《如若我是……》: 第一集
歡迎嚟到澄澄故事台8月讀者互動連載文章 《如若我是……》。
-
之前透過Instagram限時動態收集各位讀者想寫嘅嘢。首先多謝大家踴躍參與，所收集嘅提議高達19個。喺8月嘅每個禮拜一夜晚23：00都會連載全新節目《如若我是……》希望大家支持。
-
首先係澄澄故事台文字編輯 Hi Hi 嘅投稿-武俠
-
Hi HI小姐，你竟然搶澄澄故事台啲追蹤者，實在是萬惡不赦，作為捍衛澄澄故事台的武俠，我要代表所有讀者懲罰你。
-
「ching」、「ching」、「ching」、「ching」、「ching」（成本有限，呢啲當住係揮劍聲先啦！）
-
HI HI俠客：「哎吔！」
-
哈！本人放長雙眼，會一直監視你，直至……直至……
-
哎！吹唔到落去吖，我份人都唔正義嘅，我做劫匪就得，專劫讚好，（換返2020年嘅詞語即係呃 like）。
-
大家放心，現實嘅Hi HI係澄澄故事台嘅文字編輯嚟，佢糾正我好多有問題嘅句子，從而提升咗故事台文章質素，一個禮拜睇咁多篇文，仲要睇下有冇語病/錯字其實都唔容易㗎。聽聞佢好似都有新故事喺故事台發佈，大家拭目以待啦！
------
跟住亦都係澄澄故事台文字編輯-Rachel投稿嘅Brian Cha
-
Rachel，明白嘅唔好做澄澄故事台嘅文字編輯囉，Quit 澄澄故事台囉。你成日都會見到我追你……文稿㗎。BTW，因為澄澄故事台仲有好多編輯喺度幫手㗎。BTW。Rachel 我俾一個建議你，唔鍾意嘅quit咗澄澄故事台佢，得唔得，o唔ok？
-
大家唔好認真住！啲杜德偉細佬-道德撚唔好話我住，Rachel係故事台嘅開國功臣嚟，我點會唔要佢呢！P.S.佢係男人嚟，大家可以放心。我唔搞gay。
------
接著落嚟係永恆使者K投稿嘅-機場廁所清潔工
-
err……咁我係洗男廁定女廁吖？
-
啱先收到機管局最新消息，原來係乜都要清潔。
-
唔知大家有冇聽過機場嘅傳說，如果你係洗男廁嘅，你就會乜撚都有，如果你係洗女廁嘅，你就會乜閪都有。如果你係洗殘廁嘅呢，你會見到coffee。搞咗個低質笑話㖭。
------
洗完廁所，就梗係寫埋嚟至灰丑提議嘅馬桶啦。
-
我叫馬桶，又稱屎塔。明明人類個個都需要我，但都對我避開三尺，覺得我係一個污穢嘅嘢。
-
佢哋糟蹋我，我唔介意，因為我嘅工作係承受人類嘅排泄物，但個個去完都唔撳我頭頂粒制制去沖廁，搞到我嘅身體充滿異味同細菌，咁就對下個使用者唔好。大家打開我，都想見到我有乾淨嘅一面，咁大家去廁所就舒服啲喇！大家聽話，去完廁所，閂返個蓋同埋記得沖廁吖！保持馬桶清潔衛生，你我有責。
------
去完廁所，做埋馬桶，食啲嘢去癖下臭味先。食咩好，梗係檸檬啦。為你介紹，讀者老葉投稿嘅謝霆鋒。
-
整返個beat先：年輕得碰著誰亦能像威化般乾脆，快活到，半日也像活盡一百萬歲。
-
人哋煮餸就可以chok啫，我唔通chok住嚟打文咩？chok住嚟打文就好似痙攣咁，
-
古語有云：型到盡頭便是柒。事實證明，柒同型好難carry，有時型得滯就好易柒，所以身為偶像派嘅我，梗係唔會亂咁chok啦，費事太型，變咗柒頭。咁呢度就唔係澄澄故事台，係澄澄柒頭台嚕！
------
今個禮拜就講住咁多先啦，如果今個禮拜見唔到你嘅投稿嘅，之後都會有㗎！記住8月內每個禮拜一夜晚23：00，留意澄澄故事台喇！
IG：chingchingstory