《心灰意冷的我去咗跳樓，發現一切都可以重來。》: CH.3【時代變，人物風景都改變。】

「咁我去搵地方食，你地就幫手訂位。你知我唔識講嘢架啦，費時俾人笑大個口。我唔想出醜，又訂唔到位。」

口齒伶俐的我，在遇上電話訂座的情況下，一如既往不會出口。
—————————————————————————————

「好啦好啦，見係你幫我地搵到地方食好西咋！」

「我諗好啦，等陣呢就食放題先，然後夜晚就先去食拉麵啦，幫你地慳返啲錢。」我在擔心他們的錢包。

「冇問題，我即刻落訂。」阿朗自告奮勇。這是對美食的渴望。





「我地恨咗咁耐，終於有得嚟呢間鋪頭食啦！」

我帶他們到了九龍灣，享受那憧憬已久的拉麵宴。

「我要個博多沾麵啊！唔該！」我首先選好，打破了我選餐最快的紀錄。

「我都係，兩個啊唔該。」阿羽也選上了這個。

「我跟你地啦，三個。」阿泓和我們的口味相若，也點了同樣的食物。





「你地咁冇膽架，我食地獄沾麵啦！」阿朗沾沾自喜，看見我們都選無辣，他就忍不住把我們都笑個遍。

「好啦，總共四個！唔該老細。」我先向老闆下單。

老闆覺得十分驚訝，可能是因為阿朗下單叫了地獄沾麵吧。

老闆剛接到我們的訂單，就馬上把拉麵拿起。

純熟的技藝隱藏不了，他把一球拉麵先放進水中，用湯勺把弄拉麵，左右搖晃。速度之快，無人能及。轉眼間，拉麵就完全熟透。





淋上湯底，另外再配上沾醬。

完美無瑕。

「喺，客人，你嘅四個麵。」

「記住點住沾醬食，呢個醬係我精心烹製咗6個鐘嘅成品，保證你一試難忘。」老闆對自己的食物質素很有信心。

可能是剛剛營業，店中沒有其他客人，只有我們四人與老闆在。

可以悠悠地慢用午膳了。

「哇，癡線架！超好食，你地快啲試下啦！我真係想叫多幾個，呢兩日都食佢！」阿泓先吃了。





「哇，好耐冇食過咁好嘅拉麵，配埋醬真係一流，老細係勁嘅。」阿羽也給了好評，平時對於食物也不講究的他，竟然對食物有新的形容詞。

「哇，好辣啊，不過我鍾意啊！」阿朗已經渾身是汗了。

我也嘗了一口。

「人間美味。難得一遇。入味，醬汁做得啱啱好，非常好味。」瞬間就被征服。我也想學習一下，讓之後的日子也能回味。

「細路，真係多謝你，俾咗一個好大嘅肯定我，得閒翻嚟食嘢啦，我俾個折頭你。下次再嚟幫襯阿叔，不過嚟之前打電話俾我。」拉麵店老闆非常熱情。

「多謝你，下次一定再嚟幫襯。」此般無可挑剔的質素，讓我有了一個很深的印象。

快速吸入完畢，也是時候離開。

「我請啦，前排收到錢啦。」我滿足不已。





走出去，準備去周圍逛逛。

「嗶嗶—」


2023年。
「嗶嗶——」一嗶驚醒夢中人。