自從同Miss喺一齊，我就忽然變得好受歡迎: 第五十九章 再遇邱雅琳
邱雅琳見到我冇咩意外表情，反而我就好驚喜。
「原來你都係護士。」望住邱雅琳一身護士裝束，咁先似樣㗎嘛，即刻咩幻想都返晒嚟，係個胸太平，不過咁樣反而令到佢整體俾人嘅感覺好純品。
「原來你叫張子龍。」邱雅琳對住我微笑。
本來我仲諗緊用咩方法逃離呢度，而家又想住耐啲喇。
邱雅琳過嚟幫我做咗啲基本檢查，只係掂到下手，都令到我個心跳得好快，呢啲就係心動嘅感覺？定係單純只係我係女都啱。
「估唔到咁快又可以見番你。」邱雅琳把聲有啲興奮，唔知佢係咪同我一樣咁心動。
「我都估唔到。」呢啲由不幸帶嚟嘅幸運，特別讓人珍惜。
「你有冇咩唔舒服？」邱雅琳問。
「除咗唔郁得嘅地方有啲唔方便之外。」我望住邱雅琳：「就係唔知點解個心跳得好快。」
「心跳快？咁你有冇藥物敏感？」牽涉到身體狀況，邱雅琳有啲緊張。
「我諗我應該係對你敏感。」我好認真咁答。
邱雅琳聽我講完，諗咗一陣先知我講乜，即時有啲面紅。
我用仲郁得嘅右手，將邱雅琳拉到我同一視線水平嘅位置，深深咁望住佢：「上次嘅感覺我仲記得好清楚，亦好懷念，唔知你係咪同我一樣？」
從邱雅琳不停起伏嘅胸口，我知道佢都好緊張，但係佢冇答我，只係呼吸急促咁點咗點頭。
呢個時候，我唯一可以做嘅就係𢵌過頭埋去，錫落佢柔軟嘅唇。
心跳快到心臟病發咁，錫下都咁興奮，如果同邱雅琳搞嘢，我可能會暴斃。
「咦？你哋喺度做咩呀？」邱雅悅把死人聲又喺房門口方向傳嚟。
邱雅琳聽到有人即刻𢫕甩咗我隻手，臉紅紅咁走咗出去。
「對唔住喎，我係咪又破壞咗你哋呀。」邱雅悅毫無悔意咁道歉。
唉，次次都係咁，鬧你都厭嘥氣喇，咪住，突然諗起見到邱雅琳之前惆悵緊個問題。
「邱姑娘，想問下你，我而家俾你哋打石膏打到咁，如果人有三急，咁點處理呢？」雖然我唔係好想問邱雅悅，但係問邱雅琳就仲尷尬。
「咁你咪㩒鐘仔搵我，然後我幫你用尿壺搞點。」邱雅悅攞起床邊個尿壺，好淫咁對住我笑。
「呢啲我自己搞得點，唔使你幫。」睇佢個樣咁衰，搵佢幫手實乘機抽我水。
「唔得，呢方面係我哋範疇，萬一你整親點算。」邱雅悅邊講就邊過嚟幫我除褲。
「等我嚟。」邱雅琳唔知幾時入番房。
邱雅悅見邱雅琳入番嚟，冇同佢爭，離開嘅時候仲順手閂埋房門。
邱雅琳過嚟好熟手咁幫我除咗條褲，攞起尿壺放咗細佬入去，俾人咁望住其實唔係好疴得出，等咗好一陣先疴到。
疴完邱雅琳好體貼咁幫我捉住細佬𢫕咗幾下，但係佢隻手又暖又嫰，點可以隨便掂細佬，一掂我就即刻有反應。
我有啲唔好意思：「對唔住，我唔係諗緊衰嘢。」
「我明，呢啲情況間中都會發生。」邱雅琳冇嬲，幫我著番好條褲。細佬冇因為收埋咗而縮番細，著住褲都見到腫起晒。
邱雅琳當然見到，佢笑笑口咁問我：「你都好敏感喎，掂下都咁大反應。」
「冇辦法喇，我對你敏感吖嘛。」呢句說話我今日已經係第二次講。
邱雅琳冇再講咩，去咗廁所洗手，洗完出嚟行番去我張床嘅右邊。
「其實自從上次見過你之後，呢幾日我都有諗番起當日嘅事，我都唔明點解嗰日會差啲同你...」邱雅琳講到呢度停咗停：「直到頭先俾你再錫，一錫我個心就跳得好快，我唔係第一次俾人錫，但係從來冇試過咁緊張。」
「老實講，我都係咁，不過如果你問我原因，我都唔知點解。」我照直講，我都好想知對邱雅琳反應咁大嘅原因。
邱雅琳微微一笑：「唔知你住院嘅呢段時間，我可唔可以搵出真相呢？」
「我哋一齊試下。」我對邱雅琳報以相同笑容。
「咁你休息下先，我唔阻你。」邱雅琳講完就離開咗，剩低有啲唔捨得嘅我。
唔通呢啲就係初戀嘅感覺？之前無論同Miss Cheung定係周穎或者小琪，都係有性先愛，本來邱雅琳都踭啲係咁，但係好彩上次冇搞成，結果反而令到我哋都有機會好好諗清楚。
邱雅悅又出現番：「咁快搞完嘅？」乜佢唔使做嘢㗎咩，咁得閒嚟騷擾我。
「疴督尿你覺得要幾耐？」我反問。
「吓？攞埋出嚟都就咁擠番入去算，咁咪好嘥？」邱雅悅露出難以置信嘅表情：「你哋有冇咁純情呀？明明次次見你哋都扯到好盡㗎。」
「點呀邱姑娘，次次你都嚟搞破壞，轉頭又話我哋純情。」我都覺得件事好匪夷所思。
「唉，你有所不知，自從上星期阿妹俾你搞過之後，呢幾日成日要我搵你出嚟，我諗住經王小富，條友又block咗我，都唔知去邊度搵你，不過天有眼喇，你竟然入咗我哋醫院。」邱雅悅不懷好意咁望住我。
我俾邱雅悅望到周身唔舒服，佢見我咁驚反而笑咗出嚟：「你放心，頭先同你玩下啫，我點會同自己阿妹爭仔，係爭都爭唔贏喇。」估唔到佢咁有自知之明，簡直令我刮目相看。
「我諗住幫阿妹試下你，同埋扮搞你迫佢蒲頭啫，呢個傻妹，一知道你入咗嚟都唔知幾開心，但係又唔敢嚟搵你，所以我先扮對你有意思激發下佢。」原來邱雅悅竟然係一個好家姐，仲咁用心良苦，不過轉頭又成日搞搞震。
「咁真係要多謝晒你。」我半真心半諷刺咁講。
「係呢，你頭先個friend咁得意嘅，諗住喺佢身上套下你啲料，點知佢驚到跑走咗。」原來邱雅悅冇悉穿王小富個身份。
「近朱者赤嘛，近得我多咪怪囉。」我當然唔會揭穿王小富。
邱雅悅見我hea佢，都冇再問，但係個樣就有啲若有所思咁走咗，唔通佢對王小富有意思？係就真係要恭喜佢哋，話晒之前兩條友都喺網上神交咗一排。
終於再得番我一個人，我諗入院呢單嘢要通知下周穎，冇理由要佢由第三者口中知道件事，至於Miss Cheung去緊Richard婚禮，等晏啲佢返到屋企先通知都未遲。