電影少女 (2): 淫眼碌碌逐個郁 (結局篇)

淫眼碌碌逐個郁 (結局篇)
~~~~~~~~~~~~~~~


「好彩走之前有得執啫！」Wilson攬住Jay講：「所以話Jay真係好兄弟！！」
 
「我就蝕哂喇，放條仔去偷食仲要同啲人扮情侶！」Alice啤住Wilson，之後同Jay講：「我條裙呢？」
 
「佢攞走咗，我唔知呀！」
 


「唔知！！你要賠返…」
 
Alice未講完有個20幾歲男性行入課室，佢講：「大家好，我姓李，係取代Miss Chan嘅。」
 
「取代Miss Chan？？」
 
「點解要取代？」
 
唔知道Miss Chan辭職嘅同學係咁問，Alice見到新嚟哩個呀Sir好有型，高高大大又靚仔，望到佢個人動哂心…
 


Jay見Alice起勢咁望，就同佢講：「今次到妳喇！」
 
「梗係喇，次次都係你咩！！」Alice串完Jay，之後好溫柔咁同李Sir講：「李Sir呀…」
 
李Sir望見Alice，第一眼俾佢吸引到…
 
Alice就內心笑笑…
 
你走唔甩，食硬你喇！！
 


另一邊廂，响大型office經理房中有個女性坐响辦公枱前，而佢前面有個中年著住西裝男人，佢咸咸濕濕眼神望住眼前靚女。
 
哩個靚女雖然係著住西裝外套、白恤衫，但係佢件白恤衫鈕無全部扣哂，有兩粒係解開見到條波罅；下半身係條開高釵黑色短裙，襯埋黑絲襪黑色高踭鞋表現靚爆美感…
 
美感當然相貌係重點，個樣靚爆鏡眼角有粒墨，粒銷魂墨令佢更添美麗。
 
就係因為佢咁索，所以眼前男人望到失哂魂，口水都流哂出嚟。
 
「張生！」靚女撥撥頭髮，嬌揉語氣咁講：「望咗好耐囉喎，我塊面污糟咗？」
 
「唔係，唔係。」張生抹抹口水之後講：「陳小姐，妳之前教開書點解會有興趣加入保險哩行呢？」
 
「教書無乜發展，所以決定轉行。」陳小姐講：「保險業口才美貌學歷我全部都有，所以我想加入保險業…」
 
「加入MGA保險公司，同張生做同事…」陳小姐咬咬下唇，講：「唔知可唔可以呢？」


 
俾陳小姐電一電，張生迷哂咁講：「當然可以，歡迎妳加入！！」
 
張生企起身想同陳小姐握手果時有個年輕男性行入嚟，佢講：「呀Paul，我請果個有未呀？？」
 
「有喇，哩位就係。」Paul Cheung示意新請嘅就係陳小姐。年輕男性見到陳小姐，同樣迷一迷之後伸手出嚟講：「唔好意思，妳靚到成個Model搞到我亂哂。我叫Manson，nice to meet you。」
 
「Manson你好，我叫Maple！」Maple 充滿自信咁望住Manson，再一次電暈佢！！
 
「歡迎加入，我保證妳一定可以大展鴻圖！！」Manson握住Maple隻手好興奮咁講。
 
Manson？？
 
都幾靚仔嘅，可以玩吓不過襯我唔起囉！！
 


「Maple妳全名係咩，同妳印咭片吖。」
 
「Maple Chan！」
 
「中文名陳詩雯！！」



 
淫眼碌碌逐個郁（全篇完）