自從同Miss喺一齊，我就忽然變得好受歡迎: 第167章 真心定假意

呢個時候傳嚟手機震動嘅聲音，我醒起自己部手機習慣校震機，於是暫時冇理Chloe，去地下條褲度攞番部手機出嚟，有好多missed calls，石克隆、阿妹同小琪都有打過俾我。
 
「我要走喇，Terence佢哋搵我。」我望向Chloe，佢轉身攤咗喺床度微笑望住我，唔計樣，淨係垂喺胸前對波同高高翹起嘅籮柚都夠引死人。
 
「你陪我沖埋涼先准走。」Chloe嗲聲嗲氣咁講。
 
仲沖？你會唔會又搞我㗎？不過都冇理由成身汗味同精味咁走，我企起身，見Chloe即刻伸出雙手要我抱，就上前抱起佢去浴室，Chloe好開心，又係咁錫我。
 
除卻驚搞大咗Chloe個肚要埋單，Chloe整體俾我嘅感覺其實幾唔錯，同佢做比同Judy做仲開心同舒服，可能因為我喺Judy身上唔係好feel到佢對我嘅感情，我唔想諗佢同我做係咪另有目的，偏向自己呃自己咁認為大家係有好感先行埋。
 


今次沖涼Chloe冇再幫我「水中蕭」，只係攤喺我身上要我幫佢洗，可能有成日做運動嘅關係，fit就唔在講，Chloe渾身上下啲皮膚仲比較結實同有彈性，唔似其他人咁偏向柔軟嫩滑，係另一種唔同嘅感覺。
 
沖完涼Chloe成個大小姐咁，要我幫佢抺身，不過佢又確實係千金小姐，但係我唔覺得平時會有工人幫佢沖涼抺身，佢向我撒嬌啫。
 
我識嘅女仔中冇一個係Chloe咁嘅性格，所以佢對我嚟講其實幾有吸引力，只係有一種唔知佢心裡面諗緊乜嘅感覺，甚至係有啲驚俾人玩，堂堂大男人，俾人攞咗嚟集郵就冇面死喇。
 
Chloe去衣帽間換咗套粉紅色絲質露肩長裙，條裙質地好好，高貴得嚟又唔太誇張，加上佢身材又好，睇落真係一副大家閨秀嘅樣。
 
Chloe拖住我隻手帶番我去開party嘅大廳，原來同佢睡房係處喺兩座唔同建築物度，沿途仲不時有啲黑色西裝友同著女僕服嘅工人出現，頭先可能係經地下行所以唔覺，而且當時我諗緊周穎同石克隆以前嘅關係，冇乜點留心條路線。
 


見番石克隆，就要面對番呢件事，老實講我唔應該介意，因為始終係周穎以前未同我喺埋一齊嘅事，而且真係要介意，咁周穎同梁偉霆拍拖咪拍咗仲耐，周穎個處係俾咗我嘅，即係我係佢第一個男人，身份高過晒其他人喇，只不過唔係初戀情人，有少少遺憾，而且有少少擔心石克隆當年同周穎有過好深厚嘅感情，驚佢哋會舊情復熾。
 
可能Chloe以為我仲擔心緊中出佢單嘢，見我一副諗樣都冇煩我，只係好親密咁挨住我行，用對波有意無意咁揩我隻手，啱啱先搞完兩鑊，點揩都冇火喇。
 
去番大廳，好多人見到Chloe都熱情咁同佢打招呼，但係見佢挨實我，就冇過嚟同佢傾偈，大部份男性都用有啲怨毒嘅眼神望住我，而女性就用好奇夾雜鄙視嘅目光對我上下打量。
 
手機又再震動，係石克隆打嚟，我一接聽佢就話：「衰仔，搵咗你咁多次先聽，頭先唔係去咗搞嘢呀？」
 
一估就估中？「唔係，頭先撞到Chloe，傾多咗兩句啫。」我求其作咗個藉口。
 


「傾咗成個幾鐘喎，有冇咁好傾呀？」石克隆把聲有啲懷疑。
 
乜有搞咗咁耐咩？「你哋喺邊？我過去搵你哋。」我叉開話題。
 
「喺停車場附近，Phoenix佢哋話想去睇戲，你過嚟搵我哋喇。」石克隆冇再深究。
 
「我而家過嚟。」我轉頭同Chloe講：「石克隆佢哋話去睇戲，咁我走先喇。」
 
Chloe一臉不捨咁望住我：「我又要去！」
 
如果俾石克隆佢哋見到Chloe而家黐到我咁實嘅樣，一定知我哋有嘢喇，但係你話拒絕啱啱先有過咁親密行為嘅人，我又講唔出口：「你唔使應酬你啲friends咩，咁多人嚟咗你屋企。」
 
「佢哋成日都嚟㗎喇，我玩完返嚟佢哋都未必知。」既然最後努力都失敗咗，我唯有繼續帶住Chloe。
 
去到停車場，石克隆正同阿妹哋唔知傾緊乜，各人見到我同Chloe拖住手，都知發生咗咩事，小琪同Betty冇乜嘢，阿妹個樣就唔係咁自然，應該係覺得明明已經有咗周穎呢個阿嫂，點解轉頭我又同Chloe行埋咗，石克隆頭先聽我話同Chloe傾咗成個鐘，早已知咩事，只係唔知我會帶埋Chloe過嚟。


 
「Chloe話想join埋我哋一齊去睇戲。」我同大家講。
 
「可唔可以呀？」Chloe主動問多句，我哋啱啱先喺佢屋企打搞完，而我更加留低咗咁多嘢喺佢度，點好意思推佢。
 
石克隆望向三個女仔，自從上次握手言和後，幾個女仔算係冰釋前嫌，如果唔係今次都唔會嚟Chloe屋企，石克隆見冇人反對，就同我講：「咁你跟我車，Chloe跟Phoenix車。」
 
Chloe好似要同我生離死別咁講：「你要掛住我呀！」跟手同阿妹哋去咗攞車。
 
上到車，石克隆嘆咗口氣：「估唔到你咁快就同咗Chloe一齊。」
 
「我都估唔到。」半推半就喇，講起石克隆都要負番少少責任，唔係諗住查出佢同周穎背後嘅關係，我都唔會俾Chloe帶咗上房。
 
「你小心啲，聽以前同過Chloe一齊嘅friend講，通常佢都係玩玩下，你唔好咁上心，唔係到時傷心嘅只會係自己。」石克隆語重心長咁講。
 


「我明嘅，呢啲有錢女，邊會真心同人好，只係貪新鮮。」我感激石克隆嘅關心，但係同時又諗起佢同周穎以前嘅嘢。
 
石克隆見我心不在焉咁，以為我驚俾人玩弄感情：「Chloe家底唔嘢少，萬一同你玩真心，你要更加小心，到時唔係咁容易甩到身，不過有起事上嚟我都仲可以幫下手，你記住邊個女仔先係真心對你就得。」
 
講到咁明顯，我梗係知石克隆講緊邊個喇，唔知點解硬係覺得佢對周穎仲有啲嘢咁：「希望唔使真係搞到我同你都一身蟻。」
 
之後我哋冇再講嘢，我就話諗緊周穎同Chloe，但係石克隆都好似有啲嘢諗咁。