《我用廣東話征服世界》第一季 已完結: 第一百三十五篇 又有失蹤案?
「媽咪～我返嚟啦～」童童收起鎖匙，她有一段時間沒有見過媽咪了。
「返嚟啦～鳩呢？」童媽臉帶笑容，似乎沒有什麼問題。
「Hi伯母，打搞晒⋯⋯」鳩有點不安，但看到童媽的笑容又沒有剛才那麼緊張。
可能只係想搵我吃個飯啫～無事嘅，鳩心想。
「你地入房坐陣先呀～我煮好飯就叫你地。」她走入廚房裏煮飯，心情好似幾好。
「好呀⋯⋯」鳩拖著童童就走入房，關上門就到床邊坐了下來。
「唔知伯母今日點解搵我食飯呢？」鳩好奇地說，看著童童放下袋子就換起衣服上來。
童童一邊解開上衣的鈕扣一邊說：「有點解嘅咩？你係我老公嚟架喎～」
「咁又係⋯⋯」鳩凝望著童童，看她把上身的恤衫掉到床邊，然後只穿著胸圍在拉開校裙的拉鍊。
「咦～我幫你呀～」鳩淫笑說，沒想到童童穿成這樣也挺吸引。
「洗咩你幫啫～」童童也沒有理會他，慢慢把校裙褪下來，露出可愛的粉紅色內褲。
鳩趁她沒察覺就走上前一手捉了童童到床邊。
「呀～！！！」童童嚇了一跳，尖叫起來，嚇得鳩連忙揞住她的嘴。
「咩事呀童童！？」童媽走出廚房，慌忙地問。
童童怒瞪了鳩一眼，然後撥開他的手，叫出房：「無事呀媽咪～見到有隻 蟲！咋嘛！」她說的蟲就是鳩這個大淫蟲。
鳩搣一搣童童的面珠墩，笑了笑。
「喔～可能我依兩日無打掃囉，你叫鳩捉咗佢啦～」童媽放心地說，便返廚房煮飯。
「嗯～」童童被鳩搣著臉說，她這個樣子可愛得鳩忍不住攬住她錫。
「做乜呀～媽咪係出面呀～」童童微微推開鳩，慌張地說。
「攬下你咋喎～」鳩笑了笑，就放開了童童睡在床上等待飯煮好。
「救⋯救命呀⋯放我走呀⋯⋯」一把慘叫聲傳入鳩的腦海裏。
「嘎⋯！」鳩從床上驚醒過來，不知為何自從在明宴會暈倒後，醒過來就周不時會有這樣的怪夢怪聲，很真實，真實得不像夢。
「咩事啊老公？」童童被他嚇了一跳，看到他一臉汗的。
鳩喘著氣，擠出笑容說：「嘿⋯無事啊～」
「叩！叩！叩！」
「煮好飯啦乖女～～～」童媽敲一敲門打斷了他們的對話。
「嗯～我地出嚟食啦～」童童擔憂的看了鳩一眼，然後拉著鳩的手去飯廳食飯。
另一方面，遊最近有時會感覺渾身提不起勁，不知是不是做愛的次數太多所導致。
雖然茉里奈已被他調教得聽聽話話，但有時還是會有點任性。
他最近也重新返到言靈師公會工作，畢竟他放了很長的假期，再不上班就要被炒魷魚了。
「咁今日都無特別任務～大家可以自己係任務欄上面揀～」遊站在言靈師們面前微笑說，他是個小隊長。上級言靈師。
「係⋯⋯」言靈師們有點不習慣，他們不知為何遊放完一個長假期返來，看起來愛笑過從前。
「咁你地去接任務啦～」遊微笑，然後便行出了小組的房間。
普通言靈師的日常工作除了接委托外，還會被分配到不同小組，來執行靈城主下達的特別任務，而隊長就是與靈城主相談和接收任務的人。
當然不是所有言靈師都是做這些，他們會分成五個級別，最低級的就叫初心言靈師，二級言靈師，一級言靈師，上級言靈師，特級言靈師。
「你話遊遊隊長最近搞咩啊啦？」言靈師們在竊竊私語。
「唔知呢～好似開朗過以前好多喎⋯⋯」
有位女言靈師皺起眉頭說：「唔通佢拍緊拖？」
「唔係掛！？遊遊隊長拍拖！？」
「點會呀，我之前見過佢放工去女僕咖啡店架喎！」
「吓！？咁毒？」言靈師們又偷笑起來。
「你地點解叫佢做遊遊隊長嘅？」一位新來的女同事好奇問。
