犯罪心理學

阿偉人稱
“This is the end of my presentation”
當我講完呢句，成個人即刻鬆晒。我終於完咗我嘅報告啦，yes!

我行返埋座位就急不及待同我同班亦都係由細玩到大嘅好兄弟呀Will 講：「喂，完sem 啦喎。不如今晚通宵爆埋琴日未玩完嗰隻game ah ? 」

Will : 「唔等你講都知你想咁啦！但係間房冇晒薯片啦喎，一陣買埋再返去？」

我：「好呀，就咁啦！我WhatsApp叫埋金仔過嚟。」
*金仔-我嘅第二個好朋友，因外形肥胖所以有咁嘅稱號





但係去到呢一刻都冇諗過呢啲世紀大災難嘅事情竟然會輪到我。

突然之間，學校中央廣播閃燈，隨之話：「各位親愛嘅同學，你好呀！啱啱政府下令，指政府有一樣案件需要各位犯罪心理學科year 3嘅同學幫手。佢哋話20分鐘就會有專人到達，請各位同學唔好離開座位。」

我不禁爆咗句粗口，幸好聲量唔大，冇乜人聽到。如果唔係就真係尷尬啦。唉～～咁即係一陣好明顯冇時間俾我哋打機。

不過究竟係啲咩案件政府竟然需要我哋呢一班year 3學生幫手呢？既然需要我哋幫手即係代表案件非常大規模，雖然唔見得係啲咩好事，但係興奮嘅心情都係難以抑壓。