自從同Miss喺一齊，我就忽然變得好受歡迎: 第三十五章 記得香蕉成熟時

周穎見我面都青晒，就問：「你做咩咁嘅樣？頭先唔舒服咩？」
 
我唔知點答佢好，坐喺梳化度望住佢個B女流緊啲精出嚟：「誒，頭先冇掹出嚟，射晒入去冇問題呵？」
 
周穎都驚一驚：「吓？咁點算呀，萬一有咗BB，生唔生出嚟好呀？」
 
「生出嚟你咪變未婚媽媽，唔係咁好啩。」雖然你話會負責任，但係個阿B都唔可以話唔關我事。
 
「咁你娶我咪得囉。」周穎一臉認真。
 


喺同Miss Cheung一齊之前，娶到周穎呢啲高質校花係我諗都唔敢諗嘅夢想，但係比起Miss Cheung...
 
周穎見我一臉猶豫，即刻指住我係咁笑：「講下笑咋，我一早食咗避孕丸，咁易俾你搞大我個肚呀，我唔會為咗一棵樹而放棄成個森林。」雖然佢好似笑得好開心，但係唔知點解聽落覺得充滿悲哀。
 
我鬆咗一口氣，但係都仲有啲擔心：「你幾時開始食㗎？聽講唔係一食就有效，要跟番大姨媽個期㗎喎。」
 
「呢方面我清楚過你喇。」周穎見我咁擔心，反而有啲唔開心，好敷衍咁應我。
 
望向俾我哋搞到又精液又愛液嘅梳化：「你走先喇，我要搞埋啲手尾先。」
 


周穎同我都各自默默咁著番好衫，我準備清理現場，周穎就轉身離開。
 
臨出門口前，周穎冇回頭咁話：「先前個問題，我諗我已經知道答案。」
 
「知道咪好囉。」我低頭抺梳化。
 
「你唔想知答案咩？」周穎轉身問我。
 
我都唔知自己想唔想知：「我淨係知道頭先好舒服。」唯有唔答。
 


周穎繼續自話自說：「我發覺除咗你之外，我已經唔可以再同第二個搞嘢。」
 
「但係我唔係喎。」有啲嘢都係早啲講清楚好。
 
周穎真係完全聽唔到我講嘢咁：「我諗瀨咗嘢，但係我都唔想，我發覺我鍾意咗你。」
 
「咁驚喜！不過你知我已經心有所屬喇。」我老實講，唔想同佢糾纏。
 
周穎即刻話：「我知，Miss Cheung吖嘛，你上星期五又去咗佢屋企冇走。」
 
「咦？你又跟踪我呀？」咁得閒嘅，私家偵探呀。
 
「我唔想，但係我見到你放學嗰陣咁開心，周圍去買餸，然之後上咗Miss Cheung屋企之後就冇落過嚟，我個心好唔舒服。」周穎把聲好sad，想喊咁。
 
嘩！咁都跟咗好耐喎。見到周穎喊晒口，我個心都有啲罯，不過我真係俾唔到啲咩承諾佢，最多只係可以得閒扑多佢幾鑊。


 
「跟住嗰日我仲見Miss Yip去咗Miss Cheung屋企，幾個鐘後滿臉春風咁急急離開，你一定又搞埋佢喇，玩3P呀？」周穎懶有邏輯咁推理。
 
唔係喺Miss Cheung樓下成晚冇走啩：「你估你係福爾摩斯咩，你係福爾摩D咋，亂咁估。」我有啲淆底，俾你知埋Miss Yip單嘢我咪仆街，借啲意串佢叉開話題。
 
「咁你呢？你又係咩？全校啲Miss都俾你搞晒喇，你咁叻，你係福爾摩B呀。」周穎突然發爛渣。
 
「嗱，係你叫我摸B咋，下次我摸你個B女嗰陣你唔好話我咸濕呀。」我一副爛仔咁款。
 
周穎塊面陣紅陣青咁掘咗我幾分鐘，最後嘆咗口氣，微笑望住我：「我前世一定欠咗你，所以先會搞到而家咁田地，你放心，我唔會搞Miss Yip同Miss Cheung，但係我都唔會放棄。」今次轉身就直出門口，冇再停留。
 
我望住佢離開，心裡面有少少睇書嗰陣見到嗰句「百感交集」，周穎俾我嘅感覺好唔同，唔似Miss Cheung咁溫順，又唔似小琪咁鬼馬，反而係有啲倔強，比較強勢，令人有種想征服佢嘅虛榮心。
 
