《我用廣東話征服世界》第一季 已完結: 第六十八篇 茉里奈是臭女人
遊攬住茉里奈係床到瞓緊覺，今日係佢咁耐以嚟最開心嘅一日。
一諗到聽日可以同一班舊同學上球場再領風騷，就忍唔笑咗一笑。
「BB～你笑咩啊？」茉里奈好奇問。
「無啊～快啲瞓啦～」遊輕撫一下她就入睡了。
茉里奈躺在床上掙著眼睛，無打算要瞓覺。
「呼～呼～呼～」而遊很快就瞓得豬一樣。
茉里奈拍一拍他手背，確認遊已經瞓著咗就開始行動。
茉里奈微微郁動身體，鑽出被窩。
把枕頭放到遊手上，讓遊以為她還在被窩。
然後就去搵遊部手機，茉里奈記得遊去瞓覺之前去了轉廁所。
所以入廁所找他的手機。
茉里奈去到廁所打開晒啲櫃都唔見有手機，想了想覺得好奇怪。
她又打開馬桶蓋睇吓，依然都係無喎⋯⋯
唔通遊唔係收埋係廁所？茉里奈煩惱起來，突然想起遊去過廚房飲水。
想必一定是收埋係廚房。
茉里奈關上廁所燈就去廚房睇吓，誰不知打開門遊就站在廁所門口。
嚇到茉里奈跳起：「啊！」
「做咩咁驚啊BB⋯⋯我去廁所咋喎⋯⋯」遊感覺奇怪地問。
茉里奈冷靜下來說：「無⋯⋯頭先聽到啲奇怪聲以為有鬼⋯⋯」
遊點點她的頭：「傻豬嚟嘅～我仲以為你搵緊我部手機𠻹～」
茉里奈毛骨悚然勉力一笑：「哈⋯傻啦⋯我聽晒你話架嘛⋯⋯」
然後又返到床上扮睡覺，遊好快就返嚟攬住茉里奈入睡。
茉里奈睡了一會兒突然驚醒，係時候再出發啦。
她又鑽出被窩，慢慢爬出房間。
遊瞓到成隻豬咁，對茉里奈毫無戒心。
茉里奈爬到廚房就打開晒啲櫃嚟睇，咩都無⋯得啲啤酒、零食、公仔面。
事實上遊每天係屋企已經熟悉晒有咩位夠隱蔽。
茉里奈想了想，到底廚房仲有邊到未搵呢⋯⋯
突然有個白色的櫃引起茉里奈的注意，唔通⋯係雪櫃？
茉里奈嘗試打開雪櫃一望，有菜有水果有飲料⋯就係無手機。
茉里奈掃開啲水果睇真啲，喔⋯⋯真係無⋯⋯得袋米係到⋯⋯
茉里奈失望咁閂返雪櫃，但感覺有種違和感⋯⋯
她想了想，發現包米她無見過係雪櫃嘅⋯⋯平時只有佢會煮飯⋯從來都唔會放米入雪櫃。
茉里奈靈機一觸即刻攞袋米出嚟，果然遊部手機就係入面。
茉里奈高興地喃喃自語：「嘻嘻～你都算醒目仔啦～」
她打開遊部手機，馬上就輸入密碼。
就係自己生日日期，手機就係咁開咗。
「哈哈～算你啦～無改密碼～」茉里奈得戚起來。
然後按入影片，睇到入面有勁多偷拍茉里奈嘅相。
而最變態嘅就係頭先影住茉里奈被插著屁眼在鐵盤上哭著小便的那條。
茉里奈見到臉都紅埋，即刻Del咗佢。
然後開心地把手機放回原位，返房瞓覺。太陽升起，遊迷迷糊糊地醒過來，只見茉里奈壓住他的手在瞓覺。
「BB⋯⋯醒啦⋯⋯」遊有啲急尿。
「嗯⋯⋯⋯」茉里奈還在熟睡，瞓得很舒服。
遊推一推茉里奈手都痹晒，然後就去廁所屙個尿。
「BB～你係咪一間返工啊～」遊好奇問。
「嗯⋯⋯」茉里奈微微醒過來又瞓。
遊趁茉里奈還睡著，就去攞返部手機。
「嘻嘻～睇多次條片先～」遊驚喜地打開手機，然後大嚇一驚。吓！？
遊即刻搖醒茉里奈：「BB，我條片呢⋯⋯」
茉里奈掙開眼睛笑說：「嘿嘿～Del咗啦～～～」
遊一臉無言，受了太大打擊，抱著頭坐喺床邊。
茉里奈伸了個懶腰就坐起身笑說：「你本來係咪想要脅我去踢波啊？」
然後拍一拍遊膊頭得戚說：「哈哈～係唔得嘅～」
遊沉默了，只是坐喺床邊凝望著地板。
茉里奈搣一搣遊面豬登：「記得幫我洗埋啲衫佢啊～」
茉里奈笑一笑就去換衫返工。
而遊被踐踏得毫無尊嚴，像一張癈紙般躺在床。
遊一直頹廢咗成個鐘，連茉里奈都出咗門口返工。
而佢嘅衫褲一直都搵唔到，到底茉里奈係咪已經丟咗都唔知。
無底褲⋯連錢都無⋯根本不能出街。