「你有所不知啦，每次有小組任務佢都好似條魚咁，「啫！」一聲就游咗去。」言靈師們談到哭笑不得。
「吓，咁都做到隊長架！？」新來的女同事感覺不可思議地說。
「係呀，因為佢游返嚟嘅時候，個任務就自己搞掂咗啦⋯⋯」
「哈哈哈～」又是一陣笑聲，言靈師們都很喜歡這個可靠的毒撚隊長。
「吓，乜佢咁勁嘅咩⋯⋯」女同事嚇了一跳。
「勁架！如果唔係點做隊長呀！」
「咁佢最叻係咩言靈呀？」新來的女同事雙眼發光，好奇地問。
「⋯⋯⋯」言靈師們皺起眉頭，都不太清楚。
「話說好似未見過遊遊隊長用言靈⋯⋯」言靈師們都不記遊的戰鬥畫面，好似是從來都沒有看過一樣。「咦，鳩頭先瞓醒呀？」童媽拿起碗，為他們兩個舀湯飲。
「係呀，瞓咗陣囉⋯⋯」鳩擦擦眼睛說，剛才在童童床上不小心入睡了。
「年青人係要瞓多啲覺嘅～」童媽笑了笑，放了碗湯到鳩的桌前。
「唔該伯母～」鳩點點頭，便喝了啖湯。
童媽看了看鳩，雖然一開始知道他搞大了童童的肚很生氣，但現在看感覺也是個值得信任的人。
「跟童童咁叫我媽咪咪得囉～大家一家人呀嘛～」童媽早就接受了這個男孩子做她女兒的老公。
「嗯，媽咪⋯⋯」鳩有點難開口，畢竟他自小就與呀哥相依為命，沒有其他家人。
「係呢，你地結婚之前，不如約埋你屋企人一齊食餐飯呀～」童媽心想，應該也要見見對方的屋企人才成親，這樣是最好的。
鳩側一側頭，不知該怎開口：「都可以啊⋯不過我得呀哥咋喎⋯⋯」
童媽愕然，好奇問：「咁爸爸媽媽呢？」
鳩也不太好意思說：「我都唔知⋯聽呀哥講係我細個嘅時候就死咗啦⋯⋯」
童媽才恍然大悟，說：「嘿⋯我都唔知添⋯⋯咁就咁約你哥哥呀？」
「喔～好呀～」鳩也很久沒有見過遊了，不知他最近在搞什麼。
童童輕輕吹著熱騰騰的湯，喝了口。
「哎吔⋯⋯苦嘅點解⋯⋯」童童皺晒眉頭，單手揞著嘴巴。
童媽看著童童反了個白眼，勞氣地說：「衰女～依個特登煲你飲對BB好架～」
「吾⋯⋯但係你都知我唔飲苦架嘛⋯⋯」童童扁起嘴，難受地說。
「我已經加咗糖架啦，你要飲晒佢呀～」童媽搖搖頭，直接了當。
童童皺起眉頭，摸著肚子可憐地說：「BB呀～媽咪今日要走先一步啦，嗚嗚～」
「咪亂噏廿四啦，當年我生你咪又係咁飲～」童媽皺起眉頭，最怕這些不吉利的說話。
「嘿嘿⋯我飲啦不如⋯⋯」鳩見她們嘈起來，便想做和事佬。
童媽搖搖頭擔心地說：「鳩你唔可以縱壞佢架，遲吓個BB出到嚟瘦擘擘點算好呀⋯⋯」
童童瞄了一眼這碗湯，直是喝不下口。
「唉～」童媽嘆了口氣，始終女兒也是很任性。
「鳩咁你哥哥係返咩工架？」童媽好奇地問，想打聽一下。
「返言靈師囉⋯⋯都幾穩定架～」
「喔！」童媽聽到後就眼睛閃閃的，又追問：「咁你呢？遲吓會唔會同哥哥一齊做言靈師呀？好有前途架喎～」
鳩摸著頭尷尬地說：「嘿嘿⋯仲未諗呀⋯⋯」鳩從來也沒有很大興趣對言靈師。
可能是因為從小到大都看著遊累得像死人般回家的關係。
童媽鼓勵地說：「唔緊要，最緊要唔好俾我個女受苦就可以架啦，你見到佢公主咁唔受得苦架啦～」她指一指童童推開的那碗湯。
「嘿嘿～我會努力嘅～」鳩忍不住掩嘴偷笑，童媽的形容挺好笑。
「喂呀～～～」童童又扁起嘴，生氣得拿起碗湯喝了一大口。
「咕嚕⋯咕嚕⋯⋯嗯⋯⋯⋯」她眼淚也就要湧出來，滿口也是苦澀味。
「咪飲咗囉！咩唔受得苦喎！」她倔強地說。
童媽笑了笑，感覺很開心，女兒長大了，快要做媽媽了。
「好啦～咁下次你地再嚟食飯啦⋯⋯」童媽打開門送他們兩個出去。
