《我用廣東話征服世界》第一季 已完結: 第一百一十一篇 穎喬

「嚟～熱奶茶～」
「爸～」
「依到唔該～」侍應把熱奶茶放到枱上。

天叔拿著匙羹攪拌奶茶，說：「鳩～你最近同禮行點呀？有無嘈交呀？」
「吓？你同禮行姐姐拍緊拖架？」穎喬愕然，說。
百厭星同學皺起了眉頭，邊個係禮行⋯？咁童童呢？
「係呀⋯最近都幾好⋯⋯不過⋯⋯」鳩有點難言之隱，不太敢說。
天叔瞄了他眼，嚴肅地問：「不過咩？」飲了啖奶茶。
他當禮行是半邊女，要是鳩敢對她不好！馬上踢他出明宴會。


鳩難為情的細細聲說：「不過我搞大咗佢個肚⋯⋯⋯」
噴！！！天叔嚇到奶茶都噴埋出嚟，驚愕的看著鳩。
「你⋯你⋯⋯」天叔的心情五味雜陳，腦裏一片空白。

百厭星同學驚訝得張大雙眼，一頭霧水⋯⋯吓！？鳩要做爸爸？嗰個禮行係媽媽？咁童童咪係第三者？他流了兩滴冷汗，心中非常佩服這位食女英雄。
「嘿～所以就係咁啦⋯⋯」鳩笑說，然後飲了啖凍檸水。
「咁你同禮行姐幾時結婚呀！？」呀喬驚訝地問，她小時候就經常禮行一起玩，當禮行是家姐一樣。
鳩咬著飲筒想了想，說：「我都唔知呀⋯⋯生之前掛⋯⋯」
「唔得！」天叔拍枱大聲說：「即刻結婚！」
他很激動地說：「女仔唔可以結婚前就有架！？你即刻同禮行結婚！」


呀喬尷尬的望了望天叔：「爸⋯⋯宜家唔同以前架啦⋯⋯」
鳩尷尬地笑一笑，說：「盡快結婚架啦⋯⋯」
「咁就好啦⋯⋯」天叔望住枱上的水杯，想著從前禮行的事，眼濕濕起來。
沒想到禮行才22歲就要結婚了⋯⋯
鳩安慰他說：「放心啦天叔⋯⋯我會對禮行好好架⋯⋯」
「吾⋯⋯」天叔說不出什麼話來，怕會哭出來。

而百厭星同學看一看天叔，又看一看他女兒穎喬。
白滑～可愛～純情學生妹～個波都可以揸上手～
他心諗：「我要搞大埋你旁一個女先得！嘿嘿嘿～」想著想著就不知不覺勃起了。



他們食完飯就各自返去，天叔說要自己一個行下，冷靜一下。
「咁我都返屋企啦。」鳩揮揮手同百厭星和喬說，然後就走了。
只淨低百厭星和穎喬喺餐廳門口～

穎喬望一望他，真係奇怪⋯⋯
「走啦我！」她轉身就走了。
「等等！」令狐森鼓起勇氣地說：「你幾號電話呀！？」
穎喬瞄了他一眼，好奇問：「我做咩要俾你呀？」
「⋯⋯⋯⋯」他呆了呆，然後理直氣壯地說：「因為⋯我想要囉！」
穎喬皺起眉頭，嫌棄地說：「唉好啦～俾你啦⋯⋯」
令狐森心裡高興得跳起來，但咬住嘴唇忍笑。
嘿嘿嘿～睇嚟我就快可以破處啦！