《我用廣東話征服世界》第一季 已完結: 第七十篇 球賽

佢地去到球場就見到杰少同其他五個隊友熱緊身。
「喂，遊！終於嚟啦咩！」杰少見到遊興奮地迎接。
「杰少！」遊高興得很笑說。
鳩幫啊哥攞住個袋就去到觀眾席，睇佢地踢波。

佢地熱咗陣身，球證就掛住隻哨子行入球場。
「咇咇！」「兩隊球員上場！」
鳩拍手大嗌著：「啊哥！加油！」
遊舉起姆指微笑，然後頭也不回跑到中場位置。



鳩坐係觀眾席欣賞住球賽，今日除咗鳩之外其實無乜觀眾。
大概二十至三十人，其中有啲係啊叔行過坐低睇吓，又有啲係對面隊啲女fans。
「咇！」哨子聲響起，對面隊先攻。
鳩看得入迷，連眼都唔眨。
「咦？上官鳩？」有個老頭拍一拍鳩微笑說。
鳩望一望乜水，原來係天叔。
「啊伯？你又係到嘅？」鳩感到意外問。
「哈哈哈～唔好睇我一把年紀啊！我都鍾意睇人踢波架～」天叔歡喜笑說。
「砰！」對面隊一個射門「啪！」中柱。
「哈哈～抵死～」鳩見到佢中柱就幸災樂禍。


天叔好奇問：「乜你唔中意嗰隊波咩？」
鳩想了想：「唔係啊～不過我要幫我啊哥打氣先得！」
天叔：「原來你有啊哥架～」
「係啊，嗱，依家控緊波嗰個咪我啊哥囉。」鳩指一指球場。
「砰！」遊一個長傳，將個波傳到右邊場嘅杰少。
「上啊！」鳩興奮大嗌，杰少右腳一控，就帶波衝上前。
天叔笑了一笑：「依球傳得幾靚喎！」
「入埋仲靚呀～」鳩緊張地說，依個時候對面兩個球員左右夾落杰少到。
杰少假動作一扭，輕鬆過咗一個，但可惜被第二個球員伸腳偷走咗個波。
「哎呀！」鳩洩氣，天叔摸一摸下巴問：「鳩啊⋯你今年幾歲啊？」


鳩：「19囉，做咩啊？」
天叔認真想了想：「19歲⋯有無興趣以後幫我係明宴會做事？」
鳩愕然：「啫係做你手下啊？唔得～我入嚟係殺壞人嘅～」
天叔掙開眼睛瞄了吓鳩：「但係我出好高人工架喎～～～」
鳩聽到錢即刻變臉：「幾多先⋯？做乜要搵我啊？」
「每個月最少三萬蚊～」天叔笑臉相迎說：「至於點解要搵你，純粹覺得同你有緣啫。」
「咩話！？最少三萬！？咁最多呢？」鳩興奮起來。
天叔又摸摸下巴：「咁就睇你表現啦～」
鳩想都無想就馬上接受：「好！咁今日開始，下個月準時俾錢我喎！不過講明先，我唔做壞事。」
天叔拍一拍鳩大髀，然後就企了起身：「放心，咁我走先啦。」
鳩好奇：「咁快走？唔睇埋先啊？」
天叔輕輕一笑：「有嘢做啊～」然後就離開了。「上啊！」鳩繼續係場外大嗌，其他睇緊波嘅人都留意到佢嘈生晒。
「喂～你嘈完未啫～」對面隊其中一個女fans怒盯住鳩。
鳩嚇咗一跳：「乜嘢啊？睇波係嘈架⋯你唔想嘈去睇歌劇啦⋯⋯」
條女聽到即刻怒火攻心：「你講咩話！？你知唔知我條仔邊個啊？」


