賤男 – 成魔之路 【甜酸苦】: 飛機上嘅艷遇指數

起飛咗好快就有飛機餐送黎

「先生你要雞意粉定牛配薯蓉？」一把溫柔嘅空姐聲

​抬頭一望，原來係呀Yan

「Hi 呀Yan, 意粉吖唔該。」我chok 咗把斯文客氣嘅聲去回答佢

「我都係唔該。」Daisy 又搶答



著住空姐制服嘅佢應該有170cm高

緊身嘅白色上衫包唔住心口對山峰,  粒扭好似會隨時爆開咁

紅色嘅下身裙盡顯佢臀部大而挺嘅優勢

我同自己講，落機前抄唔到佢牌我會後悔一生

無咁誇，但會後悔囉



識得搵最好嘅時機, 先係成功嘅第一步

成日飛嘅我，緊係知空姐幾時最得閒

所以食完收返晒餐之後

我一眼關7

一邊同Daisy睇緊唔知咩戲



一邊留意住呀Yan 同埋有冇煩膠乘客, 要呢樣要果樣

睇準時機我就出擊


「我去攞野飲，你要唔要?」我問Daisy

「唔洗喇唔該。」

我毫不猶疑地衝咗去機後面空姐休息嘅位置

「Hi 呀Yan。」

「係, 先生你要？」



「我想攞杯水, 唔該。」

「叫我 Henry 吖」我努力厚住面皮

「嗱...」呀Yan 遞杯水俾我，我感覺到佢有D尷尬，所以我知我要慢慢來, 但係又好急進

「你去到要留幾耐呀?」我問

「應該一晚，之後又要飛喇....」

「嘩，咁Chur, 你公司好唔夠人用喎。」我話

「辛苦工呀， 哈哈, 你呢？同女朋友去旅行呀？」呀Yan問

「我無咁好彩有佢咁高質嘅女友呀, 我哋過去公幹一星期咋。」我話



「哦，傾生意....」

「有咩生意吖， 傾下同果邊藥廠合作機會咋嗎....」我話

「你係藥劑師？」

「算係啦。」

「我以為藥劑師淨係響醫院到執藥嘅添」呀Yan問

我唔係教人濫用自己嘅專業

係要充分利用自己嘅優勢



佢問咗我好多問題, 所以我知佢開始對我感興趣, 同埋得到佢些微嘅信任


「哈哈，我英國讀書個陣都以為係咁㗎。」我話

​「咦，我都係英國讀書喎...我Bristol架, 你邊間呀？」

「係咩？我Kings 呀, 我都有去過Bristol cabot circus呀, 好好行。」我話

「邊夠London 好行呀。」呀Yan話

一搵到大家共通點，我就唔會放佢走

我好清楚我出黎嘅目的，唔係為咗攞水飲



我知道而家就係出手嘅時機，傾得太耐有機會俾其他嘅野打斷, 咁就麻煩


「不如我哋交換聯絡電話，去到果邊提下有無時間再傾吖。」我話

「er...」佢窒咗窒, 有D面紅，少少尷尬咁

我知道我唔可以步步進逼，要俾D空間佢

所以淨係微笑，同佢對眼嘅交流好緊要

一秒都無離開過

「...ok ... 你攞我香港電話號碼可以Whatsapp 到我。」呀Yan話

「好呀，我其實後日先見客，不如落機請你飲嘢或者食晚飯吖。」我話

「erm....」呀Yan有D猶疑

「我可以叫埋我同事一齊㗎，如果你鍾意熱鬧D，當識多個Friend嗎 。」我話

「okayy...」呀Yan尷尬地微笑


好明顯我係唔會叫埋Daisy去啦，搵佢過橋姐

咁就得咗，足足用咗十五分鐘，總算順利