🏫 👩🏼‍❤仲講中學生「應否」拍拖？不如講下「如何」拍拖啦！🏫 【校園】【愛情】【鬥智】: Ch.3.1 人造•緣份?

我同雨晴繼續喺wts上吹水。

既然唔多熟，唯有多了解對方。我地傾下傾下就傾到大家有乜興趣，將來理想。

雨晴：我將來想做maid或者idol。

這些年頭，我識嘅David成日都鍾意講邊個邊個女僕，邊個邊個idol，所以我略略知道果啲日本文化係咩黎。

雨晴：我識一個idol叫 Anna Yu
雨晴：佢同我講過做idol最緊要係自信一定要夠強




雨晴：你知架啦~成班fans九成九都毒撚黎，少少野都可以放上高登婊你 (笑喊

我耐心聽完佢講野。以David話我所知，香城maid界入面，好多女仔背後嘅真正性格都係一個有不良嗜好嘅mk妹，有唔少ptgf，做呢份工為收兵、為人氣嘅，我都見唔少。

但係我都客觀持平認為，點都有一班好女仔係真係純良嘅。

意外發現原來雨晴都識Anna Yu，而家要辦事就易得多。要識到所謂嘅「公眾人物」，有時唔靠人際關係，一世都唔洗止意approach 到佢。

正如我喺 Ch.1.2 所講嘅「遊戲平衡」，尤其是追公眾人物，難聽啲講，而家你哋成班男仔就係冇人權，就得嗰一個女仔喺度揀人，你哋成班男仔就好似俾人當成一粒粒橙咁俾人揀。男仔真係想攞返個主導權嘅話，我寧願你正正經經喺生活度識人；或者增值自己，再用吸引力去吸人返嚟。





所以，呢種時候，點都要靠「走後門」嚟贏。

正如chem入面所講：有catalyst 就加快反應速率。

再一次證明：當d人問到點解自己追唔到女神時，d人來來去去只係識講一個主觀因素：你毒撚，所以吸引唔到女仔；但極少，甚至冇人強調過客觀因素：競爭比例。

我好奇追問落去。

我：你點識Anna Yu架？





雨晴：兩年前嘅acg！
雨晴：嗰陣時佢仲係一個腐女，我去睇某一個舞團表演，結果誤打誤撞就識到身為觀眾嘅Anna。

我：所以佢同你講佢想做idol，結果今日如佢所願？

雨晴：冇錯！
雨晴：我地就係咁樣相識，佢一開頭都係由做maid開始，後來變做idol。

我：我諗你都好中意日本動漫

雨晴：係呀
雨晴：呀你又會估到我咁多野嘅(笑喊

我：話時話佢個idol團叫咩名？





我咁耐都未聽過David講比我知個團名叫咩。

雨晴：Sunflower
雨晴：人地聽日就表演喇，你唔係唔知呀嘛？(笑喊

我：我聽日都去九展啵

跟住雨晴send左個大讚嘅手勢。

雨晴：仲有夜晚會同Anna一齊去New age cafe，你黎唔黎？

我：好啊。

當然say yes。





今晚就咁就完左，平時放假我都係最遲12點就訓教。