自從同Miss喺一齊，我就忽然變得好受歡迎: 第七十八章 不可告人嘅秘密

「回程返香港嘅時候，有一個人同我一齊喺加拿大返嚟，你估唔估到係邊個呀？」瑜姐姐冇直接答，故作神秘咁問。
 
唔通真係加拿大嘅屋企人？不過佢哋照計唔會唔通知我就忽然走番嚟，但係我真係諗唔到其他人：「唔通係我啲屋企人？」
 
瑜姐姐擰頭：「你再估下，我識你又識嘅，仲有邊個去咗外國。」
 
我認真諗咗諗，除咗我啲屋企人，我同瑜姐姐都識嘅，一定係住喺呢幢大廈嘅人，有邊個最近去咗外國呢？
 
「小琪？」我衝口而出，但係轉頭又諗起，小琪冇可能咁快返嚟，佢去升學喎，走咗都唔夠一個月。
 


但係從瑜姐姐肯定嘅表情，我已經知道自己答啱咗：「咪就係小琪囉。」
 
聽到小琪返咗嚟，我即刻好想去見佢，上次佢突然提早走咗，搞到我唔知點咁，話唔掛住就假，不過啱啱同瑜姐姐搞完，涼都未沖就走咗去，似乎唔係幾好。
 
瑜姐姐睇我神情，就知道我諗緊乜：「你係咪想去搵小琪呀？」
 
「上次小琪突然走咗去外國，我都冇好好同佢道別，今次唔知佢返嚟幾耐，所以我…」我未講完，瑜姐姐就笑住打斷咗我。
 
「加拿大返香港要搭成十幾個鐘機，你哋嘅事，小琪都講晒俾我聽，你快啲去搵佢喇。」瑜姐姐一副明白事理嘅樣。
 


我感激瑜姐姐嘅貼心：「咁老婆你今次幾時走，我再嚟搵你吖。」
 
「過幾日喇，暫時未知，要等公司安排，老公仔你咁忙，得閒應酬我咩？」瑜姐姐古古惑惑咁講。
 
我錫咗瑜姐姐一啖：「我一有時間就過嚟搵你。」
 
我求其沖咗個涼，著番衫就離開瑜姐姐屋企，諗住直接去小琪屋企搵佢。
 
但係如之前同小琪見面嘅情況，我根本唔使搵佢，因為佢已經企咗喺我屋企門口。
 


著住牛仔衫褲，戴住Cap帽嘅小琪微笑望住我：「頭先唔知點解瑜姐姐屋企好嘈，原來你又去幫佢整電腦。」
 
冇見只係兩星期，但係我覺得已經好耐冇見過小琪咁，平時佢仲喺身邊嘅時候，就算成個月唔見，都唔會有咁嘅感覺。
 
「你就算要走，都要俾我同你好好道別，你點可以突然走咗去？」我上前攬住小琪，有種驚佢會忽然消失嘅感覺。
 
小琪反攬住我，同我緊緊擁抱：「對唔住，龍哥哥，我以為咁樣會令你冇咁難過。」
 
我認真望住小琪：「咁多年，我已經當咗你係我嘅親人一樣，如果你離開，我一定會難過。」
 
小琪聽我咁講起先個樣有啲開心，但係轉頭又有啲失落，個神情仲有啲沉重：「龍哥哥，可唔可以入你屋企先，有啲嘢我本來唔諗住咁快同你講，但係而家我覺得都係同你講咗先好啲。」
 
