《我用廣東話征服世界》第一季 已完結: 八十九篇 危機

「鳩，依邊呀！」草城站在便利店門外搖著手叫鳩。
「點呀？有無欣婷嘅消息呀？」鳩擔心地問。
草城嘆了口氣，搖搖頭：「我都想有⋯⋯」
他想了想突然靈機一動好奇問：「鳩，你之前咪話你係做類似忍者嗰啲嘅，你可唔可以搵人幫手查吓架？」
鳩皺起眉頭⋯忍者？明宴會啊嘛，直接帶佢去問下天叔啦，話晒天叔都要見佢又識咁多人。
「可以啊，你跟我嚟啦！」鳩帶著草城去找天叔。

另一方面，欣婷在鐵籠裏掙扎，她嘗試出力拉扯鐵籠。
但鐵籠依舊是牢不可破。
「放咗我呀快啲！」欣婷大嗌救命，隨後房門就打開了。


又是那個狡猾的男人，這次他還帶了兩個人來。
「唔洗嗌啦～無人會嚟救你架～」他笑說。
「搬佢上車啦～」他揮一揮手，兩個男人就行去把她的籠子抬起身。
「喂！唔好呀！」欣婷踢著鐵籠搖晃身體，不過沒有用。
他們兩個男人太大力了，欣婷嘅體重根本就微不足道。
她被搬上琴晚架七人車嘅車尾，不斷嗌救命，但好似無人聽到她的求救。


「點呀～我地三個食咩好呀？」林海欣側著頭問禮行童童。
「茶餐廳？」禮行說。


「好呀好呀！」童童聽到就心動，佢好耐無食過嗯茶餐廳嘅早餐。
沙嗲牛肉通心粉，加個牛油餐包太陽蛋，真係茶餐廳先有嘅美食。
「咁行啦～」林海欣帶頭出發，「救命呀～」她聽到遠處傳來輕輕的一聲。
「咦⋯你地聽唔聽到啲咩呀？」林海欣問。
「咩聽到啲咩呀⋯⋯？」童童黑人問號，什麼都聽不到。
「無聲啊⋯⋯」禮行r一r頭，說：「係咪你聽錯咋～行啦，好肚餓啦～」禮行笑了笑就拖住林海欣的手就繼續行了。「救命呀～～～～」離遠又傳出一聲，這次更為響亮！
「喂聽唔聽到呀⋯？」林海欣這次很肯定是有人在嗌救命⋯⋯
「係有把女仔聲⋯」禮行神色凝重，看著林海欣。
「咁點好呀？過唔過去睇下呀？」童童驚青得按著心口問。
「行啦，童童跟實啲我地。」林海欣先行過去，偷睇下發生咩事。


她們三個鑽到入一條後巷，眼見巷子的深處停泊了一輛七人車。
「係咪嗰架車傳嚟架啲聲⋯」林海欣瞄著那輛車。
「但係好似唔見有女仔喎⋯⋯」禮行輕微側著頭看。
「有呀⋯」童童驚愕地拍她們手臂，慌張地說：「你地睇下車尾係咪有個人郁嚟郁去呀⋯？」
「係⋯！真係有個女仔⋯⋯」林海欣發現到一個長頭髮的女孩坐在車尾搖晃身體，似乎被繩索綁住咗。
童童看不清楚那個女仔的面貌，只知道這應該是一場綁架之類的事。
「係咪要記底個車牌架！？」童童拿著手機問，然後照著輸入。
禮行同林海欣正想著該如何處理，突然背後傳來一把陌生的男人聲。
「三位靚女，你地係到做咩呀？」他身高比她們至少高兩三個頭，完全遮蓋照進巷子的光線。
童童看著他嚇得拿著手機的手震顫得停不下來，她勉力一笑說：「哈哈⋯無⋯路過咋嘛我地⋯⋯⋯」「想點呀你！？」禮行怒盯著那個高佬，擋在童童前面。
「嘿～」高佬冷笑一聲，折斷了一根鐵水管，然後舉起它向前扑落去。
快得連禮行來不及反應，她撐起手踭打算擋下來。
童童靈光一觸，馬上用言靈保護禮行。
「手放す！」
高佬的手頓時使不出力，手上的鐵水管掉了落地上。


這是童童新學的言靈，幫了禮行個忙。
禮行馬上執起鐵水管，用鐵水管尖銳的一角刺進高佬的腰間。
「唰！」高佬動也不動，血紅的鮮血從他的肚子裏通過水管流出來。
他表情愕然，沒想到禮行手法純熟得可怕。
林海欣笑了笑說：「抵死啦你！死高佬！」
高佬按著水管後退了數步⋯啊⋯啊⋯⋯
他倒下了，整個人攤了落地上。

童童第一次見到殺人的畫面腳都震埋：「佢死咗啦⋯⋯？」
禮行撥一撥頭髮，點點頭說：「應該差唔多啦⋯⋯」
「咁⋯點算好呀⋯⋯」童童驚青地問。
「喂！」林海欣突然拍拍她們，說：「架車要開啦⋯！」
那架黑色七人車向她們的方向慢慢倒退。
「快啲收走條屍先⋯」
禮行把那條屍體拖拉到垃圾堆裡，然後她們躲在一旁觀察那輛七人車。


那輛車越駛越近，童童看著那車尾的女仔，愕然。
「喂⋯嗰個女仔係我同學嚟架喎⋯⋯」童童驚訝地說。
「⋯⋯！？」林海欣想了想說：「咁我地⋯⋯」話口未完，那輛七人車突然加速駛進馬路。
「喂，走啦架車⋯！」童童焦急起來，想衝上前截停它。
「唔好追啊童童，你頭先係咪抄低咗車牌啊？」禮行冷靜說。
「嗯⋯」