《我用廣東話征服世界》第一季 已完結: 第一百四十三篇 傷痕累累

「嘟⋯嘟⋯嘟⋯嘟⋯」遊躺在病床上，醫生已用言靈使他的傷口癒合更快和在傷口裏做了個手術，遊已經沒有生命危險，只是麻醉藥使他還昏迷。
「我哥宜家點呀？」鳩拖著童童趕到醫院，擔心地問他站在門外的女言靈師。
「你就係遊嘅細佬？醫生話佢好快醒得返架啦，唔洗擔心。」
鳩總算可以鬆一口氣，剛才收到遊重傷入院的消息時驚死了。
「係啦，聽遊講你地係咪就快結婚啦？」他微微笑看了看鳩和童童，這對小情侶看起來才20歲左右，就結婚了。
「嗯⋯⋯」童童臉頰發紅，怕羞得口啞啞的。
鳩拖著童童，也有點怕羞，居然連啊哥嘅同事都知道⋯⋯
「哈哈，好羨慕你地啊～」她把手掌貼到臉蛋上，托住臉說。
鳩望著童童得意地笑了笑。
「嘟嘟嘟嘟～」她的電話響起來。


「死啦，你地入去探遊遊隊長啦，我差唔多要去做嘢啦。」她拍拍鳩的手臂，然後就急急腳走了去。
「遊遊隊長？」原來遊的同事這樣稱呼他，鳩現在才知道。

「唉⋯想嚇死人咩你⋯⋯」鳩站在遊身邊，有驚無險地嘆一口氣。
童童看著他，好奇問：「老公，茉里奈係咪過緊嚟啦？」
鳩睜大眼睛，看了看童童：「唔記得咗同佢講⋯⋯」
童童無奈地反了個白眼，責怪地說：「咪叫咗你囉，快啲打過去啦⋯⋯」
「知啦老婆～」鳩嘴喵喵地說，童童最近越來越長氣。
只有在做愛的時候她才怕羞得安靜下來。



「喂～老師？」鳩聽到有點喘泣聲，鼻涕流埋出來。
「嗚⋯做咩呀？」茉里奈抹去面上的淚珠，強忍著淚說。
「你喊緊啊⋯？」鳩愕然，不知發生何事。
「唔係⋯無事啊我⋯⋯」剛才她知道了，遊出軌對象就是芳敏。
起初的時候，她們還是有點不相信。
直接拿出手機裏的相簿和對話紀錄後，才不得不接受這段三個人的關係

芳敏看到遊同茉里奈嘅親密相，喊到不似人形，原來自己咁蠢，被人呃咗都唔知。
昨晚仲要比遊內射咗幾次⋯⋯
而茉里奈沒有憎恨芳敏，她知道芳敏只是被遊騙了，才會如此傷心。


茉里奈痛恨自己，沒好好留住遊嘅心⋯⋯ 遊先至會搵其他女人。

「真係無事？」鳩呆滯地說，感覺是很大件事。
「嗯⋯⋯無事啊，你講啦，搵我做咩？」茉里奈一邊用紙巾抹面擤鼻涕一邊問。
「啊哥入咗醫院呀⋯⋯」鳩皺起眉頭說。
「吓！？」茉里奈嚇壞了，她還愛著遊的。
「肚中咗一刀，頭先做完手術，醫生話好快就醒得返。」鳩看著啊哥的肚皮說。
茉里奈淚流滿面的，黯然地說：「咁就好啦⋯⋯你要好好睇住佢⋯⋯」
鳩好奇地問：「你唔過嚟睇吓佢咩？」
茉里奈靜了下來，搖搖頭說：「唔啦⋯⋯」然後雙手抖震地關上了電話。

「喂？」鳩愕然，他們怎麼了？
「點呀？老師過緊嚟？」童童好奇地問。
「佢話唔過嚟⋯⋯」鳩一臉黑人問號地說，大概只是情侶嗌交吧⋯⋯「嗯⋯⋯」過了一會兒，遊體內的麻醉藥效漸漸過了。
他睜開眼睛，是白茫茫的天花板。


「醒啦？」鳩坐在床邊，和童童鬥快切蘋果。
「你嚟咗啊。」遊全身都是疲倦乏力的感覺。
「係呀，原先我地有叫埋茉里奈過嚟架，不過佢話唔嚟喎⋯⋯」鳩說。
童童好奇地問：「乜你地嘈交咩？」
「⋯⋯我都唔知。」遊凝望著天花板，他沒有心情想戀愛的事，腦袋裏還是剛才三個言靈師慘死的場面。
鳩側一側頭，好似沒有見過遊如此喪氣的表情。

「叩叩叩。」房門輕輕地敲響了。
遊要鳩扶起來，才能坐在病床上。
「邊個？」遊虛弱地說，腹部的痛楚還未消失，微微動身子也很痛。
「遊～醒咗啦？」是個穿著奇怪的男人，身穿深黑色浴衣，而腳穿白波鞋⋯⋯手上還拿著個電話，一頭白髮帶著口罩的。
遊頹喪地說：「唔洗做嘢咩？」
「做完啦，依個係你細佬？」那個男人客氣地說，然後向著鳩微笑點點頭。

「係呀⋯⋯」遊拎一拎頭，望住鳩說：「佢係靈城主。」


「吓！？」鳩嚇到呆咗，連童童都嚇到口啞啞的看著鳩。
「hello細佬同小妹妹。」靈城主友好的揮手與他們打招呼。
「hello.」鳩拖著童童有點不知所措，原來靈城主是這個樣子，真是人不可貌相。
「係啦遊，樹林嘅你知唔知係咩人嚟？」靈城主開門見山地問，氣氛突然沉重起來。
遊低著頭心情有點低落：「唔知⋯係我中刀嘅時候，佢話自己係接到任務嚟香靈調查一啲事。」
靈城主皺起眉頭，凝重地說：「睇嚟依件事唔係咁簡單，可能關其他國家嘅事。」
「係⋯⋯」遊默默的看著被窩，他很自責讓那個人逃走了。
靈城主搖搖頭嘆息說：「你都唔好咁自責啦，你已經好努力架啦，你知唔知醫生話你遲幾分鐘送嚟，可能就死咗架啦。」
場面一片冷清，鳩和童童顯得有點不知所措，原來剛才遊的處境是那麼危險。
「係呢細佬，你叫咩名呀？」靈城主看著鳩，微笑問。
「上官鳩。」