自從同Miss喺一齊，我就忽然變得好受歡迎: 第129章 心事
去到學校附近差唔多八點三，都叫幾準時，我搵咗個比較少人行經嘅位置等咗陣，到八點半先打俾Miss Cheung。
「你俾多五分鐘我，踭少少就搞掂。」Miss Cheung一接聽就話。
「好吖，我喺公園等你。」我答。
「一陣見。」Miss Cheung講完就收咗線，似乎好忙，咁五分鐘會唔會有啲唔實際呢？
Miss Cheung當然冇五分鐘後到，成九點先出現，人哋話女仔都鍾意遲到，不過都係第一次啫，所以我完全唔介意，嗰種等候嘅心情仲有少少興奮，未試過約會咁等Miss Cheung，就算要再等耐啲都唔緊要。
「對唔住，臨時又多咗少少嘢做，做做下又唔記得咗時間，要你等咁耐。」Miss Cheung滿臉歉意。
「唔緊要，遲到好過冇到，況且等Miss你嘅時間係最開心嘅，因為知道你一定會出現。」呢番係真心話，我攬Miss Cheung埋身嚟咗個深情擁吻。
Miss Cheung唔慣喺街度同我有親密接觸，尤其仲咁近學校，好彩我已經退學兼就嚟離開香港，冇咁驚俾人見到，但係Miss Cheung都掙扎咗幾下，先俾我攬實錫個夠。
「返屋企再煮似乎有啲夜，不如就喺附近搵間餐廳食晚飯。」我盡享唇舌溫柔後，向Miss Cheung提議。
Miss Cheung俾我錫到成個人軟倒喺我懷裡面，氣都未抖順，只能夠望住我點頭。
時間接近宵夜，我哋搵咗間近近地嘅茶餐廳食咗個2人晚市套餐，求其填飽咗個肚就返屋企。
沖涼嘅時候Miss Cheung主動幫我用口解決咗，佢話因為今日有啲攰，我晏畫又應該做過，所以唔想再搞，唔知點講，好似有少少唔知點咁嘅感覺，同周穎嗰陣我冇乜出過力，今晚仲諗住好好服待Miss Cheung，結局竟然係咁？
做愛係兩個人嘅事，難得Miss Cheung話攰，咁我梗係唔會逼佢，早兩日佢先宿醉完，今日又開行Turbo做咗十幾個鐘，攰都係正常，我諗唔會係對我有咩意見，唔想同我做啩。
雖然會砸到隻手痺晒，但係我都將隻左手俾Miss Cheung做枕頭，順勢用右手攬住佢條腰，領口嘅深遂事業線好吸睛，如果唔係啱啱沖涼出咗火，而家一定唔會忍得住乖乖瞓覺。
聽日同後日我都係返屋企執嘢，目標呢兩日搞掂晒，星期六、日如果可以想同Miss Cheung出去玩下，最好係比長洲更遠嘅地方，同埋起碼過番一晚夜，咁先似去旅行。
「Miss，我哋星期六不如去澳門旅行，然後瞓一晚星期日先返。」諗到就做，我趁Miss Cheung未瞓著就講咗先。
「吓？」Miss Cheung一時聽唔清：「去邊話？」
「星期六去澳門，兩日一夜遊，好唔好呀？」我講多次，平時Miss Cheung好少唔留心聽我講嘢，今日各樣事情都好似有啲唔尋常。
「咁我呢兩日要做好晒啲嘢，唔係去旅行都心掛掛。」Miss Cheung點點頭，仲錫咗我個咀一啖。
「Miss，其實你係咪有心事？你今日好似有啲心不在焉咁嘅。」雖然表面上睇落冇乜嘢，但係總係感覺怪怪咁。
「係咩？可能最近學校比較忙，我成日掛住諗工作啲嘢，唔好意思，我同你一齊嘅時間已經唔多，我仲唔好好珍惜。」Miss Cheung不停向我道歉。
「Miss，我唔係怪你，我只係擔心你有啲咩煩惱。」我伸手輕掃Miss Cheung額上嘅頭髮，發現佢竟然微微縐起眉頭。
可能察覺俾我見到，Miss Cheung雙眉稍寬，露出笑容：「頭先你好似想做咁，而家仲想唔想呀？我回咗啲氣冇咁攰。」
我搖搖頭，錫落Miss Cheung眉頭：「Miss，如果你有咩煩惱，記住同我講，就算我幫唔到你，都可以做你傾訴對象。」今日係我第一次拒絕Miss Cheung扑嘢嘅要求，因為我覺得佢根本唔想做，只係想掩飾心裡面嘅不安。
「子龍，多謝你。」Miss Cheung咁講，即係有惱煩喇，只不過唔想講俾我聽…住？
我同Miss Cheung各有各心事，我終於稍為明白人哋口中所謂嘅世界最遙遠的距離，就係好似我哋咁，雖然彼此差唔多零距離咁擁抱住對方，但係我就完全唔知道Miss Cheung心裡面嘅事情，表面親密，實際疏離。
我輕輕撫摸Miss Cheung柔軟嘅長髮，諗住揞佢瞓，但係結果自己反而先瞓著，第二朝起身嗰陣Miss Cheung已經梳洗好，仲煮埋早餐。
「起身食嘢喇，懶瞓豬。」經過一晚，Miss Cheung回復正常，一啲都睇唔出有任何唔妥。
「吓？我又唔記得起身煮嘢俾你食呀。」我深感懊惱，仲諗住今朝整多啲好嘢俾Miss Cheung食，等佢開心番。
「唔緊要喇，邊個煮咪一樣，最緊要係可以一齊食啫。」Miss Cheung拍下我個頭，示意我唔使介懷。
「唔係㗎，我應該煮得好食啲囉。」呢句我當然冇講出口。
食早餐嗰陣Miss Cheung話：「咁我今日訂埋澳門啲船飛同酒店，你呢兩日快啲執好晒啲嘢。」
Miss Cheung居然記得我諗住佢一定唔記得嘅澳門之旅，睇嚟佢尋晚又唔係真係咁煩惱？
我同Miss Cheung一齊落樓，佢搭車返工，我就搭車返屋企。
冇咗周穎陪係悶少少，但係一個人就可以專心啲，到下晝三點喥我執好晒自己啲嘢，只係爭叫人嚟pack箱運走，一於約搬運公司聽日搞掂埋佢，星期六就可以安心同Miss Cheung去旅行。
我忽然想起邱雅琳，返嚟第一日見過佢，呢幾日都冇再搵過，趁有啲時間，不如打俾佢約聽日出嚟講清楚，經過幾日，我覺得都係同邱雅琳分手好啲，長痛不如短痛，早啲解決件事，對我定係對佢都係一個較好嘅選擇。
「係我呀，而家阻唔阻你呀？」坐言起行，我即刻打俾邱雅琳，反正我都唔知佢幾時返工，即管打去搏下。
「唔阻，你終於打嚟搵我喇。」邱雅琳把聲好興奮。
終於？聽落好似怪我咁嘅：「聽日你得唔得閒呀？我想約你出嚟。」
「得閒呀。」邱雅琳補充：「我今日都得閒添呀。」
邱雅琳講到唔使返工咁：「今日？我返咗屋企執嘢呀，晏啲又有其他嘢做。」
「咁見一陣得唔得呀？」邱雅琳竟然冇放棄。
「一陣？就算即刻趕出嚟，都可能只得個零鐘…」我未講完，門鈴聲就打斷咗我嘅說話，我已經知道係咩事。
打開門，果然如我所料，邱雅琳笑口噬噬咁企咗喺門口。