賤男 – 成魔之路 【甜酸苦】: 和您第一班的 CX250

Sandy 雖然多野講，但佢把聲一D都唔刺耳

中高音啱啱好，講野又唔會好似有D港女咁，捲撚晒脷

我係幾受落

唔會覺得好煩
 
佢中等身材，長頭髮啱啱過膊頭，身高未夠170 cm



長腿熱褲，著黑色converse
 

「去到果邊好凍喎，你條褲會唔會短咗D呀？」我問
 
「我帶咗褸OK㗎喇。」

 
究竟D長腿女係無乜感覺



定真係可以為咗靚

去到幾盡都得
 

上到機Sandy真係主動調位

原本坐我隔離原來係個麻甩佬

仲有陣好濃烈嘅佬味



今程機好彩有Sandy

之後我都讓咗我個窗口位俾佢

因為佢話唔鍾意俾人夾住坐
 
飛開凌晨機嘅留學生一般都會沖咗涼先上機

Sandy 都唔例外

當佢坐咗響我旁邊

我就聞到好清新嘅花香味
 


我好受氣味影響

尤其是揀女友

氣味同埋把聲永遠都重要過, 樣同身材

當然，其實樣樣都緊要啦
  
  
「你好香喎。」我話

「係咪我隻洗頭水呀？」Sandy 尷尬咁聞一聞自己D頭髮
 

就係咁，我同佢打開咗話題



本來我諗住上機就即刻斷片

但係我最後選擇同佢一齊睇戲

都飛咗差唔多6個鐘

機艙又熄晒燈
 
睇咗幾套戲 ,  睇到Mr.&Mrs. Smith
 

「Brad Pitt 真係幾型可？」我問
 



我望一望佢原來已經瞓著咗

可能因為 Dim 咗燈

果刻望住Sandy我覺得佢好靚

吊! 唔係話佢本身樣衰

咁通常瞓咗覺個樣好豬架嗎
 

唔知點解，我好自然想幫佢冚返好張毛毯

當我慢動作咁 由佢大髀位攞起張毛毯



哄埋去諗住冚返好佢膊頭嘅時候

佢就擘大咗眼望住我

我哋雙眼對望咗兩秒

我有D尷尬, 即刻縮返埋自己位
 

「唔該。」Sandy有D怕醜咁講

之後我自己都瞓著