《我用廣東話征服世界》第一季 已完結: 第九十一篇 死MK仔

「細文？你咁樣係咩意思呀？」原來綁架了欣婷的那個狡猾男人叫細文。
「無～我地想送依個女仔俾黑杰哥，希望你會俾我地加入你長老嘅隊伍。」細文略帶淺笑地說，婷欣口裡被塞上毛巾手被反綁的跪在黑杰的面前，身體害怕得不受控地抖震。
「依個女仔？」黑杰從下而上打量著害怕得震顫的欣婷，心裡淫淫一笑。
「唔錯嘅～的確係。不過佢好似好驚咁嘅？」黑杰好奇問，然後行上前看清楚欣婷的臉蛋。
細文即刻拍馬屁的說：「條女仲未知黑杰哥嘅為人有幾好啫！等一間黑杰哥調教調教下佢，保證馬上聽聽話話！」
「係咩～？」黑杰笑了笑，說：「咁我就要好好調教下佢先得啦～」他抬起欣婷的下巴，惡心地舔她臉頰上的汗珠，一下又一下把欣婷嚇得眼淚不斷流。
「咁⋯請問我地可唔可以加入黑杰哥嘅長老隊伍呢？」細文合起雙掌笑咪咪地問像小狗討好主人一樣討好黑杰。
「得啦，你地等我通知啦～」黑杰撥撥手，打發他們三人離開。
「係嘅黑杰哥！多謝黑杰哥！」細文三人識辨就急急腳走人，費事打擾黑杰調教欣婷這個不能反抗的女生。




鳩和草城偷偷潛入明宴會，四圍尋找照片中四條mk仔的蹤影。
「喂鳩⋯咁搵法有排都搵唔到啦⋯⋯」他們在後樓梯一層層走上去。
「咁⋯⋯」鳩想了想，然後攞起電話問天叔。
「喂天叔～我頭先send咗張相俾你嘅！」鳩心急地問。
「嗯⋯啱啱睇到⋯⋯」天叔似乎心情有點未平復。
「佢地係咩人嚟架？」鳩心急地問。
「⋯⋯⋯佢地四個都係早你幾個月加入明宴會嘅，真係估唔到明宴會居然會收咗依啲垃圾⋯⋯」天叔遺憾地說。
「咁四條友佢地會係邊到！？」
天叔想了想說：「據我所知佢地經常會係7樓後樓梯吸大麻，你去睇下見唔見佢地，救咗你朋友之後佢地嘅生死就由你決定啦⋯⋯」


「好，唔講住⋯⋯」鳩收了線就帶著草城一支箭般衝上七樓。

細文帶著其他兩個人說：「喂～終於搞掂單嘢啦！」
「哈哈哈～係囉，去唔去後樓梯隊返支先呀文哥？」
「係囉～咁開心～」
細文搖搖頭說：「仲有高佬都未嚟～」
「係喎⋯佢去咗邊鬼到呀？」
「佢頭先話肚痛遲啲嚟嘛～你打電話俾佢問下佢係邊⋯」

「嘟嘟嘟嘟～～～」垃圾堆裏傳來一部電話的響聲。


無人接聽。

「無人聽喎文哥⋯⋯」
「吓？咁⋯⋯」細文考慮緊等唔等埋。「唔等啦～佢一間會自己嚟搵我地架啦～」細文伸手入褲袋拿了包大麻出來。
「gogogo！點返支嘢先～」另一個金毛仔帶頭行去後樓梯。

他們三個坐在後樓梯把手上支大麻傳來傳去，整第七樓的後樓梯都煙霧彌漫。
「咳咳咳！」「大佬，今次依隻嘢掂喎！咳咳！」金毛仔咳到肺都甩，然後飲了啖水。
「咳咳！好撚stone呀！」「噴！」金毛仔無端端噴水嚇窒咗。
「哈哈～你搞乜呀！？」細文笑說，他留意不到他身後站了兩個人。
「大佬⋯你睇吓後面⋯！」金毛仔嚇到彈起身。
「咩啊⋯？」細文一臉疑惑，擰轉頭一看。
「嚓！」鳩手起刀落，一刀刺破他的頸動脈。
「噴！」鮮血噴到金毛仔成身都係，細文還未清楚發生咩事就失去意識。
「呀！！！咩料呀！？」金毛仔嚇到失平衡向後仆，碌了落樓梯。


另一個男人驚恐地看著這兩個面具男，正想跳起身逃脫。
但衣領被人一手捉住，完全走唔甩。
「啊！啊！救命呀⋯」他失控瘋嗌救命，「砰！」一個勾拳打落佢後腦⋯
然後被單手扯起了他整個人，連續兩三個重拳往他鼻梁打下去。
鼻血流到他成個身都係。
面具人舉起他出力向梯級下丟，「啪！」頭部先落地，頸椎傳來清脆的骨折聲，醫返都晒藥費。
金毛仔驚到眼都大埋，馬上用言靈攻擊面具人。
「食蕉啦你！死開呀！！！」他用盡全力嗌出來。
其中一個面具人隨即倒地不起，但另一個似乎無效⋯還拿著小刀一步一步的行近他。

「呀！！！唔好行過嚟呀！」金毛仔剛才碌落樓梯時弄傷了腳，動也動不了加上大麻的藥效很強，令他很迷糊。
面具人行到他身前，扯著他的頭髮問：「個女仔你地捉咗去邊！？」
金毛仔嚇得滿頭大汗，鋒利的刀尖指著他的肚皮，似要劃破他腸胃。
「我唔知啊！九樓啊！！！長老E房啊！唔好殺我求下你⋯嗚嗚嗚⋯⋯」金毛仔驚青得喊出來，身體不斷抖動。
「係街裸跑三千米！！」金毛仔瞬間被吸入夢境暈了過去。



「呼～～～」面具人鬆了口氣，脫下面具。
「喂！草城！醒下啦～」鳩出力拍打他手臂，但毫無反應⋯⋯似乎剛才金毛仔全部的精神力都用到草城身上。
至少一兩個鐘頭先會醒⋯
「⋯」鳩見草城動也不動，就慌失失地扶起他。
「死啦⋯宜家趕住救你條女架嘛⋯⋯」鳩有點不知所措，突然靈機一觸。
「有辦法！」
鳩拿拿林扶草城跑到去五樓，然後將草城放係禮行間房留下一張紙條。