打機射喪屍係會報應㗎…(改咗名): 無啦啦有粒隕石撞落地球…

「寫生狂，買咗隻新game呀！今日放學嚟我屋企玩啦！」我個死黨啊軒喺午休嗰陣同我講。
「哇！咩game呀？」我放低手上睇緊嘅小說問佢。
「《活死人末日IIl》呀！咦？睇咩書呀你？」佢隨手攞起我本書嚟睇
「好喎！咁放學之後街口間7仔等啦！仲有，唔好搞我本書啦我問師兄借㗎！」我答返佢。
啊軒屋企
「喂！快啲幫手啦！成十幾隻過緊嚟呀， 隻隻都4級㗎！」啊軒話
「咪嘈住啦！我嗰邊有隻8級㗎！一陣先啦！」我同佢講。
「軒仔！過嚟食飯喇！咪玩喇！」佢啊媽話
「得喇得喇。喂， 咋咋臨速戰速決啦喂！」啊軒話
15分鐘之後…




「好！搞掂！」我話
「 咁我依家送你落去啦，費事阿媽又嘈。」啊軒行向門口，正準備開門。
我同啊軒一齊行去巴士站，佢突然講:「 今日場game真係掂呀！不過話時話，做喪屍真係好呀。日日隨便遊嚟遊去，唔使返工返學，不知幾爽。」
「咁…可能喪屍都有自己嘅煩惱呢。」
「有咩煩喎…前面巴士站，聽日先講啦，拜拜！」
「 拜拜！」
正當我上緊巴士。突然，天上一個龐然大物飛落海面！
「哇！」
「 隕石呀！」
「飛咗落海面入面喎！」




「咩事啊！」
不過隕石都唔算係啲咩問題， 不過恐怖嘅係地面突然地震！！
「啊啊啊啊啊啊！」
「救命呀！」
「媽咪！」
人群嘅慘叫聲不斷起伏。而我準備逃生嘅時候，全身感覺好唔舒服，然後突然暈低咗！