《我用廣東話征服世界》第一季 已完結: 第一百零三篇 言靈師

欣婷難為情地縮埋一邊，說：「咦，童童呢？」
「唔知喎⋯⋯」鳩左望右望，諗住叫童童過埋嚟三個一齊坐。
咁啱見到傻仔豪坐喺前面拉住童童說：「喂～坐依到呀童童～」
鳩嚇了一跳，可惡！又掂童童隻手！
「唔啦⋯我同鳩坐啊⋯⋯」童童撥開佢隻手就急急腳走到鳩身邊。
即刻攬住鳩隻手唔放，仲成個奶壓住鳩手臂。
傻仔豪就坐喺前面睇得清清楚楚，嬲到握緊拳頭手都震埋。

「咦，呀豪，我可唔可以坐你隔離呀？」一個四眼肥妹女同學好奇地問。
「唔可以呀！死開啦！」呀豪嬲嬲豬大聲吆喝個女同學，然後就帶上耳機聽歌。


茉里奈企係車頭見到嚇咗一跳，依個呀豪居然會咁無禮貌，平時好乖架喎⋯⋯
「如花同學～你無位坐過嚟同老師坐啦～」茉里奈甜笑招招手說，同學們都坐好司機就開車了。
而呀豪就自己一個坐，時不時偷望童童同鳩。

過了一會兒，童童就攬住鳩隻手瞓著咗，琴晚瞓得唔好，所以特別攰。
鳩望住童童瞓到淰晒，會心一笑，拖緊她的手。
又望望欣婷，她在玩手機。
「喂，你有無帶言靈道具呀？」鳩拍拍欣婷好奇地問。
「有啊！」欣婷從裙袋攞咗個小口琴出嚟，銀色的手工很精緻，上面還有海藍色的言靈石。
鳩眼都大埋：「幾靚喎，有咩用架？」他拿上手看看。


欣婷想了想，說：「吹囉⋯⋯」
「車～鬼唔知咩⋯⋯」鳩反個白眼就俾返欣婷。
「知你又問～」欣婷笑了笑，收返好個口琴入裙子。「咁多位同學仔，歡迎你地嚟參觀言靈師公會呀！」短髮白淨靚女言靈師姐姐說。

「言靈師姐姐～我好想做你同事呀～」幾個百厭的男同學興奮大叫起來。
「你有無男朋友架～」
「你好得意呀～」

茉里奈站在一旁心有不滿，可惡！成班友仔啊，見到我都無咁口花！
「呀～你地唔好嘈啦～等人地講完先至傾計啦～」茉里奈勉力一笑，說。



「嘿嘿～係囉，大家安靜啲先，我地今日嘅體驗活動先岩岩開始⋯⋯」
言靈師姐姐拎起幾張紙說：「咁言靈師嘅工作平時主要就係守護香靈依個地方啦～」
「而我地所有言靈師裡面，最有實力嘅人就會擔當靈城主嘅位置。意思啫係有能力守護整個城市嘅人啦！」
一個同學熱血沸騰起來：「我一定要做到靈城主啊，到時就可以溝晒啲靚女！！！」
言靈師姐姐反了個白眼就繼續說：「咁一般來講呢，由言靈師去到靈城主呢，係要經歷好多難關嘅！」
「首先要係通過言靈師考核啦，成功就做到初心言靈師～」
「原來係咁～～～」傻仔豪點點頭說，似乎對言靈師依份職業滿懷熱誠。

鳩企係一邊一直聽都聽到有啲悶，想快啲完去陪童童買床。
「咦，係喎，你地有無屋企人係言靈師嚟架？」靚女姐姐又問。
當場一片安靜下來，同學們都你眼望我眼，唔知喎⋯⋯
茉里奈見場面咁尷尬就笑說：「有啊～依個同學呀哥係言靈師嚟架～」她指一指鳩。
傻仔豪聽到嚇咗一跳，唔會係咁掛⋯佢呀哥係言靈師！？
鳩RR頭說：「係啊⋯⋯有咩問題？」


靚女姐姐淺笑說：「無呀～我好奇問下咋！你叫咩名呀？」
「上官鳩⋯⋯」
靚女言靈師姐姐愕然眨一眨眼睛，說：「我都有個同事姓上官喎～不過佢最近唔知咩事成日唔返工～」
鳩望一望茉里奈，茉里奈流了兩滴冷汗⋯⋯應該說的就是每日被困在家中當肉棒工具的上官遊了。

「好啦，咁宜家做完一個關於言靈師嘅小簡介，就正式開始今日嘅體驗活動啦。」 「好啦，咁宜家做完一個關於言靈師嘅小簡介，就正式開始今日嘅體驗活動啦。」


言靈師姐姐輕撥頭髮說：「咁言靈師嘅任務係有分兩種，一種係有人委托嘅任務，例如討伐任務，做保鑣之類。另一種就係緊急任務，例如查殺人案，有人被人打劫之類。」
言靈師姐姐淺笑說：「一般嚟講委托任務就係自己喺任務欄到揀嚟做嘅～越難嘅就越多錢㗎！」

其他同學聽到個錢字就興奮起嚟：「幾多錢架？」「做言靈師係咪好好搵架！？」
「一定搵好多啦～～～」同學仔們議論紛紛。
嚇到言靈師姐姐尷尬起來，說：「嘿⋯如果你努力返工嘅話，初心言靈師一個月都可以有兩萬蚊架！」
同學們聽到就失晒望，搖搖頭說：「咁少⋯⋯」


「咁你呢？你宜家有幾多呀？」洪吉興奮地問，他想插依位言靈師。
「秘密秘密～」言靈師姐姐以笑帶過，然後就行到一塊貼滿通告的大木板前。

「你地過嚟啊，依塊板就係掌握住所有言靈師人工嘅任務欄啦～」她指向板上說：「咁一間會俾你地試下揀一啲容易嘅任務嚟做，不通我想你地分咗組先，兩至三個人一組。」

童童馬上攬住鳩的手臂，細細聲說：「老公～我同你一組～」
「嗯！」鳩甜笑，輕拍童童的手。
傻仔豪企係前面嚇了一跳，而且心痛得很，因為他居然聽到童童叫鳩做老公！
明明⋯⋯我都唔差⋯⋯點解你咁對我喎⋯⋯豪的眼睛越來越濕，他深深吸一口保持住冷靜。
他不能情緒失控的。

言靈師姐姐又突然記起啲嘢，說：「係啦！記得你地嘅組要有人有言靈道具喎，否則就太危險啦～」
因為有好多任務嘅對手都未必可以用廣東話言靈對付，所以只少要有一件言靈道具去保護自身嘅安全～