《心灰意冷的我去咗跳樓，發現一切都可以重來。》: CH.5【回憶之旅上有美食相伴】

「啊！11點啦。」又是睡到不知道起來。

從家裏趕去，也許半小時能到吧？

刷牙，梳洗。光速完成。

「仲早，沖個凍水涼先。」

真是享受啊。





「的士，唔該。」整裝待發，直接出行！

「九龍灣站。」

「好，坐穩啦！」

「司機大佬，你俾人抄牌你嘅事，唔關我事啊。」不要開得那麼快啦！

「得啦，阿叔手車好穩陣架。」





這也能叫穩嗎？

我頓感暈眩。

一幕幕的過往也幫我甩出來了。

一起吃拉麵，
一起吃放題，
一起打籃球，
一起抄功課。




一起共患難，
一起共進退。
一起遲到，
一起早退。

那些往事，依然深存在我的記憶倉庫。

「後生仔，係咪睇到啲嘢啊？懷念嗎？」司機大叔問我。

「你點知架？」我不明所以。

「你冇睇我車牌咩？你冇留意啲咩傳說咩？」司機大叔反倒問我。

「KB24。Oh，真係冇留意車牌，我見趕時間就是但上咗架，估唔到我咁好彩。」接載我的竟是流傳只會出現在九龍區的回憶的士。今天竟讓我坐上了。
「哈哈，唔係你好彩，有人得登叫我嚟架。」司機大叔的話越來越撲朔迷離。





「唔明。」我完全無法找出合理理由。

「唔明就啱啦，依家未係時候。」他認為這是理所當然的。
「Ermmmm，司機大佬咁吊癮。」我不喜歡賣關子的人。

「係咁吊癮架啦，唔好怪我。」他也像是身不由己。
「好啦。」我也沒能問出個所以然。

「到啦，落車啦。」
我下意識掏出錢包，打算把車資付上。

「唔使啦，我地咁有緣，下次會再見架啦，到時再算啦。」司機大叔和藹地笑着。

「多謝你。」我也回他一抹淺笑。





關上車門，離去。

我還是偷偷的留下了一張100元紙幣。

望一望手上的精工手錶，時間11:50。

先逛逛吧。

商場兩旁的食肆林立，人龍長又長，把路堵得水泄不通。

還是老闆的小店最好，安靜又舒適。

趁時間還未到，我先到了扭蛋機中心把喜歡的火影忍者掛飾都抽回家。





11:55。

是時候過去了吧。

今天想吃天婦羅，配上柚子鹽沾麵呢。如果加上唐揚雞就一流了。

「老細，我嚟啦！」我懷着期待的心情。

這間店，永遠都能給我一個新的體驗。

每次都有轉變。

「你到啦？今日啲拖羅好正喎，不如整個廚師拍板呢？」

「可以嘅！不過我仲想食天婦羅配柚子鹽沾麵，仲有唐揚雞。」





「唔緊要，我有計。」

「Budget我多，冇所謂，你隨心。」

「唔好下下都講錢啦，我地都咁熟啦，今日預先喺日本訂咗靚嘢翻嚟為咗招待你啊！」原來早一天告訴老闆有如此妙效。

「好啦好啦，唔講錢，吹下水啦咁。」

「好喎，講下今日啲食材先啦。」老闆對於空運到港的食材表示期待。

「好！」

「今日嘅第一道頭盤，就係我精心挑選嘅馬糞海膽配日本新鮮鮑魚。呢兩樣都係我好鍾意嘅食材！我會幫你處理腥味，我知你驚有味。」

「咁你都知，勁啊！」

「係啦，你係咪夠18，我俾啲清酒你，配合之後嘅料理。」

「夠啦。我都想試下老細你可以點樣俾到驚艷嘅感覺我。」對美食，我也是有要求的。研究也當然少不了。

不過吧，都說是廚師發辦，就讓老闆配吧。

「呢杯，係極上清酒，俾你開開胃。」

「好啊。」喝下去，有種清爽的感覺，也有酸酸的開胃的感覺。有點像果汁酒呢，不像是清酒啊。

「點啊，係咪好正先！」

「當然正，老細好品味。」

「第二道菜，係我獨家嘅赤身壽司！唔需要點任何醬汁，直接食啦，我搽咗一層醬油落去架啦。」

這道菜，說真的，其實不然。

不過品質還是非常好的。

「唔好飲清酒住啦，下一道菜就快嚟啦。等陣我會俾啲嘢你清清喉嚨，開一開番個味蕾。」

「中拖，第三道菜，請你品嘗。同埋呢度，玄米茶。」

中拖，脂肪恰宜，不會過分肥膩。

玄米茶？大概是讓我清清口，準備從第四道菜開始的高潮位。

「唔錯唔錯，味道同脂肪比例啱啱好。」

「嗯哼。」

「第四道菜，係唔係大拖羅？」

「你估啱咗，頭先嗰杯玄米茶就係想你清清味道，好好去食呢件大拖羅壽司。」老闆非常雀躍。

「喂，老細呢下妙喎！我一定好好品嘗。」

「哈哈，食咗先講。」

甫放進口中的魚肉，在舌頭上滑了兩下，便消失了。

這是最高的境界吧。

「入口即化。」

「好啦好啦，之後就唔好講嘢啦。認真沉浸喺呢個美食世界啦。」

「第五道菜，北海道原粒帶子壽司。」

晶瑩剔透的帶子，散發着淡淡的海水味。

真是少有的良心品質。

「第六道菜，白蝦刺身。伴上柚子醋。細品。」

白蝦子們緊緊抱住大家，彷彿知道下一秒就要被我吞下去。

「俾杯水你，去翻壽司。」

「第七道菜，金目魚壽司。一樣都係日本空運。」

老闆說不用再作調味，他已把那自家製的醬油抹了上去。

果然，調味也不需要，直接吃已經是如此味美。

「第八道菜，炙燒三文魚腩壽司。食完呢樣，就要等陣先啦，我要準備下其他嘢，你飲住茶先，坐陣解解膩。」

「收到。」我開始猜測老闆下一份會拿出來的美食。

「第九道菜，和牛壽司卷。呢個和牛係用咗A5神戶牛最靚嘅部位！」

沒有根，無瑕的一塊肉。

味蕾正在歡快地舞蹈。

老闆拿出了一個很日式風格的小燒爐。

然後，不知從何變出了一片又一片很薄身的和牛。

「呢個係近江和牛嘅肩胛肉，大概每邊燒10秒，最好嘅熟度就係5成熟，或者你鍾意更加生嘅就自己控制，記住唔好超過10秒，因為好容易流走曬啲肉汁同埋肥膏。」在我為牛肉而瘋狂時，老闆已經在做着我想吃的柚子鹽沾麵，唐揚雞，還有天婦羅。

爐燒紅了，沾麵也上桌了。

「細品。」老闆真的很有修養，很有禮貌。

老闆一定是想讓我把牛肉配着拉麵來吃吧。

我夾起一片牛肉，放上爐端。

那香味漸漸滲透。

起筷！

我先把牛肉放在麵中，然後一併把麵和牛同時夾起。

沾到湯汁之中。

這牛肉好像不太搭這湯呢。

好在我回頭是岸，把牛肉放過了一半。

要不就浪費了。

還是正正常常地吃比較好。