童童走之前有點依依不捨，攬了攬童媽。
「媽～我下次再返嚟啦！」童童說。
「得啦～你快啲返到沖涼瞓覺啦～」童媽微笑說。
她也很放心把女兒嫁給鳩。
「拜拜～」
「拜拜～」
就這樣，鳩就拖著童童回家走。
不過童媽是不知道鳩還有三個女朋友一起住的。
「嘟～嘟～嘟～」
「喂細佬？做咩呀？」遊接起電話，坐在言靈師公會的大堂長凳上。
「無～童童呀媽話想係我同童童結婚之前見下你喎～」鳩笑說。
遊皺起眉頭，飲了啖汽水：「得呀，不過你結婚啦咩？」
鳩想了想說：「差唔多啦，都儲咗少少錢⋯⋯」
「哈～雞碎咁多～」遊搖搖頭說：「我都有啲擔心童童，仲有你班女朋友～」
「你同我定啦～」鳩自信地說，然後好奇問：「咁你呢，最近都唔打電話嚟嘅？」
遊嘆了口氣，累得很說：「最近放完假啦～宜家日日接任務做到命都無咁滯，所以咪無同我個好細佬傾下計囉～」
「咦，遊遊隊長同緊邊個傾電話呀？」女言靈師躲在遠住看著。
「唔通係女朋友！？」
鳩好奇地問：「最近好多任務咩？」
「係呀～」遊又飲了淡汽水，說：「唔知咩事，最近好多失蹤案，啲警衛都無晒呼，所以就要言靈師幫手囉～」
鳩皺起眉頭，說：「失蹤案？又有呀～」
「都唔知點解成日會有失蹤案～懷疑可能係關嗰個明宴會嘅事～」遊嘆了口氣說。鳩有點心虛，吞了啖口水，笑說：「乜你查緊嗰個明宴會咩？」
應不應該跟啊哥說自己也加入了明宴會的事好呢⋯⋯但現在明宴會四分五裂，同埋不是所有明宴會的成員都是壞人來，也有不少是好人⋯⋯
「係呀～你之前都被佢地捉過一次，我同靈城主講完佢都嚇咗一跳～」遊搖搖頭說：「不過我地始終都係無乜線索加上依個地下組織好神秘，所以都唔敢肯定失蹤案同明宴會有關。」
「原來係咁⋯⋯」鳩心諗，首領最近好像什麼殺人委托也接，好似是想收集更多舌頭，失蹤案也許也是首領為了收集舌頭搞出來的。
不過現在鳩已經很少返到明宴會，雖然黑杰的事搞掂好，但始終明宴會也是應該要換首領，在天叔未有新的計劃前，鳩只是當個平凡同學就算了。
「咁遲啲再傾啦細佬，我做嘢先啦～」遊飲埋最後一啖汽水，便站起來去掉垃圾。
「嗯～好啦，記得覆我邊日得閒喎！」鳩說，他要約童媽去飲茶。
「得啦～結婚嘛～～」遊笑了笑，便收了線。
「結婚！？」躲在一邊的一男一女言靈師嚇了一跳，說：「唔通隊長放假嘅時候識咗個女朋友？」
「唔係嘛⋯乜佢唔係中意女僕咖啡嘅咩⋯⋯」男的有點崩潰，沒想到連遊也是有女朋友的。
「欸，你地係到做咩呀？」遊路過看到他們躲在一邊，竊竊私語。
「隊長！你係咪有女朋友要結婚啦？」女的言靈師鼓起勇氣的問。
遊皺了皺眉頭，疑惑說：「無啊⋯你地偷聽我傾電話呀？」
「唔小心聽到⋯不過隊長！你啱啱明明話咩結婚架喎⋯⋯」男的言靈師葡萄地說。
遊側一側，甜笑地說：「嘿～我細佬嚟架～佢差唔多要結婚咋～」
「原來係咁⋯⋯」他們才恍然大悟。
遊又好奇問：「係啦，啲任務報告寫好未呀？」
「嗯，寫好咗。今日我地組總共做咗七個任務，三個B級，三個C級，一個A級。」他看著手中的記事簿說。
「唔錯喎～」遊點點頭微笑說：「咁你地叫大家放工先啦～我仲有少少嘢做～」
「好啦，咁我地走先啦。」他們才鬆了一口氣，便返去執嘢放工。
而此時，言靈師公會的大門外，站著一個穿白色長摺裙的女人，她的裙邊沾了點貓毛。
她五官清純化了淡妝，是很天然的那種感覺，大部分男性行過也會控制不住望她一眼。
「遊仲未放工嘅？」她呆呆的看著手錶，靜心等候著。