《我用廣東話征服世界》第一季 已完結: 第一百零七篇 百厭星同學

百厭星同學坐到傻仔豪身旁，一臉黑人問號。
「嘩⋯咩事呀你⋯⋯全身啲骨都斷晒喎⋯⋯」百厭星同學連忙攞樽水出嚟淋在傻仔豪身上，打算弄醒他。
誰不知他依然昏迷不醒。
「哎呀～咁點算好呢～」百厭星同學從褲袋攞了包煙出嚟，點著就抽起來。
「呼～～～」
「頭先跟我走咪好囉～」他擔住口煙，又係褲袋攞了本急救小冊子和電話出來。

「喂～言靈師公會呀～」
「係，有咩到你？」
「我個同學暈咗係後山呀～你可摸以叫啲人上嚟送佢去醫院呀？」


言靈師好奇問：「你嘅位置喺邊度？佢點解暈嘅？」
「吓！？我鬼知呀～」百厭星同學反了個白眼，說：「總之你地派人嚟啦～～～」
然後就cut了線。
「咁係邊先得架？喂～喂～？」言靈師公會的人也一頭霧水⋯⋯

百厭星同學咬住支煙，周圍行下。
滿地都是野豬的腳印，還有血淋淋的野豬屍體。
噁心得他想嘔⋯⋯
「嘔～邊個咁好劍法呀～～～」
他行到傻仔豪身後的草叢又望下。


發現了一把片手劍掛在樹支上。
「依把咪係⋯⋯⋯」他連忙彈走手上的煙頭，拿起把片手劍來研究：「係雞仔牌嘅片手劍！？好輕喎～」
他把片手劍上的血跡洗乾淨就揮舞起來，輕巧好用。
「哈哈～太好彩啦我～～～」他很滿意，就掛起身上。

他望望時間，差不多夠鐘要返去言靈師公會了。
「呀豪～咁我走先啦！你要乖乖地等人嚟救你喎！」百厭星同學從呀豪褲袋拿了條鎖匙和銀包，然後放低了水和一本急救手冊就跑走了。
他來找呀豪是因為他發現自己屋企鎖匙和銀包都留在了呀豪身上先返轉頭搵佢。 「傷口已經處理好啦，只要冰敷下好快就可以消腫架啦～」醫生笑說。
「唔該晒你呀醫生～」童童鬆一口氣，就出了診所。



鳩和欣婷在門外等了一會兒，鳩見童童頭的血沖洗乾淨了便放心了。
「鳩～醫生話冰敷下就無事啦～」童童拖著鳩的手，說。
「緊張死我囉～～～」鳩和童童、欣婷她們一邊傾計一邊行。

「你話傻仔豪依家點呀啦？」欣婷好奇問。
「哈哈～連你都識叫佢做傻仔豪啦？！」鳩忍不住笑了。
「咦⋯諗起佢都打冷震⋯好似條鼻涕蟲⋯⋯」童童板起面說，在童童的腦海中，傻仔豪就好似鼻涕蟲一樣，黐住人唔放又噁心。
「哈哈哈哈～笑死我啦～」鳩和欣婷不約而同大笑起來。
很快他們就返到言靈師公會了。


「係咪所有人都返晒嚟啦～」茉里奈攞著點名紙，準備為同學們點名。
「Miss～呀豪唔見咗啊⋯⋯」如花同學擔心地說。
「咦，係喎，你地邊個同呀豪一組架？」茉里奈好奇問。鳩他們三個你眼望我眼，很猶豫應不應該說呀豪的惡行出來。
「我呀我呀！」百厭星同學舉起手，彈了出來說：「傻仔豪佢呢，頭先已經不幸死咗啦～」


「吓！？」茉里奈嚇得汗也流出來，學生死咗對老師嚟講好大件事⋯⋯加上連C級任務都會搞出人命⋯⋯？
鳩都驚訝得不知說什麼，明明走嘅時侯佢仲嗌緊痛，沒理由突然會死架喎⋯同埋啲野豬果時都走晒啦⋯⋯
百厭星同學見到茉里奈個樣就笑了出來，說：「哈哈～講笑咋～我叫咗人送佢去醫院架啦～」
「呼～」茉里奈才鬆一口氣，馬上追問：「佢去咗邊間醫院呀？到底點解會入咗醫院嘅？」
百厭星同學想了想說：「其實我都唔知喎～可能係俾啲野豬撞暈咗掛～」
「喔～只係咁咋話～」茉里奈摸著胸口，安心了。茉里奈抖順條氣後，突然變臉了，皺起眉頭好奇地問：「話說點解你會有陣煙味嘅？」她最憎人食煙了。
「吓！？係咩！？」百厭星同學扮出一個驚訝的樣子，亂噏說：「呀豪囉！噴到我成身煙味！」
「喔？原來係咁呀⋯⋯」茉里奈信以為真：「咁我等佢好返一定要罰下佢先得！」

鳩聽得一臉黑人問號，但看到百厭星同學腰間掛住了他的片手劍就明了。
喔～原來係佢救返傻仔豪嘅～