我今晚想做愛: 第六支煙，我今日做好人，俾温暖人_上
2019年_我今日做好人，俾温暖人
有一排，我失戀好沉溺於酒醉生活
因為一醉就癲，癲就可以玩，玩就會攰，攰就唔曬煩
所以有咗男子組
////
每次一到Happy Friday 男子組由一開始為咗陪我到習慣成癮
每到Happy Friday 一定要唸定今晚有冇著落 因為我不甘寂寞
「喂！今晚Happy Friday！點先」
「點先！點先！」
「講真！邊到有女就邊！」
「喂！有局！」
「邊？女？」
「有 尖咀」
我望住手機message喺咁彈喺咁彈 呢種生物 要玩到幾歲先識收
對「女」嘅定義
拎嚟食下 識下 剛剛好 總之唔可以好有感情
其實都幾壞
///
酒吧場 男男女女都好似著咗魔
「喂」「飲啊」「十個二」「你輸」「喂啊」
一入到酒吧 大家都對呢啲對白唔陌生吧 成晚落嚟都係呢啲姐
我同男子組行到去BeerPong隔離張枱 靚位
一次過睇曬有咩人 可以扮執波俾人 可以撩下人
男子組嗌完支大酒無耐 大家隻眼頓時開始金晴火眼Mark人
「個個一定有D」「有Pat重要啲」
「喂 個個咪唔知邊個個女朋友」
「邊撚個啊」「有仔就算啦」
「唔係啊 佢個到多女」「女多 咁過去Say個Hi啦」
當我哋仲喺到互相推推搪
唔知邊個個女朋友見到我哋 佢行過嚟同我哋Say Hi
「Hi!!」
「喂 你哋又係到嘅」「喺囉 你唔係有仔㗎咩」
「仔咩仔啊 散咗啦」
「哇!!怪唔得你有得落嚟玩啦」「喂 咁不如我哋一齊玩啦」
「喺囉 我哋有仔 你哋有女」
「玩唔玩得先，玩得就實好㗎」
大家9up咗 無十句 就一齊玩lu
Easy.
///
玩咗廿幾個會合 唔知邊個個女朋友嘅朋友真係實力懸殊
而男子組暗底眼神交接 大家預備行動
「五個三」「喂 你識唔識㗎」
Peter食中Timing揀咗個短頭髮女仔落手 手把手教佢玩十五 二十
把把下 把到撘膊頭
「佢哋上緊堂，我哋出去玩BeerPong」「好啊」
Jason同個ABC去咗玩
玩攬腰 拍手High Five 咀面珠 再咀咀下已經拉到去角落打茄輪
They Win.
唔知邊個個女朋友好玩得又好飲得 見啲朋友被我朋友Mark曬
唯有企起身食煙，而我都唯有R佢煙
「你有無煙 醒支嚟」終於到我可以同佢傾偈
「有 不過1仔嚟」
「好 照食」
「咁不如借埋個火機嚟用下」
唔知邊個個女朋友無答我 直接俾個火機我
之後一直禁電話 睇一個男仔嘅IG Story 重覆來來回回 喺咁禁番去個個Post
睇嚟呢個人就喺佢前度
「喂 不如你陪我落去買煙」
我講呢句開場白應該剛剛好，打斷佢睇嗰男仔Story，又好似暗示佢有我陪
「哦，好啊」
我喺男子組耳邊嗌咗幾句耳仔 Peter個衰仔順手俾埋個Condom我
順手整埋個勝利手勢
「行啦」我同唔知邊個個女朋友講
佢個樣SAD SAD哋
細心啲一望 其實佢都幾靚女 輪廓清晰 眼大大咁
身材正正常常 有腳
「你哋分咗手 好耐啦？」
「一個月，不過佢拍拖lu」
「你講到好輕鬆咁 唔痛啦？」
「痛唔痛都係咁 可以點 佢都玩厭咗我」
我無再答佢 我哋一直無再出聲 由電梯行落斜路 行落7仔
//
唔知邊個個女朋友企喺門口等我
「純薄萬」買完煙之後
我望一望佢行番去酒櫃拎起咗6支燒酒加橙汁
「唔該」7仔姐姐見我買咁多 幫我用膠袋裝埋
「嘩 啲煙大減價啊」佢隻手都係無離開過手機嘅IG STORY
「上面好嘈，我哋去公園坐，聽下你呻，唔好咩」
我拉起佢隻手，令到佢無得再睇Story