《我用廣東話征服世界》第一季 已完結: 第八十篇 送花

天亮了，鳩從被窩裏漸漸醒過來。
他轉一轉身，繼續瞓。昨晚他到深夜才能入睡，所以今日瞓到有啲晏。
過了一會兒，鳩突然驚醒。
「咦！？禮行呢⋯？」
昨晚偷聽禮行電話嘅時候，佢話今日約咗人出街⋯⋯

「嘟嘟嘟嘟～」鳩在廁所刷牙洗面突然電話響起，是童童。
「喂～老婆？」
「係邊呀⋯？仲唔返屋企？」童童悶得很，屋企裏都無人，今日又是放假。
「返返返⋯宜家返嚟啦老婆⋯⋯」


「快啲啦～好悶⋯⋯」童童有點掛住鳩。
「咦，佢地呢？」鳩好奇問，穿起鞋衝去買啲嘢。
「唔知啊，去晒街囉⋯⋯」
「噢⋯咁不如我地一間去拍拖啊？」 鳩好耐無同童童去拍拖啦，想拖住童童周圍去。
「吓？」童童想了想：「一間先算啦～」然後就Cut了線。

鳩去到花店買了摘花，又去了養生店買了碗靚湯。
然後就坐車趕返屋企搵老婆。

「叮噹～」鳩氣喘著按下門鈴。


「老婆，我返嚟啦！」
「返嚟啦咩⋯」童童洩氣地打開門。
一陣花香撲鼻而來，鳩拿著花笑說：「送俾你呀！」
童童愕然⋯然後閉笑。
「做咩無端端送花俾我啊？」
鳩臉紅紅說：「咁⋯你係我老婆嘛⋯⋯⋯唔送俾你送俾邊個喎⋯⋯」
童童接起花笑說：「收皮啦你⋯咁多其他女人！」
「唔係啵～我最錫係你囉！」鳩攬住她的小蠻腰，錫了她一啖。
自從童童有了鳩的小朋友，就一直很擔心其他女人會搶走他。
但現在童童可以放鬆下來，因為鳩的心裡是有她的。 「買咗碗湯你飲啊～」鳩在廚房抬了碗湯到枱上。


「嗯？咩湯呀？」童童坐到飯枱前，好奇問。
「哈哈～唔記得個名，不過佢話依個啱大肚婆飲架～」
童童疑惑地看著碗湯，湯色黑得似墨汁一樣，暖暖的還有冒煙。
鳩期待嘅眼神望住童童：「快啲趁熱飲啦老婆！」
童童拿起碗湯輕聞了一下，好像是苦的，但應該可以接受掛。童童最怕苦了，如果是甜的就最好。
她飲了小小啖入口「咳⋯咳⋯」
童童皺晒眉頭伸條脷出嚟散苦：「嗯⋯好難飲呀！」
鳩愕然：「吓？唔會掛⋯⋯」
「老公⋯你試吓⋯⋯」童童痛苦地將碗湯推到鳩面前。
鳩瞄了碗一眼，勉力一笑，然後大啖的喝了一口。
「轟！！！」一道狂雷劈落鳩條脷上！再慢慢擴散開去苦澀整個口腔⋯⋯
「噴！好苦啊⋯！」鳩伸條脷出嚟，塊面都拿埋一舊。

童童笑了：「嘿嘿嘿嘿～邊個買嘅就邊個飲！快啲飲晒佢！」
「吓⋯⋯」鳩搖一搖頭：「唔啊！一人一半！」


「好啊！咁你先啊～」童童嘴角揚起狡猾地說。
「係咪架⋯⋯你唔好呃我喎～」鳩攞起碗苦湯，
「係啊～快啲啦～」
鳩猶豫咗陣，鼓起勇氣，咕嚕～咕嚕～連續飲咗兩大啖
感覺距離死亡很接近⋯⋯濃濃的苦澀又甘，是生不如死的酷刑。
他想放低湯碗時，突然一隻手伸過嚟㩒住湯碗。
「快啲飲晒佢！」童童笑得起勁，迫鳩飲埋佢嗰份。
「嗯⋯！」救命呀！鳩心諗，但有口難說⋯
整碗湯被灌進鳩的口裏。
「哈哈哈～～～」童童看著鳩傻笑起來：「彩你都傻，一啖都唔會飲呀！」
可惡！鳩含住口苦湯看著她傻笑，心情又苦又甜。
鳩行到童童旁邊按住她強吻過去，
「喂！死開呀你！」童童擰晒頭又踢想掙扎「嗯⋯⋯」
鳩錫了她，貼住她的嘴唇，童童心諗仆街啦⋯他的湯都未吞下⋯⋯
想俾返我飲呀！？唔要呀！！！童童閉上眼睛害怕得不敢動。


「咕嚕！」
「咦⋯⋯！？」童童愕然。
鳩放開童童笑說：「我飲晒啦白痴～」
童童呆了一呆，然後突然攬住鳩甜笑著。
「嘿嘿～愛你～～」