自從同Miss喺一齊，我就忽然變得好受歡迎: 第118章 錯誤嘅決定
我輕輕撫摸渾圓彈手嘅雙峰，呢對靚波每次都令我愛不釋手，純以身材嚟講，Miss Cheung真係冇得輸，就算E Cup Model Jessica都唔及佢，或者我有少少私心，但係喺Miss Cheung身上初嘗禁果嗰種震撼，永遠唔能夠從其他人身上得到。
Miss Cheung見我搞完都仲手多多，以為我又想要，就伸手幫我捋細佬，我將佢攬埋身，其實都有啲想再執多劑，不過見Miss Cheung個樣咁攰：「Miss你抖陣先，我去煮啲嘢俾你食。」
Miss Cheung一副皇恩大赦嘅樣，錫咗我一啖：「咁一陣食飽我再好好服待番你。」
聽到Miss Cheung咁講，我差啲忍唔住將扯扯地嘅細佬放番入B女，我用最大嘅毅力控制自己離開眼前嘅迷人胴體，去稍為沖咗下就著番底衫褲去煮早餐。
我煮早餐嗰陣Miss Cheung去沖咗半個鐘涼，如果次次都洗咁耐，佢今日分分鐘有幾個鐘要喺廁所渡過。
雪櫃冇咩餸，所以早餐冇乜特別，晏啲要去買番多啲新鮮食材返嚟，呢兩日要好好滿足Miss Cheung心理同生理上嘅全部需要。
食完早餐我見Miss Cheung好似想做下嘢咁，於是我就話：「Miss你係咪想做陣嘢？不如我去買定今日同聽日啲餸，順便返屋企睇下有冇咩特別嘢要處理。」我突然提早一日返，Miss Cheung應該有啲工作想做咗先。
「好吖。」Miss Cheung果然話：「不過唔好去咁耐喎。」
離開Miss Cheung香閨，我走咗轉屋企，雖然想日日痴住，但係Miss Cheung冇專登請假陪我，平時仍然會返學，最多我臨走前嗰一、兩日會放假，除咗因為Miss Cheung專注工作，佢亦話希望留多啲假，等有長假期時可以一次過請多幾日去加拿大探我，Miss Cheung之前話會過去加拿大陪我，不過詳細討論過後，除非我決定唔再返香港，否則佢會留喺香港等我返嚟。
而且我喺香港呢段時間都要處理好所有事情，屋企嘅事固然要辦好，自己感情方面亦都要搞清楚，Miss Cheung同周穎主要係多啲陪下佢哋喇，另外仲有一個人我想好好同佢釐清關係嘅，就係邱雅琳。
以我而家嘅諗法，呢兩日梗係陪住Miss Cheung，下星期搞好晒啲嘢之後，臨走前搵日去同邱雅琳分手，佢係好女仔，我亦都真心鍾意佢，但係我唔想誤咗佢嘅青春，我已經有Miss Cheung同周穎，現階段都唔知點揀，放棄任何一個我都唔捨得，兩個都要又只係我著數晒，對佢哋兩個好唔公平，無論香港定加拿大，都冇重婚嘅制度，娶一個，另一個就冇名冇份。
世事嘅嘢當然冇咁完美，亦都往往出乎意料之外，我返到屋企嘅時候，一個我喺呢刻唔係太想見到嘅人，就企正喺門口。
「子龍！」係邱雅琳，穿著粉黃色套裝，束起頭髮嘅佢冇咗護士服嘅光環，多咗份清新純潔嘅鄰家女孩感覺，佢見到我，立即喜形於色。
「點解你會喺度嘅？」我個樣一定冇佢咁開心，但係我都儘量表現得大體啲。
「我諗住你呢兩日差唔多返，所以咪嚟你屋企撞下你，諗住俾個驚喜你。」邱雅琳撲上嚟攬住我：「點知真係俾我咁好彩撞到。」
「我哋入屋先。」我拍拍邱雅琳背脊，示意佢先放開，然後同佢手拖手返入屋。
屋企個幾星期冇打理過，有少少霉味，今次返嚟本來要賣咗間屋，但係因為時間太倉促，可能要蝕唔少錢，後嚟阿叔知道咗情況，話阿爸自細出嚟養家，而家有事佢哋幾兄弟姊妹唔會袖手旁觀，於是就夾咗筆錢俾我哋解燃眉之急，間屋變咗唔使賣住。
阿爸都唔知幾時，甚至醒唔醒得番，阿媽唔想欠阿叔佢哋人情，所以就同我講話間屋就算唔賣住，都唔好再當係我哋自己嘅，將來有好價錢就賣咗佢還番啲錢俾人，我今次返嚟要將自己啲嘢執拾好，可以帶走嘅就全部帶走，阿媽、阿妹同阿爸啲嘢呢幾年大部份都搬晒去加拿大，反而唔係太大問題。
如果我有錢，真係想留番呢間屋，話晒喺度生活咗咁多年，都幾有感情，更加唔想嘅係要我執堆滿成屋每吋地方嘅珍藏漫畫、小說同遊戲碟，好彩加拿大地方大，仲有成個basement俾我擺嘢，將啲珍藏搬晒過去都綽綽有餘。
返番現實先，邱雅琳而家就企喺我身前，而我就有啲唔知點面對佢，我既冇諗住咁快同佢見面，一陣亦都要返去搵Miss Cheung。
「我係咪唔應該走嚟等你呀？」邱雅琳終於察覺我嘅唔自然，雖則都好難察覺唔到：「對唔住呀，我都係因為太想見你，咁不如我走先。」
如果喺呢一刻我放任邱雅琳離開，以後發生嘅好多唔愉快經歷就可以避免，但係望住佢頭耷耷一臉失望咁喺身邊走過，我實在做唔到咁絕情，而呢個錯誤嘅決定，亦都影響咗我同佢往後嘅日子。
我伸手拉住邱雅琳：「你唔好誤會，我只係啱啱返嚟有少少攰啫，而且我一陣有啲緊要事要出去搞，應該陪唔到你，所以驚你唔開心。」
「唔緊要，我見到你已經好心滿意足，你過兩日得閒先再搵我喇。」邱雅琳聽到我解釋，都冇諗過合唔合理就開心番。
何必呢？你發個脾氣走咗去反而仲好：「又唔係急得咁交關，都有個零鐘時間先要走，你今日有得放假咁好嘅？」我拉邱雅琳去梳化坐低。
邱雅琳挨晒大半個身落我度，微微仰起頭答：「尋晚啱啱返完夜，聽朝先要再返，本來諗住返屋企瞓陣，但係忽然想過嚟呢度望下，就算你唔喺度，望下門口都好似感覺到你嘅體溫同氣味咁，令我個心好安穩。」
咁神奇？講到有啲去明星屋企朝聖咁，乜我有咁高級咩：「乜你咁大個人仲咁傻嘅。」
「我都覺得自己好傻，成日好似乜都冇晒興趣咁，成副心神淨係得番你，只要係關於你嘅事，我都想知，只要有你出現嘅地方，天涯海角我都會去，我後悔冇跟你去加拿大，搞到呢個幾星期都唔係咁瞓到。」邱雅琳突然盡訴心中情，搞到我有啲不知所措。
我望向邱雅琳，呢個從下望上嚟嘅角度令到佢秀麗嘅輪廓深刻而誘人，大眼睛下果然有少少黑眼圈，話瞓得唔好都係真，我有啲感動，感動得嚟有啲動情，動情就自然會做錯事。
我低頭錫咗落邱雅琳嬌艷欲滴嘅咀唇上。