電話，佢好快返到，我唔想俾佢見到我咁樣。
我喺廳度等佢，一個鐘頭過咗，佢仲未返。
感覺上佢屋企啲擺設嘅位置有輕微改變，唔通係Julie做嘅，佢用佢一貫隱晦嘅手法通知我佢上過嚟？
不過我太耐無上嚟，已經唔記得自己之前點擺放佢啲嘢啦。
飾物櫃旁邊放咗一疊明信片，明顯係以前無嘅，我隨手睇吓，不出所料，全部都係Julie呢四個月喺外地寄俾佢嘅。
我以前無見過呢啲明信片，今晚俾我見到，可能我突然上嚟佢度啦，不過我始終信仼佢，一直以來，我上佢屋企之前都唔會預先通知佢，佢對我亦無嘢隱藏，甚至連屋企佢部私人電腦，佢都俾埋個登入password我。
可能以前啲明信片擺放其他地方，我無留意到啫。
.............................
『Hello，一到步即做兩件事，一，寄明信片俾你，二，坐緊的士去個客度開會。Miss you！！』
呢張係四個月前第一張。
Julie習慣寄明信片，喺佢facebook都見過唔少，
『Hi，雖然係夏天，見到個雪山都覺得凍，有個人攬住吓，係啲溫暖我就好嘞！Miss you！』
呢張應該係瑞士寄出嘅，佢係咪俾緊暗示男友呢。
『Dear，It's a hard day。Miss you！ Miss you！ Miss you！』
呢張寄出日期距離瑞士寄出一張，相隔一個月。
以日期排序，跟住仲有兩三張，每張message都好簡短，但係佢對男友嘅稱呼越嚟越親密，佢哋發展好順利，難怪男友對我亦都越嚟越沉默，呢幾張明信片好似一把把劍，每一把都狠狠拮落我心裡面。
尤其是最後一張。
『Love，will be back on next Wednesday ！
Sweetie，期待嚟緊嗰個trip，love and miss you。 』
下星期三？咪即係今日！
嚟緊嗰個trip，Julie會同男友一齊出trip？
我腦裡面一片空白，成個人恍恍惚惚，呆坐喺廳。
我一直疏忽咗，男友個師姐早前曾經提醒過我，佢話Julie對想得到嘅嘢，佢好積極，好進取，同埋好有部署，好有計劃。
呢七個幾月嚟，相對Julie，我偏偏太被動，太不干預，太佛系。
不過我唔想將愛情變成爾虞我詐，勾心鬥角，況且我唔擅長攻心謀略，要同人鬥爭，一丁點我都做唔嚟。
..............................................
凌晨四點，我聽到開門聲。
"對唔住，我遲咗返嚟！"
男友嘆一口氣，歉疚咁望住我。
"我call咗車，我走先！"
男友喺後面叫住我，我無理佢，一口氣衝咗出門口，我怕稍一留步，就會撲埋佢度，攬住佢大喊，我唔想攬住正話攬過Julie嘅人。
我走咗落兩層嘅後樓梯，坐喺地下流眼淚。
“C，對唔住，我傷害咗你！”
男友追到落嚟。
“我唔知自己想點，你俾啲時間我，可以嘛？”
我同佢一齊好幾年，佢對我好，我好清楚，只不過而加出現喺我同佢中間，係一個佢深愛過嘅人，佢哋一齊嘅時間比我同佢長，而且和平分手前，佢哋一直長久保持住非常親蜜關係，男友只係無奈被迫放手。
我各方便都唔及Julie，我想放棄。
男友拖住我返上佢屋企。
我同佢雖然兩、三個月無性接觸，但我而家一啲需要都無，相反，我想佢用力咁攬住我到第二日，俾我感受喺佢懷抱裡面嘅安全感，今晚係我同佢最後一次擁抱，我心裡面有咁嘅準備。
....................................................
仲有個零星期就到重陽，因為佢哋兩個過世咗嘅媽媽個骨灰盫咁啱都幾近，過去幾年，每年清明、重陽，洗頭妹都約埋van仔一齊去拜山，van仔奇怪今年仲未見洗頭妹約佢。
今年中秋van仔叫洗頭妹出嚟食飯做節，洗頭妹已經一反常態，又話唔得閒，又話要返工，諸多藉口，唔情唔願，一直都夾唔到期，嗰一刻開始，van仔已經感覺到佢有啲唔妥。
“喂，發撚生咩事？”
van仔直接俾電話洗頭妹。
“Er~~無嘢呀！”
洗頭妹猶疑一輪先搭。
“無嘢？唔撚駛呃我啦，今晚老地方等你，一路食，一路同你傾！”
“唔得呀，你老母，今晚唔撚想出嚟呀！”
“唔撚好同我講咁多，今晚十點半，唔撚見你出現，你以後唔撚好再搵我！”
van仔霸王硬上弓，唔俾細頭妹任何退路。
......................................
