那些年，我等待的那個男孩子: 37

當雪晴一踏入校門果下，佢就見到個著校服嘅同學坐左係到，個樣好唔舒服咁，果個係Jasmine，個頭又係未梳好，超亂咁樣
 
果個係恐怖雞設下嘅關卡，睇下有邊d新生係會好心去問下人有咩事。當然呢一關難唔到雪晴啦，因為今日ba b都係到，身為醫生嘅佢，好快就叫雪晴扶果位同學入學校休息，而雪晴都好乖咁幫Jasmine咁梳頭同扎辮
 
等佢地差唔多行到去禮堂果時，Miss Lee就係雪晴面前將一大堆簿跌左係佢面前，而雪晴都好乖咁幫Miss Lee執好d簿，佢成功經過恐怖雞兩道關卡，當雪晴係到註冊果時，好多老師都黎望一望佢
 
終於雪晴完成註冊啦，佢要面對新校服嘅誘惑
 
「同學，過唔過黎度身試新校服呀?」
 


我地望一望，睇下雪晴會唔會想要新校服
 
「哦!唔洗啦，我家姐係到讀，我著佢D校服得啦」
 
「但係家姐果D舊啦喎，幫妳度身著靚D唔好咩?」
 
「真係唔需要啦，幫屋企慳下錢仲好，同埋我家姐唔係高我好多，我著到佢D校服架」
 
雪晴慳妹性格又過埋新校服果關，佢好平安咁去到學會招人地帶，為左唔好嚇親佢，我地三個係禮堂門口等佢
 


「家姐家姐!!!我搞掂啦!!!妳走得未呀?」
 
「未啦，我落黎陪妳過學會地帶架，一陣好多師姐拉妳入學會呀」
 
「家姐妳去邊我去邊」
 
我地一家人慢慢行過訓導處，突然訓導處道門打開，有個頭伸左出黎，雪晴認得Jasmine
 
「唔?姐姐妳冇事啦?」
 


「我冇咩事啦，唔該哂妳」
 
「唔洗客氣，幫人係應該嘅」
 
「都啱嘅，既然Karen妳係到我就同多妳地兩姊妹講多次」
 
「唔?Jasmine?有咩事?」
 
我地兩個都有少少黑人問號
 
「我唔會輸俾妳地兩姊妹架!!」佢講完就好快返入訓導處
 
「家姐…果位同學做咩野?要挑戰我地?」
 
「唔知呀」


 
「妳同人爭男朋友?」
 
「傻啦…佢升F.2咋，我邊會鍾意D小朋友?」
 
「但係點解佢會係訓導處嘅?」正當我想解釋果時，Miss孔出現了