🏫 👩🏼‍❤仲講中學生「應否」拍拖？不如講下「如何」拍拖啦！🏫 【校園】【愛情】【鬥智】: Ch.8.1 約定

我地學校暑假冇功課，暑假嘅日子如同渡假。

近呢一個星期阿媽喺屋企，我都係同佢一齊食晚飯同睇電視。我唔會咁低b到去睇cctvb嘅「愛回家」，要睇都睇日劇「夏空」。

「妹妹！」「哥哥！」電視中小夏同佢哥哥咲太郎重遇，都幾感人。

7月19號晚，我發左一場雖然古怪，但又幾感人嘅夢。

夢入面，唔知點解我、Kelvin、Grace會係三兄妹關係，時空背景大概是二戰吧。





Grace：姐姐，想同你去捉田雞。

我：阿妹好啊

雖然在夢中我仍然係個男性，但就以「家姐」嘅身份同Grace同埋Kelvin相處，似小朋友喺度玩角式扮演嘅遊戲。

「嗡！嗡！」突然，防空警報響起，Kelvin亦啱啱返嚟屋企。

Kelvin：出面就打杖啦喎
Kelvin：大妹細妹，你地快d入防空洞啦，我比人徵兵。





我：唔得，我又要去。

Kelvin：你去？咁邊個睇住細妹？

我無言以對，但呢個時候，Grace望完手上張寫有「你若放棄，誰衛我城」嘅徵兵海報，然後講：哥哥、姐姐，要去就一齊去。

跟住上路，但我地三人嘅應徵地點唔同，嚟到要分開嘅時候。

Grace：求下你地應承我，平安返黎。




(佢眼神既不捨又擔心)
Grace：姐姐，我仲要睇住你嫁比我。哥哥你仲要好好守護我地呢個家。

What? 我冇聽錯嘛？嫁比一個女仔，仲要嫁比細妹？

算喇，夢就係咁架啦。

第一個分叉路就要同Grace道別，然後到第二個。

Kelvin：兄弟，打完杖記得同我一齊食飯啊！
(佢又開心又喊住口說)

嫁給Grace，同Kelvin一齊食飯，呢度係兩個約定，我全都答應了。

又姐姐又大妹又兄弟，夢就係咁。





「一息尚存，抗爭到底!」
「煲底相見!」

沿路上，我聽到有好多人臨出戰前，士氣高昂地大嗌。

夢嘅最終，我一人上路。

---邱佩玲視角---

終於，要轉校了。選科方面都諗好了。我決定好x1 phy，x2 VA。聽講Issac x1都係phy，至於Raymond，到目前為止我仍然冇佢電話號碼，有啲後悔自己當初點解唔響open day攞埋。

7月19號晚，我喺張床度同樂琪WhatsApp。

樂琪：最近我又翻煲「惡作劇之吻2」，袁湘琴同江直樹結婚啊！




樂琪：聽人講呢，如果爸爸生左個女嘅話，個女仔十成九係前世情人。
(興奮地說)

都唔知點解啲人成日都拋呢句出嚟，當阿琪講呢句時，我又google埋。

呢啲說話都係聽完得啖笑就算，情人就係情人，父女就係父女。

不過如果真係講一般男女嘅話，有時個關係就好似父女戀、姊弟戀等等呢種好似家人之間嘅關係？

因為有啲男仔，係會做到好似阿爸湊女咁，對個女朋友悉心照顧；有啲男仔，反而會表現到好似裙腳仔咁，俾女朋友照顧。

我：江直樹簡直係人生勝利組，我都想做佢嘅袁湘琴，比佢養。（笑喊

樂琪：唔好咁大諗頭啦，電視劇嘅嘢ff完就算喇。





我：聽晚我會見下佢，點樣早走？

樂琪：老闆娘嗰邊我會幫你攪店，你放心去拍拖啦。
樂琪：加油！

跟住佢SEND左張給予支持嘅Sticker俾我。

學樂琪講，世事無完美，我都係降低要求。

Issac，約你聽晚見。

---end of 邱佩玲視角---