“咩鳩嘢事呀，大撚晒咁，你話要我出嚟，我就要出嚟！”
洗頭妹準時出現，佢一屁股坐低。
“咩事？係咪唔駛去拜你阿媽呀？”
“咩啫，你有Gigi陪鳩你啦，我拜唔拜關你撚事咩！係咪屌Gigi屌到悶，搵我嚟屌吓呀？”
“你唔撚係咁樣同我講嘢呀？”
自從同Gigi一齊後，van仔每次拜山都要分開兩次，一次同Gigi去，一次陪洗頭妹，一齊拜完van仔媽媽，再去拜洗頭妹先母。
洗頭妹耷低晒頭，唔敢出聲。
“到底發生咩事，平日你完全唔搵我唔講，連中秋想搵你食餐飯，你都唔撚出嚟，係咪有人溝你？”
van仔想洗頭妹澄清，不過洗頭妹仍然耷低晒頭，粒聲唔出。
“咩人？係邊撚個？”
唔出聲等於默認，van仔忽然發起矛上嚟，趴前捉住坐喺佢對面嘅洗頭每隻手。
“屌，你好撚大力呀，放手先啦！”
洗頭妹咁講， van仔先知自己緊張，即刻鬆開隻手坐返低。
“係師傅！”
即係髮型屋個老闆，呢個人猥猥褻猥，成日佔女仔便宜，雖然佢離咗婚，不過已經四十幾歲人，仲想結識洗頭妹呢個廿零歲女仔。
“條撚樣唔係好人，你肯俾佢溝嘅？”
“咩呀？全世界好人死撚晒啦，唔通我成世人要食自己咩？”
洗頭妹開始激動。
“搵嘢食先，一陣喺出面再講。”
間餐廳四周圍坐滿人，唔係傾偈嘅地方，佢哋兩個人都無心機食嘢，好快埋單離開。
“冷撚靜啲，講我知係點開始嘅？”
同洗頭妹行去以前成日同佢喺度胡混嘅公園仔，一齊坐喺滑梯底。
“屌，係你激動咋喎。”
洗頭妹搓吓正話俾van仔用力捉住，仲痛緊嘅手腕。
“過完端午節無耐，師傅開始俾好鳩多頭我洗，過多兩、三日，佢走埋嚟同我講，話我洗頭唔撚係好掂，叫我改善吓，我諗我洗頭都洗撚咗幾年啦，有乜撚嘢唔掂呀，你依家先同鳩我講。
我心係咁諗，但係我好撚怕再俾佢屌，同客洗頭嗰時都好撚小心，仲一路駛，一路𥄫鳩住師傅，睇佢有無留意我點洗頭。”
聽洗頭妹講開，van仔記得洗頭妹初初入行，個髮型師老闆佢好惡，開口又鬧，埋口又鬧，搞到洗頭妹好無自信，有咩唔識，唔敢問佢，淨係問van仔呢個所謂師兄。
“過撚咗成個月，師傅再無同我講過嘢，我以為無事啦，點撚知，有一日佢叫我收工後留低，佢同我洗一次頭，等我知道點撚樣洗頭先係正確。
我無撚得say no啦，嗰晚收十點，收工前明明師傅仲喺道，一收工就唔撚見咗佢，咁我唔知留唔留喺道好，等掃撚乾淨晒個場，見師傅啱啱返嚟，原來佢出去買宵夜。
我坐埋一邊唔撚敢出聲，點知佢叫撚埋我過去一齊食，佢隊撚咗兩罐啤酒埋我身邊請我飲，一路食，一路問鳩我平日放工做乜，有無同你呢條撚樣聯絡。
打佢幾年工，未撚見過佢咁好聲氣對我，佢突然間對我咁撚好，我都唔知俾咩反應佢好，正撚係『哦』、『有呀』、『無呀』，佢問一句，我答一句。
餐宵夜食撚咗成個鐘，我心諗：搞乜撚呀？又話教我洗頭！
無耐，師傅終於放低罐啤酒，叫我埋位，我聽到佢講，就扐起條遮身布，準備遮身，點撚知師傅話我無剪過頭髮，唔會有頭髮碎跌落身，唔撚駛用遮身布，無謂洗多條布，叫我就咁瞓低。
