那些年，我等待的那個男孩子: 16

「Jessie!!!嘩!!!唔見一年，又靚女左啦」
 
「邊…邊有呢」
 
「坐低啦!差唔多齊人架啦」
 
「呀!!唔該哂Miss Lau，妳咁照顧我妹妹」
 
「雪晴佢真係好叻，似足妳，次次都考第一，爸爸診所忙唔忙呀?」
 


「冇話忙唔忙…開業3年，總有回頭客嘅，新客都唔少，始終西區有d醫生都要退落黎，爸爸就幫老前輩照顧舊病人囉」
 
「妳有冇去幫手呢?」
 
「助護放假果陣我要去幫手架」
 
「妳仍然係咁幫得人手，咁乖女」
 
「咁…以前有個同學教我，幫到人就要幫嘛…」我耷低頭靜靜講
 


「妳指…阿風?」
 
「嗯…」我點一點頭
 
「Miss Lau妳知唔知佢去左邊?我…有d掛住佢」
 
「妳想見佢，妳唔問妳地訓導主任?佢識阿風屋企人」
 
「唔…唔啦…F.1第一日我已經槓上左佢，呢幾年好彩乖乖地，先至冇野俾恐怖雞捉到」
 


「我最後一次見阿風呢…係F.2果年，我有D驚訝佢可以升到班」
 
「Miss Lau妳係邊到見到佢呀?」
 
「唉……北角警署」
 
「警署?」
 
「係…佢入左間Band 3學校，日日同人打哂架咁，佢一個月唔係入醫院驗傷就係入警署，果一次佢搵唔到屋企人保釋佢，所以打返黎學校搵人保釋佢走」
 
「咁妳仲有冇見過佢?」
 
Miss Lau擰擰頭
 
「我只係知道佢差d俾人落charge，不過好似改為警司警誡，有警察長期看住佢，而家好似轉左校」


 
「咁呀…」
 
「雪凝妳仲好鍾意佢呢?」
 
「下….邊係呢…」
 
「妳唔洗呃我啦，我做過妳兩年班主任，妳4年級果時又係我教英文，果時妳已經鍾意左阿風呢?」
 
「其實…係3年級」我耷低頭面紅紅
 
「小學Last day果日呢…我都見到佢對妳做左d咩」
 
「其……其實我地…」
 


「青春期少男少女，好正常者，妳而家都應該有男朋友啦?」
 
「我…冇呀…不過有個男仔追緊我」
 
「如果唔妨礙學業，可以試下嘅」
 
「唔啦Miss Lau……我都唔鍾意人」
 
「定係…妳仲鍾意緊阿風?」
 
我點一點頭「嗯」
 
「妳都真係幾傻女喎」
 
我邊R頭邊講「我個好朋友都係咁講我呢」


 
阿風佢已經轉左校?去左邊呢?就連佢小學嘅朋友都搵佢唔到，莫非佢已經搬離香港島?