自從同Miss喺一齊，我就忽然變得好受歡迎: 第164章 真相大白

Chloe呼吸急促咁望住我：「我唔知呀，我都冇問過。」
 
「你可唔可以帶我去保安室睇下。」如果當日嘅錄影仲未洗，我就可以知道當晚發生嘅事，諗到呢度我不禁心跳加速。
 
「可以，不過你錫我一啖先吖。」Chloe講完閉上眼嘟長個咀。
 
我冇乜點猶豫就錫咗落Chloe個咀度，我唔知點解Chloe對我有意思，或者係我同石克隆當日救咗佢嘅關係，亦可能因為佢未試過同我呢啲窮得嚟又打得嘅普通人一齊，甚至佢只係想玩玩下，玩下我呢啲窮人，不過點都冇所謂，當下我只係想知道曾經發生喺周穎同石克隆之間嘅事。
 
Chloe歡呼一聲，跳番落地拖我出房，轉咗幾個彎就去到一個𨋢口，輸入密碼後𨋢門打開，Chloe㩒著咗地下一樓嘅按鈕。
 


𨋢門再次打開後出現一條長廊，兩邊約十步喥就有一道門，Chloe帶我走到右手邊第三道門，用密碼鎖開門入內。
 
房裡面嘅牆上面佈滿顯示屏，五、六個著西裝嘅大隻佬見到Chloe即刻鞠躬敬禮。
 
「Patrick，你睇下Wesley少爺有咩要幫手。」Chloe充滿威嚴咁指示其中一個戴眼鏡，個樣成個特工咁嘅中年男子。
 
「知道，大小姐。」Patrick轉向我，畢恭畢敬咁問：「Wesley少爺，請問你有咩需要？」
 
我唔慣俾人用咁恭敬嘅語氣對待，不過而家唔係著重呢啲嘢嘅時候：「你哋呢度啲錄影keep幾耐？」
 


「基本上唔會刪除，全部都紀錄晒喺主電腦度。」Patrick好有禮貌咁答。
 
我心中大喜：「如果我想搵某一日某間房嘅錄影，係咪好容易搵到。」
 
「有日子同房間號碼，輸入電腦就即刻可以睇到。」Patrick即刻話。
 
咦？我知邊日，但係唔知邊間房喎？「你哋呢度有幾多間房？」
 
「客房嘅話，一共五十六間。」Patrick對呢間大屋真係瞭如指掌。
 


五十六間！時間我都只係大概知，咁咪有排睇。
 
Chloe見我臉露難色，好貼心咁問：「你想搵咩呀，你直接講俾Patrick聽，佢好勁，一定幫到你。」
 
既然係咁，我抱住即管試下嘅心情問：「10月10號嗰日，呢度都係開party，嗰晚其中一間房，有個女仔差啲俾人強姦，好彩及時俾Terence救咗，你估你哋會唔會知呢件事？」
 
「知。」出乎意外地，Chloe同Patrick竟然同時答。
 
Chloe見我一臉愕然，就微笑話：「嗰日Terence突然走嚟搵我，話要搵一個女仔，我當時見佢難得求我，就帶咗佢落嚟搵Patrick。」
 
原來係咁，唔怪得石克隆可以及時救番周穎：「咁我可唔可以睇番當時嘅片段？」
 
「Patrick，你記唔記得係邊間房？」Chloe轉向Patrick。
 
「記得，你哋等我一陣。」Patrick轉身去電腦快速輸入咗一串指令，然後就話：「呢段就係當日Terence少爺睇到嘅片段，你轉下呢個掣就可以rewind或者fast forward。」


 
我望向顯示屏，見到嘅係兩個鬼仔同一個鬼妹喺度搞緊嘢，畫面角落有個女仔喺廁所伸咗個頭出嚟，畫面唔算太清，但係我一眼就認出係周穎。
 
保安室傳出鬼仔、鬼妹搞嘢嘅聲音，Patrick同其他保安人員冇乜嘢，Chloe就睇到雙頰泛紅，搞咗陣，其中一個鬼仔走去廁所，冇耐就拖咗周穎出嚟，螢幕中見周穎係咁掙扎，但係當另一名鬼仔都上前幫手後，佢就俾人捉住雙手雙腳擺咗上床。
 
睇到呢度我有啲熱血沸騰，狠不得當時自己在場，可以即刻從鬼仔魔掌中救出深愛嘅周穎，只見鬼仔下身向前頂咗周穎B女位置一下，然後大笑住起身望一望，除低周穎條底褲，再準備進入嘅時候，忽然從床上飛咗出去，另一個鬼仔下一瞬間亦都被打飛落床，跟住就係一路喺床上旁觀嘅鬼妹俾人一巴掌打暈，完成呢一連串行動嘅，就係出現喺螢幕邊嘅石克隆。
 
去到呢度，情節同周穎所描述並無任何分別，我覺得心跳好快，緊張到手心冒汗，跟住落嚟係咪一樣會同我所知咁發展呢？
 
周穎坐咗起身，爬咗去石克隆身邊，對佢講咗句說話，然後就伸手攬向佢，石克隆推開周穎，螢幕中兩人低聲交談中一陣，最後石克隆扶咗周穎起身，同佢一齊離開房間。
 
我轉向Patrick：「請問可唔可以聽到佢哋講咩？」
 
Patrick點點頭，上前調校咗幾下，然後回番去周穎開始講嘢嘅位置。
______________________________________________________


 
「周穎，你冇事吖嘛？」
 
「子龍，你終於嚟救我。」
 
「我唔係張子龍，我係石克隆。」
 
「對唔住，我頭先飲咗啲汽水後個人一直有啲迷糊。」
 
「最緊要你冇事。」
 
「係呢，點解你會突然喺度出現嘅？」
 
「我同子龍分手後，本來諗住返屋企，點知突然間心血來潮諗起Chloe今晚開party，好想嚟睇下，點知無意中救咗你。」
 


「石克隆，今次真係多謝你，如果你嚟遲少少...」
 
「痴線㗎咩，講啲咁嘢，呢兩個鬼仔好彩就真，遲少少佢哋就唔使旨意聽日仲可以企得番起身。」


「總之多謝你，今次已經係你第二次救我。」
 
「唔使客氣，你係龍仔條女，你有事我唔會唔理。」
 
「咁上一次呢，當時我仲未同子龍一齊。」
 
「上一次已經係好耐之前，仲提嚟做咩。」
 
「咁當時你對我所講嘅說話，又係咪真心？」
 


「都唔重要喇，不如你當我冇講過算數。」
 
「當日如果你冇離開香港，可能一切都會唔同晒。」
 
「而家你同子龍一齊咪仲好。」
 
「咁又係，我曾經都以為自己將子龍當咗係你，不過後嚟我發現，我係真心鍾意子龍，而唔係將佢當係你嘅代替品。」
 
「咁咪好囉，我哋之間嘅嘢就當冇發生過，你同子龍永遠係我嘅好朋友。」
______________________________________________________
 
望住周穎同石克隆喺螢幕消失，我個心有啲亂，雖然聽周穎講，佢對我係真心，但係原來佢同石克隆以前發生過某啲事，甚至佢起初主動接近我，可能都係因為當咗我係石克隆。
 
離開保安室，我心裡面泛起一個疑問，當年石克隆同周穎，係咪曾經喺埋一齊過呢？