女神呢個稱號令我食左唔少仔(有甜）: 別走

我聽人講，天蠍座嘅人多數心機都好重，我都開始認同呢個事實，亦都覺得呢個係我地嘅優點，因為咁樣先令到我更加易去食仔。

蔡煒燕講過：「心機重嘅人，往往都唔會真心咁樣對人，佢地將自己嘅感受隱藏得好深，亦即係話，佢地可以捉實人地嘅弱點，又唔會有事。」

無錯，我認識人從來都唔係為左建立人際關係，每個人對我黎講只係一個利用嘅工具，用完即棄個隻。

你會問，咁做對你有咩好處？玩咁多男仔嘅感情，令到佢地為你而破費，造成一次又一次嘅創傷，有咩意思？

我會答，因為好玩。



宜家嘅我，又同緊一個男仔出街，今次呢個男仔幾靚仔，要比嘅話，只係輸蔡煒燕少少，不過都已經令到唔少女仔望住佢。

但係一諗到shark條友，搞到我對靚仔唔多唔少都驚驚地，靚仔總是一個危險的存在，佢地嘅「美」通常都只存在於外在。

阿傑：「你知唔知我平時相信嘅係啲咩神？」我搖一搖頭望住佢，示意我唔知。

阿傑：「你嘅眼神。」我比佢壁咚左係埲牆到，我用隻手捉住自己嘅衣領，扮到自己好怕羞。

我：「咁...咁我想問你，你其實係咪恐怖份子黎架？」



阿傑：「我係恐怖份子？」佢好疑惑咁望住我。

我：「因為你靚仔到好似隨時都要爆炸一樣。」我伸一伸脷咁望住佢。

阿傑：「傻妹，不如我地試下，好唔好？」

聽人講，「不如我地試下」成功嘅機會大於「不如你做我女朋友」，我作為過來人，你問我宜家有咩感覺，其實就係無感覺。

都可以話有少少心動嘅，不過只係好少好少囉，因為始終以前受嘅傷害真係太深，我連鍾意人係點都開始無左印象。



我：「好呀，咁我地試下囉。」真正嘅女朋友，我做唔到，但係用演技黎扮演一個女朋友嘅角色，我還是可以的。

阿傑：「我帶你去一個地方。」講完佢就拎住我隻手，慢慢咁行去佢講嘅目的地。

行左十五鐘就到左，呢到係銅鑼灣嘅誠品，我到呢一刻都唔知點解佢要帶我黎呢個地方，不過我無出聲問佢。

阿傑：「我相信你一定係到諗緊點解無啦啦會黎書店。」佢拎起左一本書係到睇。

阿傑：「我曾經聽人講過，書係人用黎傳遞一啲講唔出嘅說話。」

我：「所以，你就想帶我黎書店，傳遞一啲野比我。」佢點一點頭。

阿傑：「不過我唔會直接咁比你睇，我想你自己去搵。」屌你老母，有野就直接啲啦，阻住呀姐啲時間。

我：「神神秘秘咁樣，但係我鍾意~」我咀一咀佢個嘴之後，就開始係間書店到左行右行。



老實講，其實間書店都幾撚大，計計埋埋我諗都有至少成一千本書，本本都咁厚，佢係咪想搵撚死我，然後就將我條屍體任佢搞。

佢嘅提示係，啲字唔係書入面，咁姐係代表啲字係書出面，都係玩野姐，又有書名、作者名、出版社。

搵左十分鐘之後，我都係咩都搵唔到，因為正如我所講，成千本書，你比多幾隻眼我都搵唔到啦。

我望一望佢係到做緊啲咩，見到佢只係一直望住我，對我笑左一笑，唔知呢個笑容係代表啲咩。

當我一回頭繼續搵嘅時候，我就發現到樣野，唔同類型嘅書居然會比人放左係同一個項目到，唔通就係呢到？

我再睇清楚有啲咩關鍵，終於比我見到當中嘅訊息，應該就係每一書嘅嘅書名嘅第一隻字，我宜家嘅感覺就好似佛羅多拍左三集，終於燒左魔戒一樣。

「遇、見、你、是、我、一、生、中、最、好、的、福、氣」咁老套嘅說話，唔知點解我居然會有少少眼濕濕。



我：「佢曾經...都講過呢句說話...」諗起以前嘅野，令到我嘅眼淚已經不禁流左落件衫到。

即使是臭雞，也有一個，令到佢成為臭雞的男仔。一個將我，從天堂打落地獄嘅男仔。我深愛過、也心死過。

阿傑：「你終於搵到啦。」佢用力咁將我攬住。

我：「係呀...我搵到啦...」我係佢件衫到不斷咁喊。

我：「唔好離開我...唔好走...唔好走...」我用雙手捉實佢，唔比佢有走嘅機會。

想走嘅人始於都會走。想走嘅人，即使你點樣困住佢，佢都會諗辦法離開，即使佢走唔到，佢個心都已經走左好耐，你最後都只係得到一個空殼。

阿傑：「喊啦，我都知你忍左好耐啦，係你喊哂之前，我都唔會走。」

那個視人如無物的我，卻比任何人都還要害怕。



他問：「那個裝堅強前的你，去哪了？」

我答：「我也記不清楚了，裝久了，也習慣了。」

「表面堅強的人，往往都係最脆弱嘅一個。」

其實，我都好想有一個，會照顧我一生一世嘅人。