返到屋企照舊同Miss Cheung傾咗陣電話，講起Miss Yip，Miss Cheung話佢當冇事發生過咁，所以佢自己都好似星期六前咁對佢，呢個似乎係而家嚟講最好嘅選擇。
 


我當然冇提同周穎搞嘢嘅事，更加冇提佢話鍾意我單嘢，等我諗清楚同處理好，先再同佢詳細解釋，而家唔湯唔水咁，一陣佢問我諗住點我都唔知點答。
 
星期二平平常常咁過咗，周穎冇對我講或者做啲咩，我都當冇事發生，如常上堂，最近咁忙於做運動，都冇乜時間做啲以前成日做嘅嘢，所以我放學後去咗轉信和中心朝聖，買咗啲漫畫同game，未必有時間睇同玩，但係唔買就周身唔聚財。
 
返屋企搭𨋢嗰陣，撞到同層隔幾個單位嘅瑜姐姐，瑜姐姐身材好好，有34E、24、35，仲成5呎8吋高，無論身型、樣貌都同靚模陳靜有九成相似，長髮、半月眼、高鼻同細咀，不過瑜姐姐咀唇比較薄啲，喺我睇嚟係更加堅強同吸引。瑜姐姐雖然擁有模特兒條件，但係冇做模特兒，揀咗喺最受歡迎嘅女性職業排行榜比模特兒低一位，排行第三嘅空姐。
 
以前細個阿妹仲喺香港嘅時候，成日同我走去搵瑜姐姐玩，所以都叫做有兩句偈傾，不過始終佢大我同阿妹成截，我讀小學佢讀中學，讀中學嗰陣佢讀大學，而家仲出埋嚟做嘢，自從佢出嚟做嘢之後，佢父母就搬咗返大陸養老，剩番佢一個喺香港，而佢又做空姐成日飛來飛去，好似今日咁好彩撞到佢已經係成年前嘅事。
 
瑜姐姐應該啱啱飛完，個樣有啲攰，身上面仲著住佢公司嗰套淺紫色空姐制服，空姐制服最吸引除咗剪栽貼身，展露晒空姐副美好身段之外，就係嗰條短裙，而瑜姐姐因為高，條裙睇落更加特別短，露咗大半截著住黑色絲襪嘅雪白大腿出嚟。
 
著咗高踭鞋嘅瑜姐姐高我半個頭，居高臨下咁同我講：「龍仔，好耐冇見喎，你今年好似考DSE，係咪好忙呢？」
 
「OK喇，仲有大半年時間，唔算好忙。」我忙係忙，不過唔係忙溫習：「瑜姐姐你個樣咁攰嘅，啱啱飛完長途呀？」
 
「啱啱飛完加拿大…係喎，我喺加拿大嗰陣見過你細妹小鳯，佢托我幫你阿媽攞咗啲手信俾你。」我細妹叫張子鳯，個名超級娘，細個嗰陣成日俾人叫陸小鳯。


 
「又係嗰啲蜂蜜同花旗蔘呀？瑜姐姐不如你攞嚟自己補養下身體好過，上次阿媽托阿姨攞番嚟嗰啲我都未掂過。」呢啲所謂特產，係用嚟呃遊客嘅啫，一啲都唔好食。
 
「我都收到好多呀，我咁少喺香港，你俾埋我咪食幾年，你轉頭過嚟我度攞喇。」瑜姐姐微笑，可能平時對慣啲客人，佢個笑容好親切。
 
「咁好喇，你返屋企抖一抖先，我轉頭過去搵你。」既然係咁，不如星期五攞啲去俾Miss Cheung試。
 
出咗𨋢，瑜姐姐就拉位佢個喼行番屋企，我從後望住佢喺短裙襯托下擺嚟擺去、高高翹起嘅pat pat，諗起頭先喺𨋢入面從V型領口露出嘅E cup乳溝，吞咗口口水。
 
自細瑜姐姐就一直係我嘅憧憬對象，因為每當我進入下一個成長期時，佢就會進入再下一期嘅發育階段，永遠比我早一步成熟，誘惑住我呢個未經性事嘅熱血少年，就好似九十年代套舊片「記得香蕉成熟時」裡面嗰啲總係大過主角，教佢性事嘅姐姐。
 
以前我只係會得個「𥄫」字，但係經過呢兩個禮拜，我已經唔係以前嗰個淨係識睇嘅宅男，我好認真咁諗，一陣除咗攞手信之外，仲可唔可以攞多少少回憶走呢？