《凶宅裝修佬》: 後記

其實《凶宅裝修佬》最初會開始寫，係因為有一次我好奇跟咗親戚去裝修現場，嗰個地方正正就係有好大一塊爛牆，空間狹窄，四個人住。


而當裝修完成咗之後，呢塊爛牆自然就冇咗，以後再搬入嘅人都未必知呢到曾經有塊不堪入目嘅爛牆。


其實慢慢改變一個地方嘅模樣，等大家漸漸唔記得原本嘅樣，大家喺現實當中或者都感受到，所以我想寫。


有人話過太誇張，唔太可能會發生，我當然唔想十年後會有咁可怕嘅一日，但我真係唔知，因為每一日所接收到嘅資訊都非常難以置信⋯⋯






回歸寫作本身，我自己能力有限，其實前面我覺得自己寫得還好，但後期我的確寫得唔好，好多嘢都有影響到我，而最重要就係我真係實力唔夠駕馭後面嘅劇情，我諗到個畫面，但我寫唔出個感覺。


不過，我真係已經盡咗力，好多時候諗咗成日，甚至夜晚個腦都仲燒緊。每日都係失眠兩三個鐘先訓得著，因為個腦停止唔到思考⋯⋯


無奈呢個其實都唔係好好嘅作品，甚至唔係一個合格嘅作品，但我覺得令某啲讀者有共鳴，都已經足夠了。






多謝大家一路支持到今日，無論你會繼續留低定點都好，我都會好感激。


最後老套啲講句，前路再黑暗都好，唔好絕望。


仲有大家同我喺到。






最後嘅最後，有時間的話，諗下生命嘅意義，諗下如果死亡就係一個好近嘅終點的話，自己想過咩人生！加油！！（有興趣的話，都可以FOLLOW我 FB&IG，FB：倖存，IG：hang6cyun4。會不時更新短文&近況）。