《如若我是……》: 第四集
八月嘅讀者連載節目竟然去到九月中先完。無辦法啦！鬼叫咁多突發嘅嘢殺到，plan好嘅schedule都要打亂。傷心事唔好睇，而家睇埋最後一集嘅《如若我是……》啦！
-
最後一集，我哋邀請咗重量級嘉賓，簡直係瘋魔萬千……唔係唔係，冇咁少嘅。再嚟過，係瘋魔億億喝倒采聲嘅娥娥，簡稱777。
-
Errr……我想知道點解大家咁鍾意睇澄澄故事台。即係咁嘅，一個咁垃圾嘅故事台，你哋都去睇你哋都咁支持，真係對你哋好失望。睇故事梗係去香港最大黑社會群組啦，佢哋篡改事實就最叻㗎喇！佢哋對推同拉嘅定義都唔同，睇故事使乜睇澄澄故事台，去全港最大犯罪集團嘅Facebook同記者招待會就得，聽聞佢哋對記者朋友最客氣，會好關懷記者朋友嘅母親。大家唔好笑，我係真心㗎！
-
哎吔，講得多嘢甩咗條底褲口罩㖭，整返好先。下次再講啦，我驚繼續再講就甩第二啲嘢㗎喇！
------
相信娥娥嘅勉勵可以令到大家重新審視澄澄故事台嘅質素。睇到呢度，你哋都可能覺得我心理變態，唔緊要，而家嚟個更加變態嘅。為你哋呈獻，讀者171投稿嘅殺人犯。
-
大家follow咗澄澄故事台未，未嘅就小心啲，因為我係殺人犯。我專門殺啲唔follow澄澄故事台嘅人。澄澄故事台啲故事咁好睇，大家唔follow，我就會好傷心，一傷心就去殺人㗎喇！
-
大家仲唔快啲follow澄澄故事台。
------
最後一集，寫啲嘢梗係越嚟越癲㗎啦，為大家拋棄偶像包袱，由K提議嘅觀音兵多到黐線嘅女神。
-
「不要低頭，光環會掉下來。我是女神。」
-
呢句係我阿媽教我，冇人比自己更好。我係女神，我作為一個冇死角美少女，做咩都要完美，做咩都係完美。
-
呢個世界冇嘢係我攞唔到，只有我想要嘅嘢，我一開聲，周圍啲人都會俾到我。唯獨有一個人，我係得唔到。嗰個就係又靚仔，寫嘢又好睇嘅澄澄。
-
有日去長洲影相釣狗公，突然見到一個靚仔好麻甩咁食魚蛋，佢呢個麻甩嘅大叔feel真係好吸引，第一眼望住佢已經心心眼咗，真係好正。返到屋企起佢底，原來係一個網絡作家叫澄澄，我就開始睇佢啲文，佢啲文真係好好睇，人又靚仔喎。有次睇佢live，佢把聲真係好Q難聽，但聽耐咗就覺得好磁性，好正！
-
大家有冇佢聯絡方法，我淨係得澄澄故事台IG咋，大家仲有冇其他辦法可以聯絡佢吖！講佢住邊度都得㗎！我真係好想見佢本尊吖！
-
我真係好鍾意澄澄吖！
------
話晒今日係最後一集，唔好留言屌我住，俾呢個單身嘅我自戀一下啦！
-
無謂再嚇親大家，俾返啲正常啲嘅俾大家先。跟住就係愛睇隔離大台（聽聞係只限有Ali嘅時候）嘅文字編輯 Rachel投稿嘅Ali BB。
-
我都唔睇CCTBB所以冇睇隔離台啲戲，答你唔到，亦都代入唔到個角色㖭！
-
CCTBB就唔好睇喇！睇壞腦㗎！
------
終於嚟到最後一個投稿，就係由軼名提供嘅多啦A夢 x Brian之進來or quit好。由於我唔記得邊個留言，就叫軼名啦！
-
多啦A夢吖！我明白嘅，唔滿意就Quit咗大雄佢囉！大雄軟弱無力，做少少嘢都唔得，胖虎就啱你，又可以提供溫暖俾你，你知道啦！你機械貓嚟，冇溫度㗎嘛！胖虎就啱你㗎喇。多啦A夢，聽我講，quit大雄，去胖虎到，ok？
-------
一連四集嘅 《如若我是……》去到呢度就圓滿結束。好多謝大家嘅收睇。再次多謝大家支持澄澄故事台。最後賣個廣告，《明戀暗愛補習社》會喺星期六會有一個真人真事嘅外傳。
IG：chingchingstory