野性呼喚: 第二十九章 ： 佢瞓埋我旁邊

我哋女仔好多嘢都要講感覺，如果對你有好印象，你講乜，啲女仔都會認為你有道理。

“哈哈，我心目中最好一個瞓咗喺我隔離！”

“你口甜舌滑！”

Van仔慣晒對佢啲學生妹花言巧語，明知係假，我都感到窩心，佢講完就乘機瞓落我身邊。

“喂呀！”



我想避開佢，點知反為讓咗啲空間出嚟，變咗我移個身埋床一邊，騰出一啲空位俾van仔可以挨喺床頭，瞓喺我身邊。

“你係咪對個個女仔都咁好，咁激動架？”

喺我眼中van仔唔係討人厭，所以由得佢，我仲問佢尋晚啲嘢。

“唔係架，睇咩人咋，尋晚係特別啲。”

“咩特別呀？”



“因為有觀眾囉！哈哈。尋晚做咩要裝我哋？”

佢又試提翻起，令我好難為情。

“喂呀，咩裝呀？係你哋離晒譜，有外人喺度都咁，仲話我裝你，我以後唔睬你呀！”

我講完，擰轉個身背住佢。

我一轉身，掀起咗張被，打出個背脊，van仔乘機拉起張被，攝個身埋裡面。



“你話我尋晚咁激動，因為尋晚我唔係同Gigi搞嘢，係同你！所以我先咁激動。”

“哈！你仲係要攞我便宜喎！”

我正話擰翻轉身，唔為意van仔瞓喺我後面，而加一轉身就成個人挨埋佢度，我嚇咗一跳，但係張床咁窄，都避無可避。

我同佢雖然淨係手臂貼手臂，但最慘係佢知道我件薄Tee下面，係乜嘢都無，我以前俾過啲性感相佢，怕俾佢有好大幻想空間。

“我唔係攞你便宜，我係照直講，如果你想我講大話，咁我話尋晚我無諗住你囉！”

“如果你唔係呃我，尋晚真係諗住我，我都無乜理由嬲你！”

“我梗係無呃你啦，我尋晚真係想俾你知道，如果我同你做，我會點對待你囉！”

我無出聲，我唔係好計較小節，淨係怕人呃我，如果你係坦誠，你講得大膽啲，我都無乜所謂。



“點解唔出聲？”

“我都唔知點講好！”

“第一次睇住人搞嘢？”

“嗯….嗯…..唔係！”

“吓，幾時？”

同van仔雖然算做傾得埋，但係嗰次我喺澳洲經驗，只有幾個個人知道，van仔仲未同我親蜜到會講俾佢知。

佢雖然得唔到答案，我一向俾佢印象係乖乖女一名，我竟然親眼睇過人做愛，佢好驚訝！



“去旅行。”

“哦，係鬼佬！”

“係女同學！唔好講喇！”

雖然佢一頭霧水，亦都感覺到唔適宜再問。

“不如你話我知，你鍾意點，好唔好？”

“嗯…..我鍾意錫！”

“搞嘢嗰時？”

“嗯…..我哋會錫好耐先做！就算平時我都好鍾意佢錫我！”



“咁樣？”

佢伸隻手捧住我塊面，趴轉半邊身，錫落我個嘴度。

上次落大雨，我上我屋企，佢同我都kiss過，van仔喺我面前，成日講佢色膽大，同女仔上床好似食菜咁，但係佢對住我，就唔同晒，好concern我感受。

“嗯~~”

受到尋晚剌激，我無抗拒，我呼咗一大口氣，就闔埋雙眼，任佢錫我。

佢同我嘴對嘴，我仲箍住佢條頸，佢啜住我上唇，我就啜住佢下唇，竟然錫到啜啜聲。

Van仔一啲都唔急，更加唔會亂嚟，佢無伸脷，我諗佢要我感受到溫馨，要我將佢幻想成我男友，同佢初吻咁。



錫咗好耐，我終於鬆開手，放開嘴，對住佢笑一笑。

“起身返工喇，好唔好？”

“十幾年嚟，都係第一次同女喺床上面齋錫，無打茄輪，連你個波都無揸過一揸，不過，嗰種滿足感仲勁撚過同任何女大搞一場。”

Van仔無隱瞞，講出佢嘅感受。

我唔想同佢再進一步親蜜接觸，只係好似而加咁就算，但係世事難料。