佢開始同我洗頭，師傅即係師傅，佢洗頭手法好撚純熟，按摩頭皮嘅力道啱啱好，搞到我好撚舒服，high high哋，又好撚想瞓，唔想俾佢停咁。
師傅洗撚咗好耐，佢越洗越埋，有時唔覺意，佢條鳩仲揩埋我手臂度。”
“條撚樣擺明博鳩你懵啦！”
聽到髮型師輕薄洗頭妹，van仔即刻光火。
“屌，我知丫，我唔撚係傻嘅，不過是撚旦啦，俾佢條鳩揩吓，又唔撚會死人。點知搞吓搞吓，就搞撚到俾佢溝咗囉。”
“咩搞吓搞吓，就搞撚到俾佢溝咗呀？咁撚兒戲！你不如一五一十講，詳細講俾我聽勒。”
van仔唔明點解洗頭妹話接受咗髮型師。
“嗰晚，師傅同我洗咗一輪頭，我幾乎瞓著，突然間我心口一冷，擘大眼見到師傅潑啲水落我心口，搞撚到我件tee濕鳩晒，我O撚晒嘴，唔知佢搞乜鳩。
『拿，洗頭除咗手法要到家，仲有啲嘢要注意，其中一樣，係要小心，洗頭時唔好整濕客人件衫。』
呢啲濕碎嘢，駛撚師傅講咩，況且，整濕人件衫嘅機會唔大囉。
我未撚出聲，師傅隻手就係咁捽落我心口，佢無抹乾隻手，搞撚到我件tee越抹越濕，成個心口都濕搞晒。
『拿，我見過好多洗頭仔、洗頭妹，一整濕客件衫，就手忙腳亂，好似我正話咁，手都未乾，就想幫客人抹返件衫，你睇吓，咪越抹越濕囉。』
師傅跟手攞起條毛巾，喺我個波上面揩吓揩吓，隻手板級鳩住我個波抹吓、仲輕輕揸鳩咗兩三吓。
『拿，我只不過係示範俾你睇，如果我係洗頭仔，你係客，咁梗係唔可以幫你抹啦，不過你係女，就算你服侍個男客，你幫佢抹，佢應改都唔會拒絕嘅。』
師傅跟住叫我幫佢洗一次，睇我我學到幾多，我快快手手洗撚完，速速用風筒吹乾件tee，師傅見已經十二點幾，就叫的士送我返屋企。
嗰晚之後，師傅對我面口好咗，同以前唔撚同，出親鋪外面食煙，都一定摟鳩埋我，有傾有講，整整吓我都無咁撚怕佢，如果我收尾更，執得鋪嚟，其他人走鳩晒，剩低我同佢，佢都會埋嚟，叫我坐低，同我鏈吓膊頭，有時又摟鳩我宵埋夜先走。”
“條撚樣平日屙尿都隔過渣，咁撚豪請你宵夜？”
van仔今次聽洗頭妹講佢同師傅嘅事，同嗰日聽芯芯講佢阿媽嘅事，心情完全嗯同。聽芯芯阿媽嘅事，佢當聽故仔咁聽，但對洗頭妹，van仔唔係旁聽，佢緊張洗頭妹同髮型師搞成點，佢想勸洗頭妹如果佢哋未一齊，就唔好接受佢，如果佢哋一齊咗，就同佢分手。
“我都唔撚係次次去，不過有時佢叫我好幾次，唔鳩應酬吓又唔撚係幾好，話晒佢係我老細嘛。”
“淨係宵夜？佢有乜撚嘢講？”
“講乜鳩啫，我同佢嗰時仲未撚係咁熟，都係無無聊聊吹撚吓水，佢讚鳩我，話我fit咗，又話佢近來影緊乜鳩嘢沙龍，問我有無興趣做佢model。”
“魔佢老母，model！以前都未撚聽過佢話影相！”
洗頭妹確實係fit咗，成身firm晒，腰部同胸部嘅線條好明顯。
“挑，你咁撚興做乜啫，你都影我唔少啦。”
van仔習慣同女仔集郵，洗頭妹難免俾佢影唔少相。