鳩反了個白眼，瞄一眼班女，成班都似18，9歲嘅MK妹，有幾個仲食緊煙。
「你條仔邊個關我撚事呀⋯⋯？」鳩感覺莫名奇妙。
班女Mk瞪住鳩係到圍屌「講乜撚啊！」「死𡃁仔！」「傻閪！」
鳩皺起眉頭，乜料啊⋯⋯
「咇咇！」「中場休息！」
依個時候兩隊啲球員都返入場休息，一行人返到嚟見到火藥味好重。
其中一個金毛球員走去問MK妹：「咩事啊BB？」睇嚟佢就係佢條仔⋯⋯
「佢啊！鬧我啊！」MK妹指住鳩嬌嗲說。
金毛仔臉色一變：「你做乜鬧我條女啊！？想搞事啊！？」
其他球員都附和起來：「𡃁仔！金哥條女你都得罪？想死啊？」
鳩R一R頭都唔知自己做錯乜，遊就即刻做和事佬。
「誤會嚟啫應該，無謂計較啦⋯⋯」
「𡃁仔，下次小心你把口啊！」金哥行上前拍一拍鳩個頭。
鳩即刻著咗用力拍開佢隻手：「屌你老母！你邊撚位啊！？敢搞鳩我個頭？」
球場上面嘅人當場呆左，緊張嘅氣氛湧上每個人嘅心頭。



金哥黑起臉上嚟，一手就扯起鳩。
遊見狀就推開金哥：「喂！你想點啊？想係言靈師面前郁手？」
金哥嬲到飛起，但聽到言靈師又有啲卻步唔敢亂嚟。
「嗱⋯一係咁⋯依件事係佢地開嘅，就佢地傾點做好無？」遊正氣地說。
「好！就咁話囉！」金哥無可奈何說：「細冰，你想點做解決啊？」
MK妹唔順超啤住鳩一行人：「同我跪係到講聲對唔住，之後圍住球場裸跑咁咪算囉！」
鳩：「你都on撚鳩嘅，一係咁你地除晒衫俾我地搞咁咪算囉！」
「黐孖筋，無可能！」MK妹又情緒失控。
「咁邊個贏波邊個話事囉！」金哥狡猾地笑說。
鳩：「就咁話，願賭服輸！」
「哈哈～咁你地準備定裸跑都得啦！」MK妹自信滿滿：「我男朋友未輸過波架！」
「睇吓點～」鳩喵嘴，然後瞧下班MK妹，個個都有返啲水平。
鳩心諗：「細冰吖嘛，一間要你跪喺到含撚講對唔住！」金哥飲了兩口水，然後就鬼鬼祟祟去咗廁所。
「喂細佬⋯你唔驚我地會輸波架？」遊擔心問。


鳩淺笑：「佢都未驚！我驚乜？」
遊瞄一瞄細冰說：「但係個金哥有信心到連條女都賭埋喎⋯⋯」
鳩想了想：「又係喎⋯⋯可能我係咁人面前落咗佢臉，條氣唔順掛⋯⋯」
過咗一會兒，金哥又返嚟飲水。
「咇⋯⋯」「Er⋯⋯中場休息完畢。」球證唔知邊到彈出嚟。

遊拍一拍手笑說：「大家下半場落力啲，如果唔係我細佬要裸跑架！」
經過上半場雙方零比零嘅互相試探，遊都大概知對方嘅實力，並諗好對策。

鳩坐喺一邊，一啲壓力都無，反而細冰緊張得揸住張紙巾大嗌：「金哥！唔好輸啊！」
鳩蔑視一笑：「正一蠢材！我係條仔就算贏硬都唔會為面子拎條女去賭啦～」
細冰睥咗鳩一眼：「你收皮啦！等睇我條仔贏啦！」然後專注返球場。
鳩反了個白眼：「超～」

「遊！空晒！」杰少企係右邊大嗌，一眨眼遊就一個致命直線傳上俾杰少。


鳩驚喜不斷，以杰少嘅球技一定入到依波，「上啊！」鳩彈起身大嗌。
「咇咇！」球證突然吹雞：「越位！」
鳩當場呆左，破口大罵：「喂！你盲架！？邊到越位啊？」
杰少更是愕然：「What？越位？」
球證閉起雙眼扮聽唔到。
細冰一臉黑人問號：「喂白痴仔！乜嘢係越位啊！？」
鳩都費事理佢：「你自己查字典啦～」
場內嘅金哥笑笑口行去推開杰少：「行開啦你！我地開啊！」

