女神呢個稱號令我食左唔少仔(有甜）: 831

阿程衝過黎左手捉住我，右手捉住女班長，然後好似火影忍者咁樣跑。

直到跑到上去學校天台，佢先鬆開我地，我不斷到係咳，但係女班長好似咩事都無。

女班長：「到底發生咩事呀阿程？做咩要跑到咁急？」

阿程：「呼呼...呼...鍾sir佢...佢癡撚左線呀！！」

阿程：「你地去左入廁所之後...我地就入去班房到...本身都無乜事...」



阿程：「鍾sir突然反鎖左對門...拎左把刀出黎，插死哂佢地三個...我自己都差啲出事...」

女班長：「連自己嘅學生都殺死...我地又無得罪佢...點解佢要咁做？」

阿程：「佢不斷係到講「都係你地！！」「都係你地嘅錯！！」「無你地我就唔會搞到宜家咁！！！」囉...」

我地嘅錯...？我地當年明明仲一齊慶祝畢業架...我地讀書個陣亦都無搞過佢...點解會話我地搞到佢...？

女班長：「我唔明喎，我地咩都無做過。」



阿程：「我都唔明呀，我淨係知佢變到好恐怖，成個人好似着左魔咁...插完一刀又一刀...」

睇到阿程成個人震哂咁，可以睇得出頭先個畫面係幾咁恐怖，仲恐怖過金木一個人比壁虎過黎左手捉住我，

我：「咁我地宜家要諗辨法離開呢到先。」

女班長：「佢應該四圍咁搵緊我地，同埋佢頭先應該會見到我地跑左上樓梯，所以我估佢宜家逐層逐層咁搵緊我地。」

阿程：「咁我地可以點算...？直接落去肯定骨都無得剩...」



女班長：「冷靜啲，我地都無辦法唔直接落去，天台得兩條樓梯，我地聽天由命啦。」

兩條樓梯，一條係前梯，另一條係後梯，我地都無辦法知道佢係邊條到，或者近邊條。

我地三個無人出聲，但係我地都知，再唔決定嘅話，佢就會上到黎。

女班長：「死就死啦，我地行前梯啦！！」

於是我地三個就落去，女班長係最前，阿程係中間，我係最後。

我地每踏一步都要好輕力，好似只要一大聲左就會死咁。

阿程：「哇！佢就係對面呀！！唔唔！唔！！」係對面就係一個拎住把刀嘅男人。

佢突然叫到好大聲，我同女班長即刻揞住佢個嘴。



但係...太遲啦，佢已經見到我地，仲開始跑緊過黎。

女班長：「快啲跑呀！！」

我地三個即刻跑跑跑，我個腦咩都無諗，淨係知跑得慢嘅話我一定會死，我甚至仲跑過左女班長。

我地跑到去地下出面嘅操場，原來歡樂馬介休嘅龍哥講嘅野係真。

「人喺脫離危險嘅時候係會落淚架」

當我以為我地至少都脫離危險嘅時候，

阿程：「咦？！！女班長呢？！！」



仆街，真係齊人差一個...仆街仆街仆街....應唔應該返去搵佢...

我地仲猶豫緊嘅時候，有個男人行左出黎，佢隻手就捉住女班長。

我：「女班長！！」我想行過去，但係又唔夠膽行過去。

鍾sir：「你地如果走嘅話，佢宜家就會即刻死。」

佢拎住把刀掂一掂女班長塊面，搞到我唔敢亂郁，我唔想女班長有事。

女班長：「你地唔好理我啦！！快啲走呀！！」

鍾sir：「收聲呀八婆！！幾撚時到你講野呀？！！」佢一野扔女班長落地下，仲踩住佢。

女班長：「啊...啊啊...」我望住佢好辛苦嘅表情，我好心痛。



我：「到底你想點？點解你要殺哂我地？」

鍾sir：「凡事都應該有始有終，你地搞出黎嘅開頭，就由你地承受返個結果。」

鍾sir：「係你地班仆街搞到我咁！！」

鍾sir：「如果唔係你地！！我一早就做左副校長啦！！屌你老母！！」

原來...係咁。