那些年，我等待的那個男孩子: 26

「咁我地想知…妳地邊間學校」
 
「模範生，妳答人地啦」
 
「我地…係英華女校架」
 
當佢地一聽到我地學校名時，面色都變一變
 
「恐…恐怖雞d學生呀!!兄弟們，退後!!!」聞雞色變
 




佢地好好笑咁退後左幾步，估唔到Miss孔係咁出名
 
「你地好驚恐怖雞咩?」
 
「佢好出名，一陣俾佢見到我地黎瞭妳地，我地就死架啦」
 
「唔係喎，應該唔死得哂，Anthony咪唔會怕恐怖雞囉」 「你拎佢張相出黎做擋箭牌囉，你臨時臨急點去HKU搵佢呀!」
 
「喂!」
 




「係!女俠!!」
 
「我地返屋企啦!有緣再見啦!!拜拜」
 
就係咁，我地就贏左100蚊走
 
「估唔到恐怖雞咁出名，連其他學校學生都驚左佢」
 
「佢嘅獅哮功聞名方圓兩個地鐵站嘅學校，不論中小學都要俾面佢」
 




「咁做佢個女應該好慘」
 
「我聽到小道消息，話恐怖雞好錫個女架喎」
 
「恐怖雞好似得一個獨生女嘛，唔錫佢錫邊個」
 
「聽講係恐怖雞之前小產左三次先陀到呢個女，所以當佢掌上明珠、心肝寶貝咁睇」
 
「其實Miss孔都幾偉大嘅，佢應該係好媽媽」
 
「我係舊校刊見過恐怖雞後生張相，真係好靚女，校花一般」
 
「咁佢個女應該都唔差得去邊」
 
「妳地估下佢個女會唔會係我地學校讀丫」




 
「唔出奇架」
 
「咁可能好快就有雙雞拍門睇!」
 
「係雙雞啄門呀!!咯咯咯咯!!」