《我用廣東話征服世界》第一季 已完結: 第九十九篇 飲返杯酒

鳩帶點疑惑，行到門前打開門。
「嗚嗚⋯⋯嗚嗚⋯⋯」一開門就聽到有把悽慘的哭聲。
嚇得鳩心驚肉跳，一個滿臉眼淚的女孩子站在門外。
「細⋯細冰？」鳩嚇呆了，她拖著行李箱在門外慘哭。
「嗚嗚⋯⋯鳩求下你呀⋯⋯」她的淚珠，一滴一滴流出來。
「做⋯做咩呀你⋯快啲入嚟先啦⋯⋯」鳩嚇得鼻哥窿都冇肉，即刻幫細冰攞行李入來。
「鳩⋯求下你俾我喺你屋企住一日啊⋯⋯嗚嗚⋯⋯」她哭著說，令鳩愕然。
「痴線，緊係得啦⋯⋯你係我女朋友嚟喎⋯⋯」鳩拖她的手，拉她進屋。
細冰繼續喊說：「乜⋯你係當我女朋友咩？」她一直以為鳩是跟她一夜情之類的。
雖然他們兩在這幾天也有傳訊息，但鳩也沒有怎樣理她⋯⋯


細冰還以為鳩只是玩她的感情⋯⋯
「點會唔係呀⋯⋯」鳩嚇了一跳。
細冰輕輕打他的胸脯，哭著說：「咁我依兩日都有搵你⋯⋯你點解都hea 覆喎⋯⋯」
鳩摸著她的頭，尷尬說：「嘿嘿⋯我唔識打字嘛⋯⋯」
細冰在他懷裏，呆了呆，微微抬頭驚訝的望著他。「你⋯講真架？」
「呃你做咩啫～」他甜笑，拍拍她的頭。
鳩覺得打字很難又很浪費時間，所以覆得少字是鳩的習慣。
「我⋯我仲以為你⋯⋯唔想理我⋯⋯」細冰的臉貼到他胸懷，鳩的衣服印去她的眼淚。
「傻嘅～」鳩拍一拍她背，好奇問：「做咩帶埋行李過嚟嘅？」鳩一問，細冰又哭起上嚟。
「嗚嗚⋯⋯我無交租一個月⋯⋯」她難堪地說：「包租婆就趕咗我走啦⋯嗚嗚⋯⋯嗚嗚⋯⋯」


「我無人又物差啲要瞓街⋯⋯所以我咪諗住求下你俾我喺你屋企瞓一晚咁多囉⋯⋯嗚嗚⋯⋯」細冰喊到鼻涕都流埋出嚟，貼在鳩身上。
鳩聽完不知好哭還是好笑，溫柔地說：「傻妹，你想住幾耐都得架～」鳩抱著細冰帶她入屋企裡坐。童童見到細冰就急急腳走過去關心一下發生咩事。禮行側一側頭，細細聲問林海欣：「依個女仔⋯邊個嚟架？」
「細冰囉，孤兒嚟⋯鳩之前呃人上嚟搞咗人⋯⋯」林海欣嘆了口氣：「不過後來個細冰原諒咗佢囉⋯⋯」
「吓！？咁大件事我都唔知嘅！？」禮行有點生氣，但又唔知應唔應該發脾氣⋯⋯
林海欣拍拍禮行的手說：「不如我地今晚去酒吧飲嘢呀～」
禮行愕然：「吓？」想了想後說：「都好，我都唔想對住鳩個衰人！」
「嘿嘿～」林海欣竊笑，她很久沒有去過玩，晚晚都留係屋企，悶得發癲。
「問唔問埋嗰個欣婷呀？」林海欣指一指廁所說。
禮行側一側頭：「試下囉⋯不過佢應該都好攰啦⋯⋯」
林海欣偷笑著說：「嗯～不過唔好叫童童啦，佢大肚婆要早睡早起～」


禮行揞住嘴笑：「好彩我地唔係啫～」

「啪～」依個時候欣婷沖完涼出嚟，她拉一拉衣服，胸部的位置有點緊⋯
但褲就很合適，終於下面唔洗好似冇掩雞籠咁。
「欣婷～啲衫啱唔啱著呀？」童童甜笑說。
欣婷也不好意思說不，她笑說：「啱，仲好靚喎⋯⋯」
突然她見又多了個女仔愕然了一下，但算了。都唔關我事⋯
她的上衣是件啡色的松鼠卡通背心仔，褲是普通的黑色短褲。
而底褲⋯⋯也是童童的，是間接與鳩的巨龍接觸。

「喂～欣婷～」林海欣偷偷招手，細細聲叫她。
「嗯？」欣婷行到她們那裏。
「去唔去酒吧玩呀？淨係我地三個人～」林海欣好奇問一下。
「酒⋯酒吧？」欣婷想了想說：「但係我無錢喎⋯⋯」
「我地有啊～」林海欣咬著下唇偷笑。


欣婷都想不到為什麼要拒絕就點點頭，說：「咁我吹完頭就行啦？」
「嗯，不過唔好同佢地講喔⋯⋯秘密～」她笑說。「鳩，我同欣欣送欣婷返屋企。」禮行冷淡地說，看看鳩有沒有緊張她。
鳩站在門口，看了看她們三個。
「咁⋯你地小心啲呀⋯⋯有咩事就打電話俾我啦！」鳩皺一皺眉，然後又微微笑。
「嗯⋯⋯」欣婷有點尷尬⋯⋯不知用什麼心態去面對鳩。
而禮行沒有說什麼，低著頭就出了門口。
在關門的一刻，鳩總感覺禮行怪怪的⋯⋯她怎麼了？

童童側一側頭，氣氛好似有啲奇怪⋯⋯
原因係細冰⋯？女人的直覺。
童童R一R頭，也搞不清楚是怎樣，但應該要鳩氹返禮行先。
「細冰～我地兩個瞓啦今晚⋯⋯」童童細細聲說，不讓鳩聽到。
細冰呆呆的：「好⋯啊。」

她們四個不約而同的疏離開鳩，鳩都不明白是什麼原因。



「鳩真係好賤呀！！！」禮行坐在酒吧裏飲咗一大啖啤酒。
「嗯！？」欣婷嚇了一跳。
「唉～算啦，啲男人個個都差唔多架啦⋯⋯」林海欣安慰她說。
「我真係好憎佢咩都唔同我講呀！次次都係咁！」禮行說著說著，說到想喊咁滯。
「每次都我最後先知！做乜要瞞我喎！？」
「嘿⋯可能係唔知點同你講啫⋯⋯」欣婷為難地說。
「去死啦佢！」禮行生氣的打了下枱面。
禮行飲了很多酒，她們三個邊說邊飲，傾了不少心事。

「係呢，欣婷你有無男朋友架？」林海欣好奇問。
欣婷想了想，突然醒起：「係喎！我未同男朋友報平安啊！」
禮行醉醉地：「唔好！啲男人好衰架！」
林海欣拿起酒杯「哼」到欣婷的杯，笑說：「一間直接走上佢屋企啦！」
「哈哈～都好喎！俾個驚喜佢先！」欣婷咬著下唇笑了笑。