🏫 👩🏼❤仲講中學生「應否」拍拖？不如講下「如何」拍拖啦！🏫 【校園】【愛情】【鬥智】: Ch.7.1 人生的抉擇
「轟！」一道雷割破烏雲密佈嘅天空，然後下起傾盆大雨。
6月份，亦係香城嘅雨季。不過就算落雨我都係要考試。
以前做小學生時，入到精英班，考好呈分試同Pre S1之後，入到心儀中學，會興奮到爆，甚至會有種不可一世嘅感覺。
但係到你入中學之後，當你望向DSE時，再望返你考過嘅Pre S1，就會覺得唔係D咩咁值得過份興奮嘅事。
甚至聽人講，當你升左U之後，你開始追GPA，就唔會再care DSE；再講遠啲，Ugrad之後，你開始計劃你人生大事業，連GPA都唔再care時，你再望返DSE，佢已經變成一件非常小小小小小嘅事情。
因為，人當過左一個難關之後，就會中意追更高尚嘅事物。
小學時，點解會跳舞，其實都係因為老師叫我玩，為交功課而做功課，果時真係唔理興唔興趣嘅問題。
但而家講起將來志願，中學呢三年讀得最好嘅係math phy chem bio 所以諗到做個數學家/科學家。所以點解我會想未來三年讀phy chem m2嘅其中原因就係咁樣。
大學選科方面，我仲係舉旗不定，唔知讀science好定engine好。
興趣導向的話，就讀science，但聽講出到嚟搵唔到食；能力導向的話，就讀engine，係搵到食，但就未必做到自己想做嘅數學家/科學家。
二選其一，真難決定。
讀書嘅野，學校d同學都話我勁，但我係一個「休閒型玩家」，唔似Raymond搏曬老命日讀夜讀。換個比喻，不求做到最頂尖玩家，但求獎勵同成就攞到足。
舉例說，要讀頭三大嘅science/engine，有兩三科攞5再加其他攞4，就夠曬。
「叮~噹~叮~噹~」鐘聲響起，啱啱考完中文作文，我同David一齊放學食lunch。
David：你作文揀邊題呀？
我：第三題
David：哇，呢題記敘文最難作bo，咁你都揀？
我：就係記敘文先好作呀，有好大抒情空間比你用修辭，唔似得論說文太過理性，令到自己難以去修飾文句。
David：你條女神讀書點㗎？
再一次強調，我唔中意用「女神」呢個term嚟形容自己心上人，係冇自信嘅人先至會咁講野，將條女推上神台。
得罪講句，如果係性格alpha啲嘅男仔，用「女神」呢個term，就等同將Heung Shing叫做Xiangcheng一樣難聽，等同寫殘體字一樣難睇。
不過人與人一般溝通，人地表達能力差，用字唔恰當就容忍下啦。
我：阿玲係有些少藝術天份嘅，佢話就話會修phy, VA, 但我覺得佢最後都係得VA最好成績，其他主科例如中英LS果d應該麻麻地。
David：咁得啦，未來3年佢X1一定局住簡phy, 你知啦學校跟x1分班
我：佢攪到我諗返Grace添！
(我微笑道)
David：你又ff d咩啊？
(奸笑)
跟住我又係到loop返d小學回憶出黎講。
David：大家識咗咁耐，我想望下你條Grace咩樣
我地行行下停低左，猶豫左2秒。
David：拿，大家識咁耐，冇秘密啦？
以我剩下嘅記憶，我絞盡腦汁搵返條fb link出黎。好彩佢冇改到名，而且仲望到個樣。可惜冇見咁耐，原來佢個人已經mk化咗，見po親嘅相10張有9張都係露「北半球」、有時仲會露腰露肚、有啲相仲係蒲bar背景。開親嘅posts都較公開，一個post都有過百個「like」同十幾個留言回應。
Grace已經變成個mk妹？
跟住我send左佢條link比David。
David: 唔好, 千其唔好同呢個女仔玩
David: 呢個女仔係出面浦開嗰d人嚟
世事難料，發展到咁真係估唔到，以我所識嘅Grace，係一個純情女仔，唔煙唔酒，讀書人品都好。
我：朋友，你有所不知啦，我識佢唔係咁樣㗎。
David: 你都成日講啦，以前呀嘛，人會變架！
我接受唔到mk化咗嘅佢。
就算而加有得追返。始終覺得大家思想唔同，一個中意早睡早起，一個中意花天酒地玩到通頂，點傾得埋?
睇佢同frd玩嘅合照，同下面留言嘅人，我估佢身邊應該識好多男性朋友；又係嗰句，我好難喺幾百個男仔之中贏到佢嘅attention，競爭太激烈喇；何況我已經同佢冇來往，而家追返關係，又點會拍得住佢身邊嘅 mk仔?
有時我都會自責，點解以前咁唔積極去留住Grace。
如果可以，我想返返去小學六年級，或者我可以積極啲同佢進一步發展，用自己力量令到佢同我一齊入同一間名校，再過多最少6年嘅美好時光。
David：去專心追阿玲啦你，一個斯斯文文嘅女仔唔好咩？
傾下傾下，David又攞返佢啲黑歷史出嚟講。
David：都同你講件事，你唔好講出去。
David突然語氣低沉，其實我好少聽David講佢心事。
David：我以前識左個mk妹，攪大人個肚，差啲被趕出校同埋惹官非。
我：願聞其詳
點解識佢3年從未聽佢講過呢件事嘅？
David：你一定從未聽過呢件事，今日同你講，真係，真係，唔好爆出去
(低沉語氣，語重心長，誠懇嘅眼神求我)