《我用廣東話征服世界》第一季 已完結: 第一百三十八篇 遊有第三者?

「老師～做咩你今日咁重黑眼圈嘅？」學生們好奇地問茉里奈，由於昨晚她遊等到深夜才睡，所以茉里奈只是睡了一會兒。
「係咩⋯⋯」她強顏歡笑地說，然後就繼續教書，她沒有心情去跟學生駁嘴，只想快點下課回家。

「咁下星期考試就大概係咁啦⋯⋯你地有無咩唔明啊？」她看著同學們，打不起精神來。
「咁啫係除咗筆試，仲會有實戰呀？」剛才從醫院返來的傻仔豪好奇地問，他好像有點不同，沒有再對鳩處處針對，也沒有再騷擾童童，只是努力地學習言靈。
「係呀⋯⋯靈城主同部分言靈師都會係現場睇，所以你地要加油呀。」
「吓，真係架？」
「真係架。」茉里奈肯定地說。

「嘩⋯⋯有啲緊張啦宜家⋯⋯」


「唔知靈城主咩樣嘅呢⋯⋯」
「好似係個靚仔嚟架～」
「乜唔係大叔嚟咩！？」

同學們都開始議論紛紛起來，這件事是第一次聽，而傻仔豪聽到就即刻雙眼發光，雖然他的腳還包著石膏，但依然趕得切在下星期的痊愈。
「咁萬一輸咗咪好柒⋯⋯」有個同學皺起眉頭說。
「喂～」茉里奈指一指他，示意他不要講粗口，然後接著說：「輸咗同贏咗都唔會有人記得嘅，只不過靈城主想睇吓同學嘅實力啫。」
「我知啦⋯⋯一定係想觀察下邊個有潛質成為言靈師⋯⋯」傻仔豪嘴角上揚，微微一笑，似乎這次實戰是志在必得。
而鳩就沒有什麼反應，反正像平常一樣做就可以了。



「鈴～鈴～鈴～」小息鐘響起，同學們都自由活動去廁所。
茉里奈看見鳩準備去廁所，就走上前拍拍他背脊。
「欸？做咩呀？」鳩看她一臉頹廢，好奇地問。
「跟我過嚟啊，我有啲嘢想問你⋯⋯」茉里奈說完就轉身行了。
「吾？」鳩跟上茉里奈，不知所謂何事。

茉里奈帶到鳩一角陰暗處，直接地問：「遊琴晚係咪返咗去你到瞓呀？」
鳩側一側頭，皺起眉說：「無喎⋯⋯佢唔係住喺你到嘅咩？」
「係呀⋯但係琴晚佢放咗工都無返嚟瞓⋯⋯」茉里奈有點困惑，原先以為鳩會知道遊的下落，事關遊一直沒有找她。
「咁奇怪？啊哥唔會咁無交帶架喎⋯⋯」鳩有點愕然。


「唉⋯咁你知唔知佢最近係咪有咩瞞住我呀⋯？」茉里奈頹廢地說，這些事應該直接問他的細佬是最好的。
「瞞住你？」鳩想了想，笑說：「佢份人從來都講大話嘅，可能只係去朋友到瞓無同你講啫。」
「最好係啦⋯⋯咁佢最近有無識其他女仔之類呀？」茉里奈擔心地問，因為遊最近經常都手機不離身，又常常說約了舊同學食飯之類的，她早就懷疑遊是不是有艷遇。
鳩見她這樣可憐的樣子，就安慰說：「除咗同事之外我啊哥應該無其他女仔朋友架啦～你放心啦⋯⋯」
茉里奈聽到他這樣說，她才心定下來一點。
但始終也是有點懷疑。「鳩～放學去唔去睇吓啲言靈道具呀？」洪吉好奇地問，似乎想為下星期的比賽作好準備。
「你唔係有把吹人裙底嘅扇啦咩？」鳩笑說，那些言靈道具其實對實力也沒有很大幫助，而且很貴，所以鳩從來也不用。
「但係我地成班都去喎，一齊啦～」洪吉搭著鳩膊頭說，話晒都係好朋友。
鳩皺了皺眉頭，看坐在一旁的童童。
「嗯？你咪去睇吓囉～我約咗欣欣放學去行街～」童童輕鬆地說，反正她也不會落場。
「係囉～去啦去啦～」洪吉附和地說，他在班上最好的朋友就是鳩了。
鳩其實是不想去的，但看著洪吉一臉期待的樣子就只好點頭答應了。
「扮晒嘢⋯⋯」坐在一旁的傻仔豪喃喃自語說，然後就繼續溫習言靈的考試。
自從上次，他深知道自己的實力不夠才會輸比鳩，只要他能夠變強，就能把失去的都拿回來。君子報仇，十年未晚！



「咁聽日見啦各位。」很快就到放學，茉里奈簡單打個招呼就走了。
她決定要直接去言靈師公會，找遊問個明白，為什麼突然好似想分手一樣。
明明她已經好聽話，什麼也肯做了。
「鳩～過嚟一齊傾吓啦～」洪吉搭著鳩膊頭笑說，班上的同學們都聊著一會兒去哪間言靈道具店看看。

「遊遊隊長，今日心情好似唔錯喎！」
另一方面，遊正在處理一些言靈工作的文件。
「少少啦～」他笑了笑，就繼續工作，昨晚真是回味無窮，想起芳敏揞住小穴難為情地叫他要負責任的畫面，遊就有點性興奮了。
「叩，叩，叩⋯⋯」房門突然響起了。
遊有點疑惑，就走上前開門：「咩事呀？」
只見新來的女言靈師神色慌張地說：「隊⋯隊長⋯⋯出面有個女人話要搵你啊⋯⋯」
「係咩，你做咩好似咁驚嘅？」遊說，經常也會有委托人找他的，沒有什麼出奇。
「佢話係你女朋友喎⋯⋯」
突然全場的言靈師都愕然起來，連其他組的言靈師也嚇了一跳。
遊瞬間成為了全場焦點。



「嘿嘿⋯我出去睇下咩事先⋯⋯」遊尷尬地說，就急急腳走出房門，而其他同事的眼光也很怪異，事因遊是出了名的毒撚，在放假之前，曾有女同事邀請他共進晚餐，遊也會說要工作而拒絕。現在居然無端端多了個女朋友？實在令人難以置信。

言靈師公會分三層，最上層是靈城主派特別委托的地方，閑雜人等不得內進，而最下層是言靈師工作和村民寄委托的地方。
茉里奈就坐在沙發長凳的一旁等待遊出來，她想問清楚遊昨晚到底去了哪裏，還有為何朝早至今的電話居然完全不接。