大鑊啦今次!我坐錯船去左人妖島: 04. 人妖王的野心

04.人妖王的野心

「呃,你係...」

「哦呵呵呵呵，我係人妖王「卡嘩伊」。波子,你地出去先啦，無我叫你地唔好入黎，我要同愛愛子單獨傾下。」卡嘩伊打斷左我想講既野，之後佢就FINGFING手咁想叫波子同埋D人妖守衛出去。

「係!」波子同班守衛出哂去。

雖然佢呢家變到成身肌肉，同化左個人妖妝，但我好肯定佢就係三年前前同我表白果個朋友。





------------------------------------------------------------------------------------

班人妖守衛一出去，卡嘩伊塊面即刻變成一個淫笑樣同埋係度用手指係佢D頭髮度轉圈。HI!好想嘔!

「嘻嘻!愛愛子，你唔洗再扮野啦，反正你扮唔扮野你好快都會變成真正既人妖，成為我既愛人!哦呵呵呵呵!」

「成為真正既人妖?咩意思?」其實我係度扮哂冷靜咁問佢，其實我好驚訝，唔係因為比佢發現我係度扮緊人妖，反而係點解佢咁肯定會話我遲早變真正既人妖。

「呵呵呵!等我話你知點解啦，所有人只要係我島一段時間，都會慢慢變成人妖。開頭會對人妖既野慢慢習慣，之後講野既方式會慢慢改變，肌肉會慢慢咁發達，最後就連個心都變成人妖!哦呵呵呵呵呵!」





卡嘩伊越講越激動同狂笑。我無理到佢，我留意四周圍，諗住搵機會走人。呢間房類似以前打機D國王見客既房一樣，我前面有條梯級上一個高台度，高台上面得佢既王位同旁邊應該係王后既位，而我左右兩邊，有十幾張櫈，窗同花樽，後面就係出去既門。以我岩岩黎果時所知，呢度都幾高跳窗走，一定仆街。所以我諗倒個方法，就係先用旁邊既花樽掉佢，之後拎張櫈跑出去嚇勁出面班人妖，之後走人。

「你條仆街人妖!我要走!我唔會再留係呢個人妖國度!」我即刻跑去旁邊拎個花樽掉佢點知個花樽重到HIHI，我拎都拎唔起，所以我就即刻改成除左我對高跟鞋掉9佢。

佢一手就接住對高跟鞋，跟住係度淫笑「你知道又點，就算你出到去，你都搵唔倒方法返去架啦!我要你身心都成為我既人!你遲早一定比我HI爆!哦呵呵呵呵!」講完之後佢就掉走對高跟鞋，一跳就由高台跳落黎。

係呢個時候，我把握時間，拎起旁邊D櫈，我HI佢，點解人妖國D野全部都咁重架!我一望過去已經見佢跑到我面前，佢一抓，我勉強閃開左，之後佢再一手就抱住左我，跟住仲推我落去，再一野抓爛我套連身裙既上身，跟住我就露兩點。

佢見倒我既上身赤裸即刻笑得好淫仲大叫「忍唔住啦!我呢家要HI爆你菊花!之後你就係我既人啦!哦呵呵呵呵呵!」





我感覺倒佢呢幾年好明顯已經由HEHE變成一個肌肉發達既菊花愛好者。係我亂諗野既時候，我突然間覺得自己身體有變化，之後我就大叫「食屎啦你!」我用盡力一野踢落佢下體度。

「呀!」佢摸住自己下體大叫，睇黎佢痛到HIHI咁，不過佢好快就恢復返，再舉起手抓過黎，我好輕易就閃過左，再偷偷地係條裙袋拎起我既秘密武器收係手入面，不過估都估唔倒佢加快速度連發三下追擊，我勉強先閃過呢三下，但係我成條連身裙都比佢抓爛左，剩返條T-BACK?。我用盡全力向門方向跑去，係就快到門既時候，佢已經差少少就追倒上黎，仲伸手想拉我條T-BACK。

碰!我腳一踏，地上出現在一個腳形狀既坑，跟住一野向前跳，連埋道門撞爆出去。心諗，HIHI啦今次!睇黎我已經進入肌肉發達既人妖變化階段。

「捉住佢!但唔好傷佢!」出面既守衛一聽倒卡嘩伊既命令，就即刻排成一排想捉住我，呢家我後面係追緊黎既卡嘩伊，左邊有4個守衛，右邊係波子同3個守衛

我向左邊跑邊大叫「必殺!底褲星!」向住果4個守衛掉出我既「秘密武器」。跟住佢地即刻掛住搶我既「秘密武器」，我就係呢個機會跑走。其實我之前離開果間木屋之前，係木屋發現倒我既底褲，應該就係之前拎黎掉波子果條，我偷偷地收埋係身，多謝你，我又比條底褲救多次。

HIHI啦今次!左邊條路得向上既樓梯行，我諗都唔諗就向上跑，途中既守衛因為全部都未了解咩事，未黎得切反應就比我跑過左，就係咁我著住條T-BACK跑到城堡頂樓，已經有40個左右既人妖守衛連埋波子同卡嘩伊係後面。

「哦呵呵呵呵!你再走都無用架啦呢度頂樓黎，估唔倒你咁快就肌肉強化，不過你呢家無路走，你都係乖乖地返去同我合體啦!哦呵呵呵呵!」卡嘩伊邊淫笑邊大叫。

「我死都唔會比你爆菊花!」因為我係一個唔會向惡勢力低頭既人，我諗都唔諗就跳落去。





心諗我會就咁死係人妖國?死左之後會唔會比佢姦屍架!?不過起馬我死前都無比人爆菊，都算對得住我老豆老母。再見啦!老豆老母!

係呢個時候一個黑影突然飛過，我比呢個黑影接住，跟住個黑影就帶左我走。