鳩心知不妙，金哥同球證九成係夾埋嘅⋯黑哨⋯
唔怪之得頭先咁有信心，又話無輸過波啦⋯⋯
原來收賣咗球證。鳩恍然大悟，球證可能已經被收賣，但又不太肯定。
就觀察多幾球先下定律。
「咇！」球證吹雞，金哥帶波就向前衝。
杰少站在一邊，防止他傳球同時防守。
金哥突然衝前用手踭撞開杰少，爆上前。
雖然撞唔傷杰少，但好明顯是犯規。
「咁都唔吹呀？黑哨？」鳩鬧起來。
場上嘅球員都開始察覺到依個球證有啲問題。

金哥無理會繼續帶波衝上前，佢其他隊友都衝入大禁區等金哥傳波。
「砰！」金哥傳到他隊友上，由他負責射門。
遊見狀立即阻止，「砰！」遊起腳擋下了依球。
「咇！」球證又吹起哨：「Er⋯⋯12號踢人隻腳，黃牌⋯加個罰球⋯」
遊愕然：「無喎球證⋯⋯我擋波咋⋯⋯」
球證吹多下雞：「好⋯你地可以排人牆⋯」
遊踢咁耐波都未見過咁無理嘅人。
杰少洩氣地拍一拍遊膊頭：「算啦遊⋯黑哨嚟架⋯」

鳩想了想再咁落去真係要裸跑架喎⋯⋯好彩今日有噴言靈香水啫⋯金哥啲手下準備射罰球，遊一行建起人牆想擋。
「咇！」球證吹雞示意可以射波。
條友助跑兩步就起腳「砰！」一陣風吹過遊耳邊。
依球正好穿過人牆直飛龍門，細冰與一眾MK妹大嗌起來。
鳩即刻用言靈：「唔入啊！」個波馬上聽話飛向柱到「鏗！」清脆。
鳩笑得不似人形，因為佢知道自己一定贏梗。

「咇咇⋯！」「六⋯⋯六比零⋯⋯⋯⋯忍波七人眾贏⋯⋯⋯」球證口震震地說。
細冰抱著頭嚇得驚慌失措，掙大眼睛望住地下一句說話都講唔出。
金哥嚇到口都大埋，完全唔明白點解自己會輸。
杰少更是一臉懵，明明頭先係想傳波點知變咗入波⋯⋯
鳩笑得高興：「喂！你地輸咗喎！」
細冰望一望身邊啲姊妹花：「家姐⋯啊妹⋯⋯」
點知依啲所謂啲契家姐契妹，頭先一早見勢色唔對偷偷地走鬼晒。
細冰坐係到腳都震埋⋯⋯
鳩恥笑說：「喂！輸咗係咪要同我搞嘢啊？？？我唔帶套架喎～」
遊拍一拍鳩細細聲說：「喂⋯人地話晒女仔⋯你見好就收啦。」
鳩點點頭：「得啦⋯⋯」
細冰嚇得攬住金哥哭說：「BB⋯⋯救我啊⋯⋯」
金哥一手推開細冰：「咪煩啦！搞到我跌咗幾千蚊俾個球證呀你。」
說完就丟下細冰一個，攞起袋同其他兄弟去更衣室沖涼。
「兄弟！今晚約齊人落club 識新女！」金哥頭也不回。

鳩笑咗出嚟：「哈哈哈～喂，頭先唔係好串嘅咩！？」
細冰突然被身邊信任嘅人同一時間背叛，一時之間反應唔切坐係一邊呆望住地下。
「細佬⋯我同佢地去食飯喎，你點啊？」遊問。
鳩點點頭：「喔，你地去啊，我要同依個細冰搞埋嘢先！」
遊淺笑一聲就攞起袋走人。