野性呼喚: 第五十九章 ： 未抽到身返出嚟

 終於執好晒所有物品，準備拉開房門落樓下匯合珠女，van仔擋住房門口。

“喂呀，夠鐘罅！”

Van仔無理，耷低頭錫落嚟，分別前喺最難捨難離，van仔想用盡每一分鐘。

人非草木，呢幾日同佢比朝夕相處嚟得更親密，雖然唔係咩生離死別，但係大家都預見到，現實唔容許，我哋亦都唔應該再好似而加咁，我有啲感觸，雙手攬住佢，積極回應，就算van仔隻手喺我衫裡面遊走，推起我個bra，好大力咁揸我乳房，我都無制止，反為享受嗰種少少被虐嘅感覺。

終於珠女喺大堂等得唔耐煩，打電話上嚟催我哋。



“van仔，細C呢？你哋搞咩呀？夠晒鐘退房，仲唔落嚟，我等咗你哋好耐喇！”

“好快到，等緊𨋢啦。”

“等緊𨋢？先生，呢個係房間電話喎。”

“哈哈，你搞完嘢都仲咁清醒嘅，我話細C等緊𨋢落嚟，我喺房檢查有無嘢留低，跟住就到！”

“睇吓你丫，搞到我衫又亂晒，唇膏又甩晒！”



對鏡望一望自己，啲衫亂晒，個bra又移咗位，唇膏甩晒色，揩晒落我同van仔嘴邊，真係慘不忍睹。

Van仔一收線，我趕住拉翻好啲衫，同佢抺乾淨嘴邊啲唇膏，乘機發吓嬌嗔。

退房到上船返香港仲有幾個鐘頭，橫掂未去過氹仔，大家都贊成過去行吓。

幾日無好好休息，每一個都好攰，雖然落到氹仔，大家只係係搵個地方坐低，叫杯嘢飲，坐到夠先起身坐返車去碼頭。

喺澳門呢幾日，日頭有珠女、van仔喺身邊，唔方便搵男友，夜晚就更加無可能好似精神分裂，一邊俾van仔攬住愛撫，佢進入緊我身體，另一邊就同男友打情罵俏，同佢講愛佢，呢個係無可能啦。



趁佢哋個個都合埋眼養神，我check吓男友what’s app，佢知道我嚟咗澳門玩，不過唔知詳細情況。

男友搵過我好幾次，都係問吓好唔好玩之類。

我一路睇住呢幾個message，重復睇完再睇，但係我唔知點回應。

我望吓瞓著咗嘅van仔，又睇吓儲存喺圖庫男友嘅相片，腦裡面問自己，我對男友有不滿咩？van仔有咩優勝過男友呢？

答案好明顯，既然對男友又無不滿，男友各方面都唔差得過van仔，點解我到而加都放唔低van仔呢？

我好混亂，呢個狀況會維持到幾時，我又敢唔敢向男友坦白呢？

⋯⋯⋯⋯

終於上船，可能唔係假期，加上啱啱完咗賽車，班船無乜客，船未開我哋四個人已經瞓著咗，澳門行程亦都正式完結。



“食埋宵夜先送你返屋企？”

我哋喺的士站同珠女哋分手，佢哋剛上車，van仔就摟我食宵夜。

“你肚餓咩？”

我明佢意思，不過van仔同我始終都要分別，況且大家都咁攰，我咬住嘴唇考慮一陣之後，最終都係拒絕咗。

返到屋企本來第一件事係搵吓男友，但係呢幾日做咗van仔嘅短暫情人，對佢投入咗唔少感情，而加仲未可以抽番身出嚟，內心好歉疚，唔敢立即面對男友。

一個人喺房，靜靜哋整理吓思緒。

我返咗屋企差唔多兩個鐘頭，竟然收到van仔what’s app，通知佢已經喺我樓下，要我落去見吓佢。



Van仔搵得我咁急，我覺得佢唔係想再見吓我咁簡單。

我答應佢，叫佢等我一陣。

我換番衫出門口，喺廳度啱啱睇完劇集，準備瞓覺嘅阿爸，見我剛剛旅行完翻嚟，而加十二點幾仲匆匆忙忙走出街，佢好奇怪。

為咗唔使屋企人擔心，我交代話朋友扐嘢嚟俾我，一陣間就返，點知有出去就攪到幾乎天光先返到。