《我用廣東話征服世界》第一季 已完結: 第七十七篇 禮行你居然。。。

「咦，你地識架？」草城見鳩同欣婷站在一起，就好奇地問欣婷。
「嗯～佢係我隔離班同學嚟架～」欣婷歡喜地拍一拍鳩膊頭說。
「嘿嘿⋯係呀⋯⋯」鳩尷笑一笑：「係呢⋯你地一間去邊呀？」
草城拖起欣婷隻手，想了想說：「我屋企掛～」
鳩面色一沉，睇嚟今晚欣婷對腳要服侍其他男人⋯
「噢⋯咁好啦，咁下次返工嘅時候搵你啦⋯⋯」鳩說。
「哈哈～好啊～」草城淺笑，然後就拖住欣婷返屋企。
「拜拜～」欣婷甜笑地對著鳩說再見，鳩微笑揮揮手就走了。
算啦～反正我都有老婆⋯唔好再搞其他女人啦⋯⋯鳩心諗。
童童已經很容忍鳩三番四次嘅出軌，所以鳩決定都要對童童好啲。



鳩返到去找天叔，他的車窗開著，一個個煙圈輕飄飄地遊出車外，應該是天叔在抽煙。
「搞掂啦我⋯⋯」鳩說。
「呼～佢加入？」
「嗯。」
「咁就好啦～」天叔臉露笑容：「上車啦，去邊啊車埋你啦～」
鳩黑人問號：「吓？咁就無架啦？？？」
「無咩啊？」天叔瞧向鳩，唔明佢講咩。
「啫係今日完架啦？」鳩難以置信，明明汗都無出過一滴。
「完架啦～以後我直接交任務俾你，你就帶住嗰個草城一齊去啦～」天叔放心地說。


睇嚟天叔係故意搵一啲新面孔加入。
「哦⋯好啦⋯⋯」鳩R一R頭：「咁平時同禮行嘅任務呢？」
天叔摸著下巴淺笑說：「禮行近排都無做野～等搞掂首領件事先算啦～」
「係喎～」鳩點點頭，然後就坐上車。
「去邊呀？」「唉～好攰呀～～～」禮行淘氣地說，剛沖完涼的她包著浴衣攤在床上滑手機。
「嘟嘟！」她電話響起，禮行開心得馬上接聽。

「喂～禮行～」這個人不是鳩，是其他人。

「做咩咁夜仲未瞓覺呀？」禮行臉帶甜笑。



「掛住你嘛～今朝送俾你嘅曲奇食晒未啊？」

禮行彈起身去手袋裏攞出一袋曲奇：「哎呀⋯我放咗係手袋，碎晒啦～」

「噢！？咁唔緊要啦⋯我下次再整其他你食啊！」

禮行淺笑說：「真係嘅？多謝你先～咁我地幾時再出街呀？」

「不如就聽日？我得閒喎！」

「好啊就咁話啦～你知唔知我啱啱沖完涼發現呢，我好似肥咗少少啊⋯！點算好啊？」禮行不安地說。

「唔係掛～我今日睇落都無咩唔同啊⋯⋯」



禮行摸一摸肚皮：「你有無睇真架～真係肥咗呢～」

「今日睇咗你光脫脫好多次啦～真係無肥到呢～」

禮行暗暗歡喜來：「哈哈，真係？」

「嗯～啊，我唔傾住啦，聽日再講啊～」

「哦，拜拜～」禮行關上電話，期待著明天的約會。而此時鳩剛好就站在門外，手拿著鮮花，驚愕得呆若木雞。
「⋯⋯⋯乜鬼嘢事啊⋯⋯邊個嚟架⋯⋯⋯約禮行去街？送曲奇？約出街？睇禮行光脫脫好多次⋯⋯？」鳩眼都大埋，心如刀割。邊⋯邊個嚟架⋯？禮行係咪⋯係咪派咗頂綠帽⋯俾我？可能係誤會嚟啫⋯但係⋯如果係真⋯⋯
鳩越諗個心越痛，連抖氣都要用很大力，雙手不自覺地震顫。原來童童之前知道我出軌嘅感受係咁架⋯鳩想起自己老婆，突然好想返屋企攬住童童瞓覺，好掛住深愛自己嘅童童，想逃避自己可能帶了綠帽嘅事實。正當鳩想擰轉頭返屋企嘅時候。
「咔嚓！」禮行打開了房門，正好見到鳩站在門口手拿鮮花。
「嘩！你嚇死人咩？做咩攞住花企係門口唔入嚟呀？」禮行好奇地問鳩，面帶一點狡猾的表情。
鳩強顏歡笑：「我⋯我諗住俾個驚喜你啊嘛⋯⋯」
「衰人，入嚟啦！」禮行拉著鳩的手，帶入房。


鳩呆呆地站在床邊，表情僵硬，沉默。
「做咩啊你今日⋯？你平時唔係好嘈嘅咩？」禮行感覺到鳩今日有點奇怪。
鳩甩一甩頭：「無⋯無啊。係呢⋯你今日好似好開心咁嘅？」
微微問一下吧，可能只是誤會⋯⋯
「嘿嘿～」禮行撥一撥頭髮，古惑地說：「都幾開心架！」
「點解開心嘅？」鳩緊張地追問，到底係綠帽定誤會嚟⋯不！只能夠係誤會⋯⋯
禮行舉起一隻手指，左搖右擺，再輕力點一點鳩的鼻子，甜笑說：「唔話你知！你心思思～」
鳩頓時一頭霧水：「講嚟聽吓啦！我好想知呀⋯」
禮行好奇鳩嘅反應，但這件事是不應該跟鳩講，禮行若無其事地說：「無喎～咩事都無喎～」然後就跳上床瞓覺。
鳩越想越心煩，點解唔同得我講⋯係咪真係⋯出咗咩事⋯⋯
「嚟啦～放低摘花，陪我瞓覺啊～」禮行邀請鳩一同瞓覺覺豬，今晚她好想被鳩攬住入睡。