自從同Miss喺一齊，我就忽然變得好受歡迎: 第195章 少少心意

Judy見到我，臉上露出先驚後唔自然嘅神色，我諗起Patrick件事，意會到可能Judy係怕我爆佢大鑊，我唔肯定強叔知道幾多Patrick嘅嘢，亦都決定唔到應唔應該講個真相出嚟。
 
「強叔，我就嚟入Waterloo讀書，今日專登過嚟同你道別，順便多謝你以往嘅照顧。」我向強叔躬身表示感激。
 
強叔上前拍下我膊頭：「唔使咁客氣，你做嘢又負責又勤力，幫咗我唔少忙就真。」強叔轉頭望向Judy：「阿怡，你喺度等我，我同阿龍去附近Coffee Shop傾幾句。」
 
「哦，咁你早啲返。」Judy顯然唔想我同強叔單獨相處，一副欲言又止嘅表情。
 
我同強叔去咗附近新開嘅一間Coffee Shop坐低，強叔堅持要同我踐行，叫咗啲嘢俾我食，自己就只係點咗杯齋啡。
 


強叔起初只係講下舖頭啲嘢，插下傑少佢哋同讚下新嚟嘅一個叫文仔嘅兼職，之後慢慢講到Judy身上：「頭先同阿怡睇完醫生，醫生話BB好健康，預產期係出年2月，接近農曆新年，到時如果你有時間，就嚟祝福下我哋喇。」
 
Judy果然搵咗強叔埋單，估唔到幾日時間，佢就有著落：「係喎，聽小春講強叔你同Judy結咗婚，恭喜晒你哋。」係咪值得恭喜我唔知，但係結婚始終係值得高興嘅事。
 
強叔點點頭表示多謝：「嗰日阿怡突然嚟搵我，話有咗BB唔知點算，反正我幾廿歲人一支公，一直都好想有個子嗣做繼承人，所以就同佢講不如俾我做BB嘅爸爸，好好照顧佢哋兩母子。」
 
但係個BB唔係自己嘅，乜真係可以視如己出咩？
 
好似察覺到我內心嘅疑問，強叔接著話：「其實喺你嚟之前，我同阿怡都曾經行埋過，不過一直冇乜結果，可能係我年紀大嘅關係，好多時都有心無力，所以當你出現後，阿怡要跟你走我都冇所謂，始終佢係後生女，冇理由要佢跟住我呢個冇用嘅阿伯。」
 


我有啲無言，原來Judy由頭到尾，都係喺度四圍搵碼頭，仲連強叔都唔放過。
 
「直至阿怡有咗返嚟搵我，我心諗難道呢個就係上天嘅安排，雖然我唔得，都俾番個養子俾我，或者對我嚟講，呢個已經係最好嘅結局。」強叔嘆咗口氣，分唔清係開心定係感懷身世。
 
我真係好佩服強叔，竟然咁都唔介意，Judy呢啲女仔，生咗B後都唔見得會永遠留喺你身邊，只不過當你係水泡，有機會上岸絕對會毫不回頭咁抛棄你。
 
「總之你以後得閒就嚟探下我哋喇，生父同養父始終唔同，我明白你哋年輕人唔想咁早俾下一代綁住嘅想法，但係親生骨肉嗰種血濃於水嘅關係，係永遠都唔會改變嘅。」強叔好認真咁講，仲伸手過嚟搭住我膊頭。
 
咪住，我真係唔明喎，點解強叔好似講到個阿B係我嘅咁，唔通Judy為咗掩飾自己嘅濫交同搏入豪門嘅卑劣心態，將個阿B屈落我度？
 


「強叔，其實個BB...」我啱啱想否認，不過諗起強叔知道真相後，可能會對Judy同阿B好反感，一時竟然講唔到落去。
 
「我明㗎喇，將來無論點都好，我都會照顧好個BB。」強叔放開我，但係嗰種無形嘅重擔卻遺留咗喺我肩上。
 
最後我都係決定唔將事實講俾強叔知，有時善意嘅謊言，比真相更容易接受，如果可以令到強叔好過啲，我食咗呢隻死貓佢又有乜所謂。
 
再傾咗陣其他無謂嘢，我就告別強叔，出發去搵Chloe。
 
我嘅心情有少少複雜，一方面鄙視Judy，另一方面又覺得強叔好偉大，當然都有少少戥自己唔抵，但係又認為自己唔爆大鑊嘅決定係啱嘅。
 
去到Chloe度嘅時間比原先預定遲咗個幾鐘，一入門就俾著到跳艷舞咁嘅佢嚇咗一嚇。
 
Chloe上身得件皮製黑色Bra Top，下身係黑色皮短裙同長靴，動作大少少都可以見到裙裡面條黑色T-back。
 
「你做咩咁耐先到㗎，打電話俾你又唔接。」Chloe化到好濃妝，比起以前喺學校初見時更加誇張。


 
「你做咩打扮成咁呀？差啲以為你趕住去跳Table Dance。」我冇直接答，唔係好想同Chloe傾強叔嘅嘢，話晒件事佢都有幾大責任。
 
「唔靚咩？專登著俾你睇㗎，一陣仲有特別表演。」Chloe輕易俾我轉移開去，雖然有時佢好有機心，但係有時又會而家成個傻妹咁，或者呢個就係Chloe吸引我嘅地方。
 
老實講我鍾意Chloe平時冇乜化妝個清純樣多啲，但係佢咁有心搞到成個脫衣舞孃咁，我又唔好意思話唔靚：「靚，你著唔著都靚㗎喇。」
 
「咁好口，抵我專登苦練多日嚟表演俾你睇。」Chloe上前錫咗我一啖。
 
我用熱吻作回應，雙手開始不安份咁喺Chloe身上面游走。
 
Chloe反應不嬲好好，三兩下就嬌喘起嚟：「未住，你等我表演咗先，唔係嘥晒我呢幾日嘅心機。」說完稍為推開我。
 
我放開Chloe，由佢拖我上樓，去咗一間佈置到好似之前石克隆帶我去搵Rio嗰陣嘅房度，柔和燈光中有張睇落好舒服嘅皮質長梳化，中間有條鋼管由地下接到上天花。
 


Chloe招呼我坐低，閂咗房門後將燈光轉為集中喺條鋼管度，置身喺黑暗嘅梳化，四周響起充滿誘惑意識嘅樂曲，令我有種變成偷窺者嘅感覺，Chloe從黑暗中步入化為舞台嘅鋼管位置，輕身躍上去後開始幾專業咁上下翻轉起嚟，雖然同上次Rio嘅技術𧶄幾皮，但係都唔似係第一次跳，呢個都唔意外，Chloe話為咗我而學啫，我又冇咁天真完全相信佢，呢幾下轉圈冇練番幾個月絕對做唔到咁順𣈱。
 
跳鋼管舞主要唔係為藝術，純粹係為咗勾起異性嘅性慾啫，望住嗰對因為汗水而令人目炫嘅雙峰、同埋不停從裙底露出，俾條T-back夾到凸起晒嘅陰唇同籮柚，okay，我已經準備好，唔使跳落去，可以直接進入下一階段嘞。