「嘟嘟嘟嘟⋯⋯」
「喂⋯⋯」遊接起電話。
「喂上遊！一點鐘球場等！不見不散！」杰少熱情一聲。
「我可能⋯⋯」
「嘟————」遊都未講完，杰少就收咗線。
佢真係唔想放好兄弟飛機。
遊頹廢咁坐喺到望住窗，不知不覺回想起以前嘅回憶。
唉⋯對唔住啦⋯⋯
突然有一隻雀仔飛到窗前停了下來，望住遊。
遊感覺有啲奇怪。
「喂⋯你望乜撚嘢啊？」
「吱吱。」
「你笑我啊⋯⋯？」
「吱吱。」雀仔戳了窗一下。
遊就打開窗睇吓佢想做乜。
「吱吱！」雀仔衝咗入屋，用一嘢啄落遊個頭到。
「呀！臭雀！」遊撥開隻雀仔，誰不知隻雀仔屙咗篤屎出嚟，正好擊中茉里奈件衫。
「喂⋯你想我死啊！？佢返嚟鬧死我啊⋯⋯」遊緊張地說。
「吱吱～吱吱～」雀仔叫囂數聲，然後飛去衣櫃啄了幾吓。
遊都唔知佢想點就說：「喂！你咪搞啊⋯我女朋友啲衫係晒入面架⋯⋯」
雀仔飛到遊身邊「吱吱～～～」
遊感覺莫名奇妙，不過隻雀仔好似對茉里奈啲衫好有興趣。
遊打開衣櫃俾雀仔睇吓啲衫，「吱吱⋯」隻雀仔飛到衣櫃邊啄了下件衫。
然後就啄下遊個頭，遊R一R頭心想唔通隻雀仔想我試吓？
「哈哈～女裝嚟架～」遊搖一搖頭笑說，然後隻雀仔叫囂數吓「吖～～吱吱吱～～」就飛走咗。
遊望住隻雀仔嘅背影，感覺很似曾相識。
佢又望一望茉里奈啲衫，突然靈光一閃「咦係喎⋯我可以著依啲衫喎⋯⋯」
「著住跑返屋企換咪得囉！呀！點解我之前諗唔到嘅！？」
就係咁，遊又重新振作起來，距離球賽開始重有4個鐘。遊研究一下茉里奈依個淫娃嘅衣服，大部分都係緊身或者暴露。
以裙為主，僅有嘅褲都唔啱遊著。
遊攞起一條黑色直裙，睇嚟最中性就只有依條啦。
無花巧嘅設計，無特別嘅收線條美。
遊穿上去還可接受，似個和尚多過乸型。
但上衣就無一件適合遊，遊攞了條淺黄色的大毛巾披在身上就準備出門了。
遊穿上茉里奈對拖鞋，打開門瞧瞧外面有無人。
「無人，安全⋯⋯」
「砰！」
遊閂埋門九秒九飛奔出門。
一路直奔返屋企，路邊啲人見到佢都以為係痴線佬。
遊羞恥到極，依種感覺一定要十倍奉還俾茉里奈。
依個時候林海欣係屋企睇緊電視，鳩同童童都去咗返學。
「叮噹叮噹！」林海欣奇怪啦，依個鐘數邊個返嚟呢⋯⋯
就從防盜眼瞄出去，只見一個上身赤裸嘅男人包住浴巾企係出面。
「邊個⋯⋯？」林海欣隔著門驚驚地咁問。
遊聽到有把陌生嘅女人聲驚愕地望一望門牌，的確無搞錯⋯
「你係邊個⋯？」遊嚇親反問。
林海欣想了想：「關你鬼事啊⋯你邊位啊⋯⋯」
遊心諗依個似係有賊入屋喎，說：「我係言靈師！快啲開門！」
林海欣猶豫左陣，乜言靈師會唔著衫架咩⋯⋯？就打電話俾鳩嗌救命。
她慌失失地說：「有個唔著衫嘅男人企係屋企出面話要入屋啊⋯⋯」
鳩馬上緊張起上嚟：「咩話！？咁變態⋯⋯」
遊無奈地站在門口，心諗細佬到底去咗邊到，有賊入屋都唔知⋯！
「千祈唔好開門俾佢，我宜家返嚟睇吓⋯」鳩擔心說。
然後向茉里奈請咗半日假，然後就跑返屋企。
林海欣害怕地說：「你唔好走啊，我男朋友返緊架啦⋯⋯」
遊心諗男朋友？真係可疑⋯⋯睇嚟係嗌咗同黨！？
遊發覺事情唔簡單，就躲到後樓梯的高處埋伏起來。
依個時候有個揮舞住掃把嘅男人跑到上嚟，遊瞧著他的背影好似有啲熟，不過睇唔到個樣。
情急之下遊揭起條長裙，一嘢笠住依個男人。
「唔好亂郁！」遊跳上他膊頭騎住佢，赤裸裸的肉彈壓住他的後腦。
「嗯⋯⋯嗯⋯⋯好臭啊⋯⋯」個男人痛苦掙扎。
遊聽到把聲好熟就跳返落嚟：「細⋯細佬？」
鳩揞住個鼻哥窿，表情好似想死。
遊尷尬一笑，然後認真起來：「你係到就啱啦！屋企有賊啊！」
鳩摸著後腦瞄一瞄遊嘅衣著：「乜原來係你啊！？」