《我用廣東話征服世界》第一季 已完結: 第一百五十一篇 死胡同

「咁你地拖咩手呀！？」傻仔豪打斷了他們的說話，指著他們問。
本來他暗戀著的童童已經被鳩搶走，現在又在勾三搭四，傻仔豪特別看不順眼。
鳩想了想，說：「依到咁大個迷宮，唔拖手蕩失路點算啊？」
傻仔豪愕然，聽他這樣說又好像有道理。
此個時候，洪吉插嘴問起上嚟：「咦，你地有無迷宮出口嘅線索呀？」
傻仔豪也好奇的，看了眼鳩。
「無呀，有就晨早走咗啦～」鳩笑說。
依個時候傻仔豪突然醒起一件事情，他摸摸袋中的任務卡，向鳩禮貌地說：「咁不如我地一齊搵出口呀，我見你地都行咗好耐咁～」
鳩側一側頭，心想，依個傻仔豪平日見到自己一係就當睇唔到，一係就搵機會左右為難，點解宜家會咁突然提出組隊呢⋯？
「唔啦⋯」鳩搖搖手，說：「我同欣婷大佬行得慢，會拖慢你地進度架～」


傻仔豪笑了笑說：「哈哈～之前我係後山傷咗隻腳，宜家又未好返晒都行得慢架～」
鳩一臉黑人問號，傻仔豪居然無嬲佢之前係後山整傷佢隻腳嘅事，講嘢仲咁恭恭敬敬，唔通之前後山嘅事佢已經忘記咗⋯？定係佢已經知錯，唔再打童童主意呢⋯？
「係囉鳩！一齊行啦～」洪吉附和地說，行上前拉著鳩的手。
佢根本唔知道傻仔豪同鳩之前結下過恩怨，只知道多一個人就多一份力找出口。
鳩瞄了眼傻仔豪，又望了眼欣婷想問她意見如何。
誰不知洪吉一下擋住了他們，
「行啦鳩，一齊去搵出口～」洪吉拉住鳩的手走起上嚟，而欣婷呆了呆，見鳩被拉走就不由自主的跟上去了。
傻仔豪拿著言靈道具，內心奸笑了一下。
正好用鳩嚟完成任務！



很快，迷宮裏的人漸漸一個一個出來了，連童童都出咗嚟。
她環顧四週，都不見鳩哥的身影，黑人問號。
「仲有10分鐘～」言靈老師看著時間說。

童童見令狐森在旁邊發呆，便好奇地問：「欸，令狐森，你有無見到鳩呀？」
「鳩？頭先係出口附近見過下，不過佢地走得好快。」令狐森回想起說。
童童側一側頭，又問：「佢同邊個一齊呀？」
「B班一個靚女，仲有洪吉，呀豪。」
「咩話！？傻仔豪？」童童嚇了一跳，不知是不是聽錯。
令狐森點點頭，笑說：「咪就係傻仔豪囉，佢地好似話兩隊合埋一組咁搵路，會快啲搵到出口，哈哈～不過佢地都唔知道迷宮嘅出口，其實就係佢地後面～」




依個時候，出口嘅門又打開咗，傻仔豪同洪吉踏出腳步到達了終點。
傻仔豪看起來心情挺好的，而在他們的後面卻沒有鳩和欣婷的身影。
「嗯？」童童和令狐森對望了一眼，感覺事情有點不對勁。
鳩和欣婷怎麼一回事了？不是和傻仔豪、洪吉同行嗎？怎樣現在不見人影呢？
「考試時間淨底五分鐘～」言靈老師又說道。鳩坐在石地板上無奈地說：「洪吉今次真係夠朋友⋯⋯」
「算啦，都唔關佢事嘅⋯⋯佢都唔知傻仔豪係特登害我地嘅。」欣婷縮起雙腳，靜靜地坐在一旁看著厚厚的石板牆。
鳩嘆了口氣，這次真是無能為力了，居然中了傻仔豪的詭計。

話說剛才鳩他們一行人在迷宮裏找出口，傻仔豪一直帶頭好似知道出口的位置。
鳩和洪吉、欣婷就一起跟在他身後，誰不知他帶路去到一條死胡同，突然向鳩使用言靈道具偷襲。鳩和欣婷被吸在一起，送進死胡同裏。
「做咩呀你！？」洪吉嚇了一跳驚問，只見突如其來鳩根本沒辦法還手。
「嘿嘿～鬼叫我張任務卡係淘汰一隊隊伍咩，咁咪唯有淘汰佢地囉～」傻仔豪奸笑起來，一臉滿足地說，然後便伸手去觸發鑲入在牆上石板的言靈石，一道綠色光閃出，厚厚的石板牆從天而降，漸漸把死胡同封起來。
「喂！好卑鄙呀你！」鳩想郁動身體，但傻仔豪的言靈道具把他吸向牆壁動彈不得。


「哈哈哈～上次單嘢都未同你計呀！」傻仔豪見鳩貼著牆壁無力反抗，總算出了一口惡氣。
很快鳩和欣婷就被傻仔豪關閉在死胡同裏。
「喂～放我出去呀！」欣婷怒罵出去，但傻仔豪卻在狂笑，心情好得很。
「你點可以咁架⋯⋯」洪吉本來想阻止，但又怕傻仔豪會對他下手。
「哈哈～有咩問題呀，任務嚟架～」傻仔豪這次真是戴了殺人放火金腰帶。
完全沒有犯規。
洪吉皺起眉頭，看看牆壁有點內疚。畢竟是他拉著鳩說要組隊，沒想到傻仔豪居然是如此壞心腸。
「走啦洪吉～我地趕著出去架！」傻仔豪大聲吆喝，然後便笑著行起上嚟。
就這樣，鳩和欣婷被困在四面灰石牆裏，呆呆的等候時間過去。