我見小琪咁反應有啲奇怪，但係佢不嬲都古靈精怪、或者佢又想整蠱我都唔定，所以都冇太放喺心上：「咁好吖，你入嚟先。」
 
打開門，我俾小琪先入屋，然後從後一嘢抱起佢：「去咗加拿大兩個星期，睇下有冇瘦到先？」


 
小琪俾我搞到咿嘩鬼叫，頭先有少少凝重嘅氣氛當堂紓緩咗好多。
 
我放低小琪，佢頂帽俾我整到跌咗落地，啲頭髮洒落兩肩，配埋佢個蘿莉look，睇起上嚟好可愛，我忍唔住上前錫咗佢一啖：「小琪，你好靚。」
 
小琪俾我錫到塊面紅咗少少，都未答話，我已經再錫落佢度，今次冇縮番開，伸埋條脷入佢個口度同佢濕吻。
 
我用力攬住小琪，上次佢提早離開，今日又突然出現番，令我有種失而復得嘅驚喜，同時，亦令我隱隱覺得佢又會再次走咗去，所以喺呢一刻，我只想緊緊捉實佢，唔俾佢再次無端端消失。
 
小琪起初有少少抗拒，但係好快就熱烈回應我嘅索吻，小琪條脷好細，同佢交纏嘅時候仲會縮來縮去，嬌羞得嚟令人更想佔有。雖然啱啱同瑜姐姐搞完，但係同小琪錫咗陣已經又起晒火。
 
我伸手去摸小琪個胸同籮柚，點知佢一俾我摸，就突然好大反應，用力推開咗我。
 
雖然有啲莫名奇妙，但係我冇嬲，反而第一時間諗起頭先小琪話有嘢要同我講，唔通佢嘅反應，係同要講嘅嘢有關？
 


小琪推開我之後，個樣有啲驚，仲即刻道歉：「對唔住，龍哥哥，我唔係唔鍾意你摸我，而係因為…因為有其他原因。」
 
我見小琪咁緊張，就微笑拉佢坐落梳化：「你今日做乜成日講對唔住，係我唔好，突然手多多，你話有其他原因，講唔講得我知㗎？」
 
小琪個樣有啲猶疑，好似要諗清楚點講好咁，我冇催佢，等佢理清思維。過咗大約15分鐘，小琪先終於開口：「其實我今次去加拿大讀書，係有特別原因。」
 
呢樣我早知，小琪走前已經提過，不過當時唔肯講。
 
「或者我講番前少少，大約喺三個星期前，媽咪有一次幫我清潔間房嘅時候，發現咗我哋第一次嗰張床單，媽咪一睇就知咩事，即刻向我逼供，我本來死都唔肯講，點知俾佢問多兩問，佢就估到係你，當時我只係驚媽咪會找你晦氣，於是不停同佢講我係心甘情願俾你，就算將來你唔要我，我都唔會後悔。點知媽咪第一個反應唔係鬧我或者鬧你，只係即刻問我哋有冇做足安全措施，會唔會有咗BB。」小琪講到呢度停咗停，似乎想俾自己同我消化下剛才嘅說話，呢方面其實我都一早諗過，出得嚟行就預咗要還，我周圍搞女，點會冇諗過有一日會俾佢哋屋企人知道，而且嗰張床單，最後居然真係成咗罪證。
 
「我起初以為媽咪只係驚我未讀完書就要做未婚媽媽，於是同佢講我哋咩都做足晒，唔會有BB，媽咪鬆咗口氣，跟住同我講，叫我絕對唔可以再同你一齊，同埋以後唔可以再見你，我梗係唔肯，仲同佢大吵咗一場，以往媽咪都好錫我，龍哥哥你對我又咁好，我唔明媽咪點解連面都唔俾我哋見，嗰晚我哋鬧到好唔愉快，之後仲有幾日互不瞅睬，連阿爸都唔知咩事，然後有晚，媽咪成零晨兩、三點入我房叫咗我起身，講咗個叫我哋唔可以喺埋一齊嘅原因我聽。」小琪講到呢度望向我，好似要等我有足心理準備咁。
 
我點咗點頭，示意小琪講落去，然後佢就用充滿悲傷嘅語氣繼續講：「媽咪話我哋唔可以一齊，係因為我哋其實係同父異母嘅兄妹！」
 
吓？乜呢啲情節唔係只會出現喺粵語殘片嘅咩？而家又冇行雷又冇落雨，搵啲咁嘢嚟玩呀。