自從同Miss喺一齊，我就忽然變得好受歡迎: 第229章 Miss Cheung重臨
返到屋企已經係凌晨，全屋人都瞓晒，我發現周穎趴咗喺我間房張枱度，枱上面擺滿佢做嘅筆記，應該係溫書等我溫到攰得濟瞓著咗。
「你返嚟喇。」雖然我已經儘量攝手攝腳，結果都嘈醒咗周穎。
我上前摸摸睡眼惺忪嘅周穎個頭：「你眼瞓唔使等我，上床瞓先嘛。」
周穎搖搖頭：「我冇專登等你，只係溫溫下書瞓著咗。」
我知道周穎唔係講緊真話，明知男友出去同第二個女仔幽會，都仲可以喺度等佢門嘅女仔，呢個世界都唔知仲剩幾多個。
「你沖涼未呀？沖完好快啲瞓喇。」講咗幾句後周穎清醒番少少。
涼就沖咗幾次㗎喇，不過難以啟齒：「不如你陪我沖吖？」
「咁咪沖好耐。」周穎微笑。
一日做幾次真係會短命幾年，但係同周穎你洗下我，我洗下你之後，就算身心幾疲累，細佬都仍然識抬頭，有反應都好，等我差啲仲以為自己會因為縱慾過度而不舉。
我同周穎相擁親吻，細佬喺下面慢慢插入B女，激情抽插咗成日，而家只係想慢慢咁喺溫暖嘅陰道裡面進出下，享受周穎帶俾我嘅溫柔體貼。
可能係加入咗熱水嘅溫度，細佬喺周穎體內特別溫暖舒適，周穎嘅包容令我衷心感激，各方面都俾到我家嘅溫馨感覺。
原來慢插都有慢插嘅樂趣，每下都變得好深入有力，夾都夾得緊啲，神奇地令辛苦咗成日，做到有啲麻木嘅細佬產生極強烈嘅快感，唔使半個鐘，我已經被周穎所征服。
完事後我哋仍然擁抱住冇分開，如果唔係仲喺浴缸，我哋應該會就咁攬住瞓到聽朝。
上床一陣周穎就滿臉幸福咁喺我懷裡面瞓咗，我身體上就攰到死，心靈上卻幾精神，望住周穎俏麗嘅臉容，腦裡面同時想起Chloe同邱雅琳，除咗慶幸幾生修嚟嘅福氣，亦都感嘆如果日日都好似今日咁過，遲早會英年早逝。
然後Miss Cheung嘅臉容浮現，蓋過咗其他三個女仔，人就係咁犯賤，喺身邊嘅永遠唔及遠在他方嘅珍貴，仲有幾日就可以見到Miss Cheung，之前成年冇得見好地地，知道就快有得見反而仲難捱。
喺Miss Cheung嚟到之前，有幾日都係過住呢種一日三「餐」嘅生活，其餘時間就係同周穎遊下車河、煮下飯仔，仲有一日專登同Chloe、邱雅琳外出拍拖行街，我都唔想啲女仔同我嘅回憶全部係搞嘢、搞嘢同埋搞嘢。
終於，嚟到Miss Cheung來臨嘅呢日，我緊張到尋晚係咁發惡夢，唔係唔記得起身就係Miss Cheung臨時有事嚟唔到，成晚都瞓唔好。
本來周穎想同我一齊去接Miss Cheung，但係考慮到動人嘅重逢一刻有其他人喺度始終唔係咁好，仲要係女仔，話就話大家咁熟冇乜所謂，可以嘅話都係我獨自去接機好少少。
Miss Cheung抵埗時間係9點，我8點就到機場，戙咗喺接機出口等，架機冇延誤，8點45分就到，大概9點15分啲人就開始出閘。
對於已經等咗成個鐘嘅我嚟講，心裡面除咗興奮，仲會有啲心急同擔心嘅，或者因為尋晚發咗太多夢，我有一刻甚至擔心過Miss Cheung唔係一個人過嚟搵我。
呢樣嘢真係諗下都嚇到腳軟。
等多如同整個世紀咁耐嘅五分鐘後，Miss Cheung苗條嘅身形終於喺我視線範圍出現，稍微化妝，著住長袖圓領白色毛衣同黑色及膝長裙嘅Miss Cheung彷如仙女下凡般動人，身邊嘅其他人全部變晒二打六，完全俾佢嘅光芒所掩蓋。
Miss Cheung好快就發現我，微笑推著行李車走過嚟，我頂住身邊無數中外老幼男女嘅妒忌眼光，翻過欄杆上前迎接撲入懷裡嘅伊人，唔羡慕得咁多㗎喇，你估我冇懷疑過人生，以為可以抱住懷裡嘅佳人係發緊夢㗎！
熟悉嘅香氣傳入鼻孔，心口嗰種迫人壓力最令人懷念，我同Miss Cheung先嚟個世紀擁抱，然後急不及待咁飽嚐香吻，同樣係錫咀，Miss Cheung個咀特別香，上下唇又豐滿過人，如果唔係周圍咁多人我就一定打番陣茄輪先。
「等我睇清楚你個樣先，咦？好似真係成熟咗，多咗啲男人味喎。」Miss Cheung滿臉笑意：「不過咁攰咁嘅，你等咗好耐呀？」
「等咗成年喇，你話耐唔耐吖？」我攬實Miss Cheung唔捨得放手。
「有冇咁誇張呀？你喺加拿大咁多人陪，都唔知有冇掛住我添呀！」Miss Cheung嘟起個咀，拍拍我塊臉。
我只覺得無論Miss Cheung係咩表情，都好性感好誘人，一舉手一投足就可以令我扯旗致敬：「有呀，日日都有掛住，掛到有時半夜起身，發現你唔喺身邊嘅時候，會傷心到瞓唔番。」
「所以先有咁大個黑眼圈？聽落係有少少說服力。」Miss Cheung錫我一啖以示獎勵。
「你唔信呀？不過係真㗎。」雖然唔係每晚，但係我確實有試過發夢同Miss Cheung一齊，點知扎醒嗰陣發覺仲分隔兩地，失望到輾轉難眠嘅經歷。
「好喇，我信你喇，你放開我先。」Miss Cheung輕力掙開我嘅懷抱：「我頭先冇乜點食啲飛機餐，你帶我去醫下肚。」
「冇問題，你住嗰間酒店附近有好多地道餐廳，我哋先去食嘢，然後再車你返酒店擺低啲行李。」本來我有諗過叫Miss Cheung住basement仲未租出嗰間房，但係考慮到我同Miss Cheung嘅夜生活，似乎唔太方便，而且Miss Cheung都覺得住酒店好啲。
酒店位於downtown，就近多倫多大學，我同Miss Cheung去安大略湖邊嘅一間餐廳食咗個豐富嘅All day breakfast，啲食物賣相同品質都唔錯，Miss Cheung亦都幾滿意，話留加期間可以再幫襯。
Miss Cheung坐咗廿幾個鐘機，表面上雖然精神，但係加埋時差應該都幾攰，所以食完嘢返酒店安頓好，今日餘下時間只會去附近行下街拍下拖。
當然喺酒店嘅安頓應該係要「安」耐少少嘅。