賤男 – 成魔之路 【甜酸苦】: 時間管理

「我無事，可能發惡夢。」我話

「我去去廁所先... ...」

我好唔開心，個心好辛苦

我要洗面，清醒下

「呢個世界無人值得你為佢咁傷心」我對住塊鏡講



「move on you nuts」

我無耐就平復返心情返埋位

「你瞓得好嗎?都差唔到喇」我同Daisy 講

「ok ah, 不過膊頭好緊」Daisy話

然後我擰轉佢背脊



幫佢按摩，按咗兩野...

「得唔得」我問

「ngng...唔該」Daisy 好溫柔咁講

終於落機，攞埋行李去酒店check-in

機場好近市中心, 所以好快到酒店



我頭幾日Book咗市中心嘅酒店準備

之後租咗車出去見客

我仲計劃偷雞去Moreton Island, 當然淨係我自己plan

Daisy 以為我地會留同一間酒店留足一星期

「嗱，呢條key係你嘅，7點早餐」我話

「 你間房幾多號？」 佢問

「上到去你咪知囉。」

原來我間房喺佢斜對面



「 我等陣約左呢度嘅朋友食飯，所以你自己搞掂自己 ，記住留返張單claim公數， 聽日再同你傾公司」 我臨入房之前同daisy講

「下。。。哦。。」 Daisy 好失望咁答


入到房之後我即刻whatsapp call 呀Yan

「喂，呀Yan?」

「Henry?」

「 係呀, 你到酒店未呀，攰唔攰呀？ 不如出嚟行下？」

「好吖... 你酒店喺？...」呀Yan 問



「Brisbane 咁細，你whatsapp你酒店地址畀我，我過嚟酒店大堂接你吖」

「okie..」

跟住我就極速沖涼換衫洗頭刷牙

由我酒店 飛的過去佢到，十分鐘都唔使

去到大堂坐喺度，我whatsapp咗佢

跟住我好期待， 喺度想像究竟佢喎著咩衫

通常第一次約會都有一呢種神秘感



我一路撳電話一路等阿yan

「Hi...」呀Yan把聲從後面來

我一擰轉面， 佢著住女神嘅長裙, 噴咗淡淡嘅香水

好有氣質， 配搭好襯我smart casual嘅裝扮

「 wow, you look amazing」我話

「多謝.........e?... 你同事呢？」

「 佢落機話太攰，唔想出嚟喎，不如我哋兩個去飲啲嘢食飯啦」

「okiee...」呀Yan 有啲怕醜




去到附近一間riverside嘅餐廳

我哋講咗好多大家英國讀書時候嘅嘢

阿yan真係好有修養，講嘢好斯文

一路食飯一路傾

成餐飯飲咗一支紅酒一支白酒

我眼神冇離開過佢

我對佢真係好有好感， 我都感覺到佢都開始對我有好感

餐飯食咗兩個鐘

「 好飽, 不如出去行下？」我話

我哋沿住河邊行，諗住行送呀Yan返去酒店

夜晚其實真係幾凍, 我見佢凍到都縮下縮下

我就畀咗件皮褸佢，幫佢摟住

「唔該」 阿Yan面紅紅又好尷尬咁講

「唔使...」

跟住我就搭住佢膊頭 ，行到 一個冇乜人嘅位

我就捉住咗隻手

跟住企喺佢前面

大家互相凝望，真係好有氣氛, 好有 Feel

「 你今晚真係好靚。」我話

佢面紅個樣真係好靚

跟住佢就咁微微笑

我睇準時機

左手攬住佢條腰

右手摸著佢塊面

輕輕錫咗埋去...


佢冇對我好反感，冇推開我

我哋大家互望咗兩秒之後

我就直接同佢法式接吻

我感覺到佢越嚟越熱

佢呼吸越來越急促

心跳越來越快


「 我哋不如返去？」呀Yan 話

「ok」我話



跟住我就十指緊扣咁拖住阿Yan行返酒店

我知道我今晚一定會好滿足 ...