自從同Miss喺一齊，我就忽然變得好受歡迎: 第172章 欲蓋彌彰
分別send咗message俾Miss Cheung同周穎問佢哋瞓咗未，周穎冇回覆，應該瞓咗覺，Miss Cheung就好快覆咗，佢話改緊卷，要改好先瞓得。
雖然我知會打搞到Miss Cheung，但係都打咗以下嘅訊息：「Miss，我好想聽下你把聲，可唔可以打俾你。」
「你而家打嚟，不過我唔可以傾咁耐。」Miss Cheung覆番我。
接通就聽到Miss Cheung有啲攰嘅聲：「你今日唔使返學咩？」
「要呀，而家係食飯時間，突然好想同你傾下電話。」我唔敢講出自己嘅擔心：「Miss，你最近點呀？」聖誕嗰陣日日返工，都冇乜打俾Miss Cheung。
「都係咁上下，每日備課、上堂、改簿、出試卷，星期六、日有時會同Miss Yip出下去食飯、睇戲。」Miss Cheung一邊改簿一邊答。
Miss Yip？都好耐冇聽過呢個名，佢係les嚟喎，唔會搞Miss Cheung啩？「乜你仲有同Miss Yip聯絡咩？你哋而家好熟㗎？咁佢有冇...」我又問唔出「搞你」呢兩個字。
「咪多得你囉！你唔使驚，Miss Yip而家已經有男朋友，雖然嗰陣佢因為你同佢姪女嘅事嬲咗你，仲變番以前咁，不過後屘諗通咗，變番正常，我哋而家係好姊妹，冇你諗嗰啲嘢發生。」Miss Cheung果然知我諗咩：「你知我平時冇乜朋友，你走咗之後有時想搵人陪，一係搵Miss Yip，一係就搵周穎，不過周穎始終仲係我學生，俾人見到唔係咁好，所以周穎多數係嚟我屋企陪我。」
講起周穎，我不其然諗起我哋嗰陣3P嘅快樂時光，唔知佢哋有冇互相慰藉下呢？真係有需要嘅話，呢個不失為一個折衷嘅解決辧法：「我唔係介意你同Miss Yip一齊，只係...」只係驚佢教壞你，搞到你變咗鍾意女人多過男人就大鑊：「Miss，我幾時先可以見到你？我好掛位你呀。」尤其係對36D，暫時仲係無可取代嘅「胸」器。
「我哋分開咗唔係好耐咋嘛，你乖乖地俾心機讀書，畢業返嚟咪可以日日見囉，到時見到你唔想見喇。」Miss Cheung安慰我。
「唔會，我一定唔會唔想見Miss，我仲要日日同Miss做愛做嘅事。」只要可以同Miss Cheung一齊，就算要我放棄晒其他女都冇問題...唔係，仲有周穎，可以同佢哋兩個一齊，我唔再受歡迎都冇所謂。
「成日掛住諗呢啲嘢，你快啲去食飯先喇。」Miss Cheung口裡面係話我，語氣聽落就好開心。
「哦，咁Miss你都唔好做到咁夜。」雖然仲想同Miss Cheung講多陣，但係我又費事阻住佢做嘢。
「得喇，本來我都差唔多改完，係你打嚟先未有得瞓之嘛。」Miss Cheung笑罵。
同Miss Cheung傾完電話心情好番啲，雖然我係衰咸濕，受唔住誘惑，但係Miss Cheung喺我心目中嘅地位始終係無可取代嘅。
諗住返番去搵石克隆佢哋時，發現周穎竟然都覆咗我：「子龍，你係咪搵我呀？頭先去咗沖涼，一時冇睇到你message。」
於是我覆番周穎：「係呀，食食下飯諗起你。」
「咁我可唔可以打俾你？我都想同你傾下電話。」周穎對我嘅愛，從來冇令我懷疑過。
「我打俾你。」我即刻打咗俾周穎。
「子龍，你有冇掛住我呀？」周穎一接聽就既開心又興奮咁問。
「梗係有喇，我日日都喺度倒數緊你嚟加拿大同我重逢嘅日子。」我內心充滿溫暖，好彩周穎同Miss Cheung都冇變，仲係對我咁好。
「快喇，我啲嘢都搞得七七八八，等DSE成績一出就可以走。」周穎話：「到時我可唔可以租你樓下住？」
「梗係可以喇，而家只係租出咗一間房，另一間房到時就算租出埋，我都會踢走個租客俾你住，咁我哋就可以日日見同一齊返學。」到時如果Judy仲未搬，咁樓下就變咗做我後宮，咪住，周穎仲未知我同Judy啲嘢，周穎過咗嚟，我就唔會再同Judy搞嘢，反正同佢感情唔係咁深。
「諗起都開心，你喺加拿大啲生活點呀？又兼職又返學係咪好辛苦？」周穎開心之餘都不忘關心我。
「又唔係太忙，喺呢度冇乜娛樂，返下工啲時間反而過得快啲。」加拿大生活節奏慢，學校啲功課又唔多，做下嘢賺到錢又消磨到時間。
「咁就好喇，到時我去到加拿大陪你一齊返兼職。」周穎應該係想全時間黐住我。
「你咁靚女，嚟我哋舖頭做一定可以令生意額大增。」講到呢度，我忽然諗起石克隆同Amy嘅事：「係呢，你知唔知石克隆有咗女朋友？」唔知點解，我好想知道周穎對石克隆拍拖嘅事有咩反應。
「我知呀，Amy話咗俾我知，佢仲有問過我知唔知石克隆係咪好男仔，問佢以前係咩人，佢哋兩個可以喺埋一齊，我都有唔少功勞，所以我去加拿大時佢哋要好好報答我。」周穎好自豪咁講。
原來周穎同Amy仲有聯絡，咁唔知Amy有冇爆我同佢之間啲嘢、同繼續周圍食女嘅事俾周穎知。既然周穎撮合得Amy同石克隆，起碼證明佢對石克隆已經冇嘢喇，咁對我嚟講都叫放低咗件心事，至於以前或者將來嘅嘢，就到時先算喇。
「石克隆係我好兄弟，Amy係你好姊妹，佢哋兩個可以拍得成拖，我都戥佢哋高興。」呢幾句係真心，女係食唔晒嘅，留番件好嘢俾兄弟都啱。
「我有少少估唔到佢哋會發展成情侶，我仲以為Amy會同你一齊。」周穎開玩笑咁講，其實真係差啲就食埋Amy。
「唔會，我有你同Miss Cheung就夠喇，仲點會周圍識女仔。」我揞住良心講，Judy同Chloe嘅嘢，可以嘅話都係唔好俾周穎知住。
「係咪真㗎？」周穎聽落唔多信，但係都冇追問落去。
「真㗎，你快啲過嚟添呀，唔係我谷精上腦，谷壞咗你就慘。」我拍晒心口咁答。
同周穎再傾咗陣，就差唔多要收線，始終香港係凌晨，周穎第二日仲要返學，知道佢對我冇變，已經係今次通話嘅最大得著。
「你同邊個講電話講到咁開心呀？」忽然Chloe把聲好嗲咁喺身後響起。
仆街，專登㗎，唔知周穎有冇聽到呢？