自從同Miss喺一齊，我就忽然變得好受歡迎: 第243章 三人夜話
「個樣咁攰，唔係又搞完嘢先嚟呀？」石克隆平時好少咁口衰，就算得我同佢都唔會，加埋王小富後，佢至會變番以前個玩世不恭樣。 「搞埋就嚟唔到喇，你知唔知我要搞幾多鑊先走得呀。」我坐低，對住兩個僅餘好友連我都不覺放咗好多：「反而富仔面青口唇白咁，嚟旅行仲辛苦過考DSE呀？」 「你唔好亂講喇，我同阿悅淨係錫過下，其他乜嘢都冇做過。」王小富怕怕醜醜咁講。 「我有話你做過啲乜咩？不過唔係啩！」我唔信邱雅悅會肯放過王小富呢嚿到口嘅瘦肉，當係幫人又好幫自己又好，都應該破咗大家個處喇：「難得你哋搵到人認頭，去埋旅行都咁純情？咁你哋平時兩個人喺酒店做咩呀？鋤大D呀？」 「咦？你點知㗎？不過我成日都輸，做男友嘅嘢，梗係要讓下女朋友。」王小富煞有介事咁話。 「你冇得救喇，睇下幾時俾人嗒。」我轉向石克隆：「克仔，上次你幫我氹番周穎件事，都未多謝你，呢杯敬你嘅。」係我自己亂諗嘢，石克隆應該係真心幫我同周穎講好說話，只係我見女朋友俾其他男仔氹掂，一時諗唔開。 「小意思喇，其實周穎都冇嬲你，我講咗幾句佢就原諒咗你喇，不過諗住俾啲教訓你，扮下嬲啫。」石克隆講起周穎，又變番好男人一個。 本來可能係扮下，可惜俾我激到真嬲，無論如何，件事總算解決咗，多講無益：「你同Amy呢？仲係君子之交淡如水呀？」 「都係咁上下喇，我哋今日出嚟溝女㗎嘛，不如𥄫下附近有冇目標好過喇。」唔知係咪錯覺，我竟然喺石克隆眼中察覺到少少無奈，因為冇得進一步？定係唔想進一步呢？ 去到咁偏僻，可以有咩目標吖，王小富偷眼望下周圍，然後話：「嗰邊個鬼妹好似望緊你喎，克仔。」 我循王小富視線望向後方，咦？真係有個身材豐滿，幾好肉地嘅鬼妹係咁向石克隆放電，靚仔就係唔同啲，去到邊都咁有市場。 石克隆望咗肥鬼妹一眼，大笑轉向王小富：「喂，你嗰type喎，想唔想試下一夜情？」 「唔使喇，我有阿悅已經心滿意足，一夜情留番俾你喇。」王小富嚇咗一跳，急忙耍手擰頭。 「咁龍仔呢？食得多魚翅，使唔使試下粉絲？」石克隆轉向我，笑淫淫咁話。 我不其然諗起June，唔知呢個鬼妹瘦咗會唔會好似June咁升呢變番靚女：「講呢啲？記得嗰時我哋喺學校逐個女仔攞嚟評分，富仔就對啲肥肥地嘅女仔特別有興趣。」 「係呀，見人波大吖嘛，仲話周穎貴為校花，就係衰在冇胸。」石克隆見我講番以前啲嘢，即刻興奮答咀。 「死仔，唔好講周穎喇，佢而家係龍仔條女嚟㗎。」王小富尷尬地截住石克隆。 「我哋咩關係呀，講咪講囉，而且嗰陣我同周穎都未有嘢。」我幫理不幫親，嗰時周穎反而好似同石克隆有啲嘢。 「咪係，而且龍仔冇波咩，大中細都措齊晒添吖。」石克隆笑住打咗王小富手臂一下。 王小富撫手叫痛：「係我唔啱，唔記得龍哥家下老少咸宜，乜波都俾佢打到出神入化。」 「哦，你串Miss Cheung老，作死呀你。」我一手拍向王小富另一邊手臂。 「你哋痴線㗎，兩個食過夜粥嘅高手恰我一個弱質男孩。」王小富一邊初手一邊話。 講起以前，我哋三個真係曾經好friend，如果石克隆唔係走咗，一切可能都會唔同，不過因住錯綜複雜嘅人際關係，三個中學好友又走番埋一齊。 跟住石克隆開始數王小富啲瘀嘢，初中嘅時候，通常都係王小富俾人恰，然後石克隆幫佢出頭，我就做兩人中間嘅橋樑，將三個人嘅友誼連繫起上嚟，勇字行頭嘅石克隆同怕事懦弱嘅王小富，本來唔應該做到朋友，或者應該話我哋三個本來都唔應該做到朋友。 結果傾到差唔多四點，酒吧得番我哋一枱客，老細要閂門先走，本來因Miss Cheung離開而有啲失落嘅情緒，不知不覺俾兩個老死沖淡咗。 王小富同日晚機走，為免面對邱雅悅，都係由番石克隆送佢機，喺酒吧嘅分別，就成為我哋喺加拿大見嘅最後一面。 過兩日我就會返Waterloo準備開學，離開前就住番屋企，沖完涼上床嗰陣差唔多天光，為免嘈醒周穎，我返咗自己房瞓。 呢一瞓就瞓到點幾兩點先醒，仲要係周穎用佢獨有嘅體香香醒我嘅。 「起身食晏喇，懶瞓豬！」一掹大眼就見到周穎滿臉笑容。 俾靚女叫醒永遠係最幸福，因為一醒就可以做愛做嘅事，我將周穎一手捉落床，封住佢個咀就一手伸入T恤揸波，一手伸落去拉低條短褲。 「喂，Aunt同Phoenix喺度等緊我哋食飯呀。」周穎極力掙開我個魔咀，雙手㩒實我對手。 「吓？你唔早講。」雖然而家係晏晝，但係細佬仍然好神奇咁有晨勃反應，不過聽到周穎嘅說話，細佬即刻縮番細。 我好唔甘心咁錫多周穎兩咀先放佢走，佢一甩身就逃咗出房，驚死我唔理咁多照執佢一劑咁款。 求其刷牙洗個臉我就出去同三個女人食晏，聽阿妹講小琪除咗返嚟瞓，平時已經好少喺屋企，熱戀期嘅少女係咁㗎喇，我都唔意外，記得初初小琪呃我話有男朋友，所以同我試咗好多花式，唔知佢而家有冇學以致用，將當年嘅經驗應用喺男朋友仔身上呢？